F**k U (FAQ)
KILL & AIDS
K: 點解呢個網無邊隊邊隊 Band 既？
A: 因喜好而定，有些大牒可能我鐘意，但無乜野好講，所以未寫或索性唔寫，我係想寫我想寫既野，而且我個網係不斷
更新，於 2001 年建立的時候根本就無一個 Plan，而且這個網頁只屬業餘性質，有時我覺得自己係聽多類型音樂，
但真正聽得深入的未必是多，所以都是旨在推廣，寫得唔好唔好見怪！
K: 網主玩乜樂器，玩乜類型？
A: 很抱歉，我基本上係乜都唔玩的，只是略懂些少結他，所以我只係純聽音樂的。由於唔玩，有時這樣會令我寫牒評有
些困難。
K: 網主最鐘意邊類 Metal？
A: 基本乜都聽下，特別鐘意 Black Metal 同埋 Doom Metal，Death 都聽，但唔熟行，極唔鐘意聽
Power/Speed，因為個
人感覺到這類音樂及其主音大多是十分煩嘈，而我是沒有可能去完成整張大牒，另一類就是主流的 Nu-Metal，好似
Kid Rock，Linkin Park，Limp Bizkit，基本上我唔當佢地係 Metal。
K: 網主最愛那個地方出產的樂隊？
A: 俄羅斯及前蘇聯解體的國家，不知為何他們的音樂俾到我一份深厚的感情，好似 Mental Home，雖然唔少人覺得他們一般，
但我就好鐘意！
K: 有甚麼牒係必買或買了唔會後悔？
A: 一個難答的問題，因為我的確是列了好多"必備經典"或高分數的大牒，但現在我免得過已不再評分了！
睇過了牒評後自己再作決定想買乜野牒吧，及參考我供應的其他網站作比較。
我自己的入門牒：
Thrash: Slayer - Reign In Blood; Sepultura - Beneathe The
Remains; Megadeth - Rust In Peace
Melodic Death: In Flames - Jester Race; Arch Enemy -
Burning Bridges
Brutal Death: Crytopsy - None So Vile
Black Metal: Emperor - Anthemes To The Welkin At Dusk
Doom Metal: My Dying Bride - Turn Loose The Swan
Opeth: Morningrise Katatonia: Brave
Murder Day
K: 噢，這是甚麼類型的金屬，點解又似 Death，又似乜，又似物？
A: 請大家有些時候不要太過執著金屬的類型，因為現今很多音樂都含有不同的原素，只要唔好太離譜就得了，
例如唔好話 Darkthrone 既 Transylvania Hunger 係 Death Metal，或者話
Marilyn Manson 係 Black Metal！
最常見的是很多人爭論某些樂隊是 power， speed，定係
neo-classic，基本上無謂去爭論，因為不少樂隊都係
有齊這三種成份。不過，如果真係唔係太識分金屬類型的話，不要緊，因為聽得多就會自然識分，而我聽了兩年有
多間中都會出錯。
K: 點解網主甘憎 Metallica，變態架 ?
A: 講起 Metallica
我就把火，好多人都知道我係超憎佢地的，我決定唔買佢地既牒，有過的牒，我都賣晒出去唔會稀罕，因為大把
野好聽！ 但我地都仲係朋友，因為我唔係蠻不講理佢憎佢地。我一向係憎佢地既態度，唔係佢地早期的音樂！有關
Napster 事件，
對的，歌手樂隊要食飯，但佢地既反應係好大好大，帶動其他主流歌手去告人，視錢如歸！另邊廂，我覺得真正的好野一定會有人
買，難到堂堂一隊出名大 band 會怕佢地既樂迷唔買佢地既牒走去 Download？（我要講明我唔係支持濫用 MP3）噢！係 wor ...
唔記
得佢地而家只係去服務那些主流既歌迷掭，那類人大部份都係有得聽就算，原有的歌迷已覺得被出賣而再不支持麥記，（例子：http://www.neteze.com/space/cds/metallic.htm
睇下佢講既野吧，佢自己以前都係麥記 fan，但已看得切底！）覺得無價值去買一些如
垃圾般的音樂，麥記驚得有理由！唉，你地出道既時候咪又係靠那些
Illegal Tape 去做宣傳，做人竟不飲水思源就只顧"元"？你話歌手
賺好少人工，好，無錯，好多真係這樣，但這群人，特別係鼓手 Lars，根本就係偽君子，你話少錢甘你就咪去食甘多靚雪茄；上 VH1
大搖大擺話自己轉了上主流/Crossover 感到光榮，見到我都想嘔 加打爆個電視；1991 年 Black 係 Billboard
最佳銷量的 Metal 大牒，但
這只是限於主流，難到同年 Sepultura 的 Arise 會俾佢差，所以無野值得驕傲；死都話唔拍 Video？最後咪又係出了那個乜野
"ONE"；
身為 Metal 友走去剪髮著花款衫？Metal？唉！甘既姿態根本同那類 Gay Boy Groups
無甚分別，我極鄙視這種態度！人地用了你地 Logo
的顏色就走去告人？你地班契弟究竟係音樂人定係資本家，可能 Lars 出賣了 Cliff Burton 吧，唉！Metallica
再唔係麥打力架，係麥當奴！WHERE IS THE FUCKING METAL HEART ??? METALLICA HAS TOTALLY
SOLD OUT ITSELF！FUCK METALLICA！ FUCK YOU LAR$ ! 大家放棄這隊樂隊吧，他們只會繼續令你地失望！
睇完這篇"廢話"如果感到憤怒的話，隨便媽我 ，我憎佢地既態度係唔會變的！
返主頁
