Classic Heavy Metal 經典重金屬

其實即係指早期既金屬. Heavy Metal 基本上係 Hard Rock 加上重型失真的結他 riff。Heavy Metal 出現於六十年代末，七十年代初。有人話 Led Zeppelin 係重金屬始祖，但亦有人話 Black Sabbath 先係，但怎樣都好，我係好鍾意這兩支樂隊，因為佢地既音樂都好正。 早期既 Heavy Metal bands 多數來自大英帝國，好似 Deep Purple, 及三隊 Bristish New Wave Metal Judas Priest, Iron Maiden, Motorhead。而在美國，有 Van Halen, Kiss, 及後期的 Guns & Roses, 澳洲有著名的 AC/DC, 德國有 Scorpions。

代表樂隊：Led Zeppelin, Black Sabbath, Deep Purple, Judas Priest, Motorhead, Blue Oyster Cult, Van Halen, Kiss, AC/DC
Iron Maiden, Ozzy Osbourne, Alice Cooper

好多人對這重金屬好好奇，但其實無乜特別，只不果係玩金屬既人留了一把長頭髮或作女人打扮吧了再者﹐這是一種主流的 heavy metal/hard rock 音樂﹐在 80 年代的美國大行其道。Hair Metal 既音樂比較著重旋律，比較容易上口。經典 Hair Metal 樂隊有好多人都識既 Bon Jovi, Whitesnake, Skid Row, Scorpions, 其他有 Poison, Twisted Sister, L.A. Guns, Cinderella, Quiet Riot, Extreme等等。我唔算太欣賞佢地既音樂，可能係太商業化，但係這些樂隊係偶有佳作，他們的金屬情歌是十分好聽的。隨著 grunge 由 Nirvana 帶領下在西雅圖興起，同埋 Hair metal 已失去新鮮感，hair metal在九十年代初正式玩完，band 好似 Bon Jovi 甘，已轉玩 Pop Rock，而班長毛都可以去飛髮勒！

代表樂隊：Bon Jovi, Skid Row, Quiet Riot, Scorpions, Whitesnake, Dokken, Poison, L.A. Guns, Twisted Sister

可能係最早期既極端金屬，Thrash 係絕對比早期既 metal 快速同埋重型。Thrash metal 好多都較著重 guitar riff 的變化及技術多於音樂本身的 melody, 因為重型而無規則既結他riff係可意蓋過旋律，但絕無損害歌曲既可聽性。當然，有部份既 thrash music 仍然有好正既 melody。Thrash 主要係比早期既 metal 或同期八十年代既 hair metal 更有侵略性，更有爆炸力。Thrash 既經典樂隊有我最愛既 Slayer, 其他有我唔多 like 又好有影響力既 Metellica, 仲有 Sepultura, Megadeth, Anthrax, Exodus, Testament。Thrash metal 對 death metal & black metal 既發展係好有影響, 因為很多 Death Metal 樂隊玩的音樂都帶有 Thrash 的成份，尢其係美洲的樂隊。我聽 death & black metal 之前，我都係聽 thrash 先。如果閣下連 thrash metal 都接受唔到，你係無可能接觸死亡和黑色金屬的！現今不少 Death Metal 和 Metalcore 樂隊都在音樂中加入了 Thrash 的元素。

代表樂隊：Slayer, Megadeth, Anthrax, Sepultura, Testament, Exodus, Metal Church, Kreator, Sodom, Destruction, Overkill, Death Angel, Dark Angel, Forbbiden, Voivod, Metallica

HK THRASH METAL SITE: Alpha And Omega

基本上係 Thrash 加上極速，死亡嘔泥唱腔，同埋更重型失真既結他 riff。早期 Death Metal bands 多數來自美國，特別是 Florida, 有 Death, Morbid Angel, Deicide, 這類舊式的 Florida Death Metal 都是充滿著 Thrash Metal 的影子﹐但亦有部份如 Atheist, Nocturuns, Cynic 等樂隊將其音樂複雜化﹐變成了 Progressive Death Metal。而早期的歐洲 Death Metal bands 則有Grave﹐Entombed﹐Dismember﹐Therion 等等﹐但現今的 Bloodbath 仍在演奏這類 Old School Death Metal。

現今的 Death Metal 主要分兩種，一種係好凶殘既 Brutal Death 及 Grind Death, 另一種係 Melodic Death。 Grind death 可以做到頂級重型，而鼓亦可達到極速程度 (blastbeat)，音樂極混亂，不著重旋律，這種樂隊主要來自北美，如 Cryptopsy, Cannibal Corpses, Suffocation, Dying Fetus, Nile 等等。至於 Melodic Death bands 多數來自瑞典及芬蘭，音樂旋律上比較多變化，編曲較幽美，例如會混入木結他，keyboard， 豎琴等等。著名樂隊有 In Flames, Dark Tranquillity, Arch Enemy, Soilwork 等等。雖然我講到好似 melodic death 比較正，但唔好誤會，因為兩者有佢地獨特之處。音樂鑑察力高既人會話 Brutal Death 比較耐聽！但我覺得由 melodic death 入手先會較好，因為初初試 Cryptopsy 既時侯好唔慣。現今有不少 Melodic Death Metal band 如 In Flames 及 Soilwork 已邁向主流, 帶有 Nu Metal 的影子.

本人在此推介一個 grind death metal 的網頁：Reek of rot

一提起黑色金屬，一班聽開極端金屬既朋友就會聯想起反基督，崇拜撒旦, 火燒大教堂，殺人係等閒事。無錯，黑金屬的確如此。最早期既黑金樂隊有英國既 Venom, 瑞典既 Bathory, 但唔少人都會認為挪威既黑金屬係最正， 因為一班最著名既黑金樂隊的確係來自挪威，好似班霸 Emperor, Darkthrone, Mayhem。好多人話挪威的森林好靚，哈哈，有時呢班友都可能係呢 D 森林度夾 band. 佢地著上 D 好似 SM 裝既衫，同時又將自己化裝成妖魔一般，但同時又玩得出甘正既音樂，symphonic 就更華麗，我有個 friend 覺得好奇怪，唔知呢班人讀乜野書，哈！點都好，佢地既音樂同編曲係超正的，而比較死亡金屬，黑金既主音把死人聲往往係非常之尖銳，好似惡魔怒哮一般。

好似死亡金屬，黑色金屬亦有分開幾種，但主要有兩種，第一種係原始冷酷無情既 Primitive Black Metal, 代表樂隊有 Darkthrone, Mayhem，而另一種係 Symphonic Black Metal,代表樂隊有 Emperor 及較 mainstream 的 Dimmu Borgir。 Primitive Black Metal 歌曲的意識型態絕對是以反基督為主，音樂可以好簡單，注重邪惡的氣氛，可能係因為那一種極度嘈吵既氣氛及尖銳無比而激烈的結他聲吧，這種音樂散發了一種魔 力可以將你迷著！ Symphonic Black Metal加上了 keyboard 既成分來令到音樂產生變化。 Symphonic Black Metal 往往比 Primitive Black Metal 動聽同埋多變化，氣氛彭拜而華麗，但由於往往著重幽美既編曲，當音樂慢掉下來的時侯，黑金就會變得越來越 Pop, 越來越失去黑金邪惡既意義，表表者有 Cradle Of Filth + Dimmu Borgir，比唔少極端金屬迷剷到飛起。

另外，黑金屬亦有極多分支，第一種係 Viking Black Metal, 主要加入維京民謠，音樂旋律充滿民謠色彩，而我識得既樂隊有 Enslaved, Moonsorrow, Windir, Thyring, Ensiferum 等等。第二種係 Fast Brutal Black, 帶有超激烈結他及超快鼓墼，越快越兇狠，但基本上跟 Pure Black Metal 扯上了關係，不過音樂的技術及變化較大。此外，還有 Vampire Black Metal，歌曲的歌詞與歌德文化有極大關係。Pagan/Folk Black, 在音樂上加入了不少民謠旋律，而我最愛的可算是 WYRD。Suicidal/Depressive Metal ﹐基本上帶有 primitive black metal 的氣質﹐但歌曲氣氛極暗極黑﹐代表有 Shining, Forgotten Tomb, Abyssic Hate。 Nazi Black Metal 是一種被受爭論的黑金，因為歌曲多是講政治，令人覺得遺背了黑金原則，而且有一些樂隊玩到好似玩 punk 甘樣。最後 Avant Garde Black Metal 是指黑金屬中亦帶有多種原素，可以是 folk，迷幻，歌劇，歌德等等。實在有太多分支﹐不能盡錄。

P.S. 若我發現更多類型及新資料，我會遲些在此處寫更多！

推介網站: An Excellent Black Metal Dictionaries: http://www.myrrthronth.de/ 

音樂的根基是死亡金屬，結他 riff 是死亡金屬的那種，但卻有黑金屬的意識型態及氣氛，而主音亦是黑金屬的那種。

代表樂隊：Dissection, Naglfar, Sacramentum, Angel Corpses, The Legion, Dark Fortress

代表樂隊：
Classic/Traditional Doom: ST. Vitus, Solitude Aeternus, Trouble, Candlemass, Catheral, Forsaken (Malta)
Doom/Death: Old Amorphis, My Dying Bride, Old Anathema, Old Katatonia, Daylight Dies, Morgion, Saturnus, Officium Triste, Dusk, dISEMBOWELMENT, Shape of Despair, Unholy, Ashes You Leave, Pantheist.
Funeral Doom: Skepticism, Thergothon, Mournful Congregation, Evoken, Esoteric, Hyponic

Recommend Site: The History of Doom Metal

Recommended Label: Firebox Records

Gothic Metal，老實講句，我識聽唔識講，因為我對 80 年代的 Gothic 音樂認識不深，但主要是 Gothic 音樂華麗而冰冷的旋律再加上了 Heavy Metal 既結他 Riff，不少樂隊的歌曲會給人一種極大路的感覺，但忽略了他們旋律既優美。

Gothic Metal 亦往往跟 Doom Metal 扯上關係，因為兩者有失落既氣氛，其實好多隊樂隊，好似 Theatre of tragedy，The Sins Of Thy Beloved 係絕對在兩者之間，有 Gothic Metal 既旋律，而音樂的結他 riff 算是 Doom Metal 的那一種，頗失真及重型，所而他們算係 Gothic/Doom 樂隊。不過﹐現今我對那些合唱團式歌曲已感到厭倦﹐由鐘意變反感。

代表樂隊：
Gothic Metal: Lacrimosa, Moonspell, After Forever, Lacuna Coil, The Gathering, To/Die/For, Madder Mortem, 後期的 Therion
Gothic/Doom: Theatre of Tragedy, The Sins Of Thy Beloved, Even Song, Tristania, Silent Cry

Dark Metal 暗黑金屬

BETHLEHEM 出過了一張作品名為 "Dark Metal", 不少人索性將 BETHLEHEM 叫做 DARK METAL 始祖, 但實制上現今無法分類而又帶有暗黑感覺的金屬 (Katatonia, Novembre, Madder Mortem etc) 都已被人稱為 Dark Metal..一個幾有趣的 term.

Punk-Metal 龐克金屬

Punk 混合 Metal, 好似 Slayer 隻 Undisputed Attitude. 樂隊 Agnostic Front, Misfit 都有玩呢樣野。

Metalcore

一種很另類型既金屬，混入了 Hardcore, Thrash, 甚至 Death Metal 的元素。這類音樂現今大行其道, 感覺算是輕快, 代表樂隊有 As I Lay Dying, God Forbid 等等, 但有一些死硬派是仇視這類金屬, 好無謂.