Title of CDs: Psycho Research Application, Fun Statistics, IQ Developer, Memory and Creative Tests, Psycho service Kit, Puducherry Differential Aptitude Test (PDAT), Puducherry Differential Aptitude Test 2(PDAT-2), Mathematical wizard, Mind Games, பேராசிரியர் சுந்தரசண்முகனாரின் வாழ்வும் வாக்கும்
***************************************
உளவியல் நிபுணர் செ. இலக்குவனின் நூல் வெளியீட்டின் போது
கலைமாமணி கல்லாடன் அவர்கள்
அன்புடன் இயற்றிய கவிதை
புல்லும் ஞானமுறும்
சென்கதைகள் என்றொருநூல் படைத்தார், சிந்தை
தெளிவிக்கும் கருத்துரைகள் தொகுத்தார், புத்தர்
பின்கதையாய்த் தத்துவத்தின் விளக்க மெல்லாம்
பெற்றுமன விடுதலைக்கு வழியும் சொன்னார்
என்கதையாய் நான்எதையும் சொல்லவில்லை
இதிலுள்ள பொருள்களிலே ஒன்றி ரண்டை
முன்கதையாய் எடுத்துரைத்தேன், அரிய நூலை
முனைந்தளித்த இலக்குவனார் வாழ்க நீடே
நல்லதையும் கெட்டதையும் பகுத்துச் சொல்லும்
நடுநிசியின் பயணத்தால் அறிவு ணர்த்தும்
அல்லதையும் உள்ளதையும் எடுத்துக் காட்டும்
அன்பதனை இரக்கத்தைப் பணிவு தன்னைப்
புல்லெனினும் ஞானமுறும் என்று காட்டிப்
புந்தியிலே அமைதியினை நாட்டும், எந்தச்
சொல்லெனினும் பணிவுடனே உரைக்கச் சொல்லும்
சுவைமிக்க சென்கதைநூல் போற்று வோமே
இலக்குவனின் நூலிதனைப் போற்று வோமே
இதனைப்போல் பலநூல்கள் படைப்ப தற்காய்
இலக்குதனைப் பெறுகவென வாழ்த்து வோமே
இனிக்கின்ற முறையினிலே கதைகள் சொல்லி
மலைக்கின்ற கருத்துக்கும் எளிமை கூட்டி
மனம்படிய வைக்கின்ற இவர்எ ழுத்து
தலைக்கனத்தை மாற்றுவதைக் காணு வோமே
தம்பியிவர் சிறக்கவென வாழ்த்து வோமே
---------------------------------------------------------------------------------------------
Spa Psycho Center, 42, Third Cross, Thilagar Nagar, Pondicherry - 605009. India.
Last Revised: 3rd September 2019