 |
Vriedaag 5 april 2002 Deze waek is ut emmerneejs is later dan normaal. Dit in verband met mien drukke stagewerkzaamheden. Effe terugblikken op de afgeloepe waek. Vurige waek vriedaag zien we zoe as altied wer beej Gradje en de Shuffle gewest. Ut is alwer 'n waek geleeje dus ik wet de details ok nimmer zoh helder. Waat ik nog wal wet is daat Fred zien scoringdrang beej det megje oet de Haegelsum verdwenen is. Verder wiet ik nog daat Bajje aan het zanikken waas ovver Emmerpunten vur Mientje. De Shuffle waas wederom niks aan, det wiet ik ok nog. Maar verder weinig biezonders volgus meej. Zoaterdaag waas Tinus h'r verjeurdaag. Tinus waas net op tied fit want ze waas 'n bitje zeek gewest. Ut waas lekker gezellig druk beej Tinus. De hoeskamer zoot good vol. Um 'n oor of kwart ovver tien/half elf zien we richting Serum gefietst (!). Ni iederien ging direct mei, Dennis, Slak, Tinus, Linda en Bajje bleven nog efffe beej Tinus hangen en kwamen dus waat later. In Walhalla waas ut wal gezellig ut waas allien vul te druk. Ut groetste gedielte van de oavend hebben we op d'n trancezolder gestoan, toen we det muij waren zien we maar ien verdieping liëger goan stoan. Doar probeerde Schreven nog ut nichtje van Roel te versieren ;) waat ni lukte. Zeej haaij mier aandacht vur geblondeerde jongens. Sorry, Rat. Afgeloepe zondaag zien we wer op Prilpop gewest. Deze kier waas ut gelukkig iets minder druk en dus ok nog wal iets gezelliger. Zelfs ozze kleine patserman (Ramon) waas durbeej. Heej kos zich duchtig oetlaeve op de zolder, woar ze helaas vur um gen hardtrance (Ramon's favoriete stroeming) dreijde, maar mier jungle-trance. Andere aanwezigen waren: Troage, Slak, Sammer, Loes, Fred, Rat, Munten en Koen. Lenders mos lieren, net as Minten. De rest haaij waarschienlik paasverplichtingen. Afgeloepe dinsdaag waren 'n aantal emmers zich aan het vervaelen en gingen dus maar op ut Terras zitten. Fred, Koen, Minten en Sammer gingen ierst noar Liesbeth. Noa 'n oor kwaam iemand op 't idee um 'n ies te goan aete in Grubbenvorst. Det hebben we dus ok gedoan. Waas wal gezellig. Soaves waren dur nog 3 man beej Grad: Dennis , Bajje en Troage die hebben zichzelf ok wal vermaakt. Woensdaag 20 maart 2002 Zoe, ut is alwer twiejje waeken geleeje daat heer waat neejs vermeld stond, det kwaam doordaat Huize Verdellen unne neeje computer haaij aangeschaft en doarum de homepage ni beej kos werken. Vurige waek dinsdaag zien we wer als vanouds beej Gradje gewest. Toen ik binnenkwaam um 22.15 zoog ik in ierste instantie gen Emmers zitten. Die bleken achter ut dartbord te vinden. De mieste Emmers bleken net zohveul darttalent te bezitten as Nana Mouskouri. Dus werden de dartpielen al snel ingeruild vur glazen beer. Aanwezig waren: Munten, Emmy, Fred, Troage, Minten, Dennis, Sammer en Bajje. Afgeloepe vriedaag waren we ok wer beej Gradje te vinden. De muziekboxen waren ok wer gemaakt beej Grad, door de ontiegelijke herrie bleek un normaal gesprek amper mogelijk. Deze kier waren aanwezig: Slak (terug oet Utrecht), Tinus (vroeg noar hoes umdaat ze mos werken), Bajje (wederom in wit t-shirt), Troage (haaij ziene pot gel wer gevonden en ziene ketting wer um), Sammer (muj van ut zaalvoetballen), Munten (van de bank opgestoan), Anke (ok thoes van diezelfde bank opgestoan), Fred (droemend van die meid met die donkere krullen) en Lenders (heej hofde pas um 8.00 te beginnen op zoaterdaagmerge). Biezonderheden van deze oavend: - Komende vriedaag giet Fred scoren - Lenders mos allien noar hoes fietsen - Sammer kriegt 12 pils als heej kampioen wuurd - Munten & Anke wojje condooms oet ut automaat halen beej Slak vur de deur maar det mislukte - Slak zien stage beej Oor bevalt um wal - Koen kumt volgende waek woensdaag terug Op zoaterdaag wojje de Emmers noar The Materixx in Nijmegen goan, maar dit werd sterk afgerojje door Loes en Rat. Volgens hun waas dit un trancetent met un hoep foute minse zoals dealers en verkierde licht getinte medeminse. Doarum werd besloaten um noar ut centrum van Nijmegen te goan. We zouden ierst noar de Drie Gezusters goan maar niemand haaij zin um 3 euro entreegeld te betalen. Dus toen gingen we maar noar de Compagnie, de kroeg durneave. Emmy, Munten, Fred, Sammer, Slak, Tinus, Troage en Ramon stonden duchtig te zwieten doarbinnen, want ut waas doar ontiegelijk heit. Ni veul later kwaam un zaat oet de oegen kiekende Loes binnen waggelen, ze haaij un bitje veul sterke drank gedronken. Um 1.40 gingen Slak, Tinus, Troage en Ramon noar hoes. Loes loog op det moment al in bed beej ien van h'r vriendinnen, ze vulde zich ni zoh lekker. De ovverige Emmers gingen nog effe door en gingen later un frietje aeten beej ien of andere walgelijk gore frietkroam. Um 3.05 waren ze beej de auto, als de emmers 5 minuten later waren gewest waren ze nimmer thoes gekomen want de parkiergarage ging dicht. Al met al un ruige oavend. Gister zien we nog beej Grad gewest. Aanwezig waren: Emmy, Minten, Munten, Troage, Bajje en Sammer. Ut waas gezellig en we haaije alwer vul te vul betaald. As we zoe door goan kunnen we van di foeienpot beej Gradje op vakantie aan ut eind van ut joar. Heeronder stiet ut emmerneejs van twiejje waeken geleeje, geschreven door Bajje... Wer en weak vurbeej in ut Emmerleave. De weak begos deensdaag beej Gradje. Minten en Emmy, Tinus en Slak, Sammer, Munten, Troage, Fred en Bajje waren de aanwezigen. Dennis waas de groete afwezige. De nudige laege proat en logo’s vlogen over de taffel, evenals de biertjes en de cola vur Troage. Woensdaag vond het heugelijke feit plaats det Sammer, de laatste der Emmers zonder reejbewies, zien reejbewies beej zien 4de examen heat gehaald. Noa eigen zeggen reej heej nog slechter as de veurige kier. Woensdaagovend waren de Emmers oetgenudigd um en biertje te komen drinken beej Sammer. Loes, Minten, Munten, Fred, Troage en Bajje hebben vaan deze gelegenheid gebroek gemaakt en zien noar Haammakerstroat 7 (zêve) getrokken. Doa waas ut gezellig en de Warsteiner ging d’r wal in. Vriedaag werd de weak voortgezet, beginnende beej Gradje. BOB Minten mos cola en Ice Tea achterover schudden en hej heer dudelijk mier mujte mej daan met de koude rakkers vaan Dommelsch. Fred en Munten waren in en heftige politieke discussie verwikkeld. Ut politieke televisie debat tussen de politieke kopstukken van Nederland en paar daag ieder waas heer niks beej. Wie waas de fortuynlijkste? Sammer en Troage vermengde zich op en bepaald moment ok in deze heftige discussie. Tussendoor haj Fred nog wal de tiet um nog noar zien wannahaves meid te kieken die wer met de pielkes aan ut goejen waas. Maar noar verluidt heat hej genne date met die meid kunnen regelen. Dornoa zien enkele Emmers noar de Shuffle getrokken um vertier tussen de kiender te zeuken. Minten mos vandaag hakken zonder alcohol op en det ging um en stuk slechter af. De biertjes gingen wer vrolijk door ut keelgaat. Um 02.16 beslote Slak, Troage en Ba! jje um en vurkske te goan prikken beej de Turk en dan heb ik zoiets van uuuhhhh……… Zoaterdaagovend waar en diptepunt in de Horster Laege Emmers geschiedenis. Kort samengevat: Troage ging ni weg, Bajje ging ni weg, Sammer ging ni oet, Dennis en Linda waren zuhause en Slak ok. Raymond mos van zichzelf um 21.00 uur in bed liggen um aan ut ritme te wennen. Een reactie: Slak: wat een walgelijk saaie zoaterdagoavend zeg. Waas gaer nog efkes lekker oetgegoan vur mien stage. Maar helaas. En nou Sammer op zoaterdagoavend vortaan ok zelfs lever op de bank giet zitten ben ik bang dat dit veurlupig neet ut laatste duffe weekend zal zien. Serum is noa eerdere berichten op zoaterdaag noar Walhalla gewest en de ovend zal wal geslaagd zien?!?!? Een reactie vaanoet Serum: Freddy: Zoaterdaag waas walhalla echt zoeals vaanalds good. Mien broor als DJ dej op un paar missers behoorlijk good. Lekker geswinged in iedersgeval. Heb gehuurd daat de horster emmers aan zoaterdaag oavond banken waarre... Zelfs ozze Roel en Cindy waaren bej ut Walhalla.... Slak giet vur de komende drie manden noar Amsterdam um diel oet te maken vaan de redaktie beej ut tietschrift OOR. Nou maar hope det ziene wens in vervulling giet! Alle Laege Emmers willen ow doarmej veul succes wensen! Dinsdaag 5 maart 2002 Heer wer effe un korte samenvatting ovver waat dur de afgeloepe waek wer allemoal gebeurd is in 't laeve van de Laege Emmers. Op d'n dinsdaag waren dur wer un aantal Emmers beej Gradje te vinden. Deze kier helaas gen emmers oet Serum. Wal 'n aantal Horstenaren: Troage, Bajje, Slak, Tinus, Dennis, Sammer, Loes en Jan Linders collega Mieke waren aanwezig. Ienmaal aangekoemn baaj Grad bleken 'n stel Duitsers ozze vaste stamtaffels te hebben ingepikt. Koenenbakkus, lier die minse toch is waat manieren want dit ken zoe natuurlijk ni. De emmers belanden dus op de minder comortabele toeptaffels, woar gezellig werd gealdehoerd ovver de belangrijke en minder belangrijke dingen van ut laeve. Vriedaag waren dur waat mier emmers beej Gradje te vinden. Ikzelf waas dur ni beej, ik most sloap inhale noa un zwoare kroegentocht in Leeds. Ik heb gehuurd daat ut wal gezellig waas, maar daat dur gen schokkende dingen zien gebeurd. Volgus Femke haaij Fred 'n meid kunnen scoren. Fred zoog die meid wal zitten de afgeloepe paar waeken, maar Fred zei zoaterdaag taege meej daat heej ut toch maar niks vond. Woarum waas meej ni hielemoal duudelijk, maar det mot heej natuurlijk zelf wieten. Vrouwelijke emmers zien altied welkom. Femke zei ok nog daat weej de publiekstrekkers beej Gradje waren op vriedaagoavend. As weej weggoan, stroemt bliekbaar de hiele kroeg laeg. As det werkelijk zoe zou zien verwacht ik wal daat Jorrit & Femke ozze sponsor waere. Vur al die honderden guldens umzet die weej extra bezurgen kunnen ze os volgende emmershirt ok wal sponsoren. Afgeloepe zoaterdaag waas ut dan eindelijk zoh wiet: De Laege Emmers gingen noar Valkenswaard!!! Iederien oet Hôrs din doar ierder is gewest vind ut doar geweldig, maar volgus meej zien weej dan beej de verkierde kroegen gewest want ut veel 'n bitje taege. Ierst gingen we noar Cafe Old Dutch, volgus Bajje en Troage waas det de kroeg van Valkenswaard. Leek wal un bitje op de Shuffle allien ut volk waat dur kwaam waas gemiddeld 5 joar alder. Troage haaij zien zondaagse klier aangetrokken um indruk te maken op zien beoegde meid. Die waas dur ok maar Troage haet ni gescoord, ze bleek 27 joar te zien en det vond Troage iets te ald.. Al met al waas ut doar wal gezellig, maar we haaije dur mier van verwacht. Laternoa gingen we noar cafe De Swing, dit waas werkelijk un trieste kroeg. Valt te vergelieken met Cafe Kling, met iets mier volk binnen. Iederien keek os raar aan, zoe van: "Wa moete gullie hier?" Noe ien pilske zien we dus ok maar wer verder gegoan. Toen kwamen we beej Cafe/Disco Columbus aan. Dit waas un kleine kroeg met doar aanvast un kleine discotheek. Veel te vergelieken met un drukke Steeg van 5 joar geleeje. Um 2.30 gingen we aeten beej de plaatselijke Patatje van Matje, de friet waas van goiie kwaliteit allien de kroketten waren erg ranzig. Un rundvleiskroket haet normaal gesproaken un broenkleurige inhoud, maar in Valkenswaard hebben kroketten un greun/gaele inhoud. Samengevat: Valkenswaard veel taege, misschien waren de verwachtingen wal vul te hoeg, of weej zien in ut verkierde gedielte van Valkenswaard gewest. Moandaag 25 januari 2002 Afgeloepe waek waas dan toch 'n historische waek in de Laege Emmergeschiedenis. Afgeloepe dinsdaag werd al afgesproaken daat we zoaterdaag noar Eindhoven zouden goan en waarempel: we gingen dur ok nog hin ok nog. Eigenlijk zouden we vurige waek al zien gegoan maar op ut laatste moment werd toen besloaten um toch maar livver un duffe Kubke-oavend te verkiezen boaven un ruige Eindhoven-oavend. De Emmerwaek begos uiteraard wer op dinsdaag beej Jorrit & Femke. Un onverwacht hoege opkomst waas aanwezig en er werd stevig gediscusieerd, volgus de verhalen die ik gehuurd heb. Afgeloepe vriedaag wer beej Jorrit & Femke gewest, verder zien we ni gekomen aliien Dennis, Linda en Tinus gingen nog noar de Buun. De rest hing de ganse oavend beej de Beurs. Het plan um noar de Shuffle te goan werd gedwarsboemd door de ongekende drukte aldoar. Beej de Beurs moste de laatste emmertes duroet weare gevegd um 3.15. Fred zien beoegde meid waas dur ok nog maar Fred ondernoom gen actie. Ondernimde aanstoande vriedaag wal actie, Fred? Zoaterdaag gingen we dan noar Eindhoven. Troage, Bajje, Mientje, Sammer, Loes, Slak, Schreven, Emmy, Munten en Fred waren aanwezig. Minten, Tinus (allebei zeek) Dennis, Linda (koffie drinken beej broor van Linda), Sjoerd (wie is det ok wer?), Lenders (lieren vur tentamen van volgend joar), Roel en Cindy (thoes op de bank) waren helaas afwezig. Ienmaal in Eindhoven aangekomen besloten Schreven, Slak en Sammer um efkus in te goan drinken in de Irish Pub. De rest kwaam ok noadaat ze de jas op haaije gehangen in Stratum. Ut waas zoh gezellig beej de Irish Pub daat we de rest van de oavend nergens anders mier gewest zien, de halve liters beer waren zeer lekker. Enkele reacties op deze oavend: Fred: "Gisteren zeker duchtig gezellig in de Irish pub. Gojje muziek, veul minse, vrouwe die naar de WC toe moste. Schreven haj bijna un vrouw van rond de 30 kunnen pakken ;-)) (heej is grensverleggend bezig). Duchtig meij geswingt op Irish Drinking Songs. Mientje en ik hebben mar besloaten daat we nog wal een paar kier veur de spegel motte oefenen. Verder haet munten zien persoenlijk record snacks aeten verbroaken met 1 friet sate, 1 viandel en 4 kroketten en hej woj nog wal doorgoan volgensmej.... In die tussentied daat Munten zien lust vur snacks poogde te stillen, zien Emmy en ik mar nar volgensmej de Trix gegoan woar wej op oldschool house nog ff flink gehakt hebben. We hebben Rene doar wal gemist want ozze ienige echt hak-koning zuj doar de tent wal los hebben gekregen. En natuurlijk kos ik ut erste oor thoes wer nit sloapen vaan al die cafeine in mien blood." Slak: "Waar echt een toffe oavend gister in de Irish Pub. Prima muziek en lekker veul pints gedronken. Volgende waek wer? Koen de optredende muzikant speulde trouwens erg veul nummers die geej erg good vind. Leek wal Tribute to Koen the Great benefiet concert. Nog leuke dingen gedoan dit weekend trouwens Koen? Wer een paar stoffige Stubes bezocht?" Munten: "gister duchtig gezellig in Eindhoven, swingen in de irish pub......heb van troage nog wat danspasjes geleerd....." Ozze Laege Emmer in Duitsland is nou zelfs al Duits staatburger gewoare, heej is doarmeij de ierste boetenlandse Emmer. Maar of ge dur trots op mot zien um Duitser te zien, wiet ik ok ni. Ozze Koenenbakkus ging skiën dit weekend... Koen: "Ai, wer wat gemist in Irish Pub. Zaoterdag zien we nerges noa toe gewes. Zien toen vrej wiste sloapen omdat we de volgende daag noar de Harz (berggebied vlak bej os) zien gegoan om te skiën. 06:45 opgestoan en mit de trein en bus noar de Wurmberg gereisd. Skies gehuurd ,dagkaart gekoch veur piste doar, en om tien oar stonden wej al boaven op de berg (ongevaer 1 km hoeg). Ik haj zelf nog noeit ge-alpine-skied mar ut veul mej neet taege. Noar 14.634 km in mien laeve gelanglaufd te hebben hedde dat alpine skiën ok zoe onder de knie. En de hellingen woare neet zoe stijl as in frankriek of oesteriek. Erst beginnen mit blauw en daornoa snel ovver noar roed. Wal paar kier flink op mien bek gegoan mar dat heurt d’r bej. Piste waar onzettend smal en veur beginners waor dat best lastig want die hebbe veul ruimte neudig om aaf te remme. Leuk moment waas ok wal toen ik op un gegaeve moment mit de kleine sleeplift (kabel mit beugel woar ge om mot zitten) omhoeg woj. Naeve ut baantje woar ge dan om hoeg gies lepe un paar minsen en ik vroog mej aaf wat die doar in godesnaam dejje. Ze konnen toch ok ,dacht ik, op de “normale” manier noar benejje skiën in plats van tot hun middel in de snej te dabben en halsbraekende toeren motte halen om niks te braeken bej ut noar benejje loepen van de sleeplift helling. Op dat moment kruuste mien skies en loag ik op mien bek. Sleep lift wier stop gezatte tot kust veilig waas en leep ik ok, wie die minsen, tot mien middel in de snieuw om noar benejje te goan. Toen wist ik waorum die doar lepe. Ut ware net als ik beginners die veur ut erst un sleeplift gebroekte... Gelukkig konde onder aan de andere kant van de berg mit gondels hielemoal noar boave. Nou heb ik wal onzettend spier pien." Moandaag 18 februari 2002 Ut is wer moandaag en de vakantie zit dur wer op vur de mieste. De ellendige schoel-, werk- en stagedagen zien wer begonnen vur de Emmers. Dit emmerneejs zal wal ni zoh lang weere want dur is sinds ut laatste neejs van afgeloepe donderdaag weinig schokkends gebeurd. Afgeloepe vriedaag woiie de Emmers noar Gradje toe maar det bleek gesloaten te zien. Dus toen gingen Slak, Bajje, Sammer en Troage maar noar de Shuffle. De gemiddelde laeftied waas afgeloepe vriedaag iets hoeger dan normaal umdaat ok Liesbeth waas gesloaten, dus de minse die doar normaal te vinge zien waren nou ok beej de Shuffle. Toch waas ut ni afgelaaije vol. Slak ging laternoa noar cafe De Buun, woar heej Tinus, Munten en Fred aantrof. Maar verder waas dur weinig te belaeven beej Mart van Rens zien kroeg. Afgeloepe zoaterdaag waas nog dramatrischer. Effe un situatieschets.... Sammer huurt op zoaterdaagmiddaag beej Jan Linders daat Slak samen met Fred en Munten af haet gesproaken um noar Eindhoven te goan s'oavends. Bajje wil ok wal mei en wil misschien zelfs reejen. Tinus zuut Eindhoevn ok wal zitten. Vast stond al daat Ramon (noar Trance-energy), Dennis & Linda (Valentijnsviering), Roel & Cindy (sparen vur hun huuske), Koen (nog steeds in Duitsland) en Minten & Emmy (weekend in Parijs) ni mei gingen. Kortom met 2 (en mogelijk 3) auto's haaije we genog man um noar Eindhoven te jagen. Sammer belt um 20.00 Troage op um te vroagen of Troage zin haet um noar Eindhoven te goan en Troage zuut det wal zitten. Heej belt Fred op um te vroagen wie dur van Serum allemoal meigoan noar Eindhoven. Ondertussen wurd afgesproaken daat Loes, Mieke en Jacqueline ok meigoan mits we genog wagens hebben. Sammer belt 5 telefoontjes later Fred maar is op, want Troage belt nimmer terug (waat heej wal haaij beloft te zullen doon). Tot Sammer's groete verbazing hebben Fred en Troage afgesproaken um noar ut Kubke te goan. Sammer belt dus wer Slak, Loes, Bajje en Tinus op um te zeggen daat we in iene kier nimmer noar Eindhoven goan maar noar ut Kubke. Bajje haet gen geld en giet ni mei, Slak goeit al zien principes ovver boord en giet noar ut Kubke en Tinus volgt. Sammer wurdt moedeloos noa 28 kier gebeld te hebben en besloet um samen met Loes, Mieke en Jacqueline Party&Co te goan speulen (wal gezellig maar ni echt mien ideale invulling van un zoaterdaagoavend). Lenders, Schreven, Fred, Munten, Troage, Slak en Tinus waren dus in ut Kubke te vinden. Fred zei s'nachts aan de telefoon daat ut gezellig waas maar ni indrukwekkend. Tsja, daat haaijde natuurlijk van te vurre kunnen wieten. De kans daat un Kubke-oavend indrukwekkend is, is net zoh groet as de kans daat Troage beej un alcoholcontrole wurdt gepakt umdaat heej te veul beer haet gedronken. Zouden we volgende waek eindelijk is waat ruigs goan doon met de Emmers op zoaterdaag??? Of komen we noa 46 telefoontjes toch wer beej ut Kubke of zaal Wiel Cox oet??? Antwoorden op deze vroagen zien te vinden in ut emmerneejs van volgende waek. Donderdaag 14 februari 2002 Zoe, de carnaval zir dur ok wer op. Alle katers zien wer weg, behalve beej Minten denk ik want din haet ut afgeloepe dinsdaag op ut matinee toch wal iets te bont gemaakt. Ozze kanariefokker kreeg ut vur elkaar um 15 pullen beer te zoepen. Bin beneejd of heej nog gekotst haet. De Emmerwaek begos vurige waek dinsdaag beej Jorrit & Femke. Er werd druk gespeculeerd ovver wie de mieste meiden zou scoren en wie er het miest zou motte kotsen. Ik zal d'n oetslaag maar vast verklappen, er haet niemand gescoord en waarschienlijk hat dur ok niemand gekotst. Of det mot stiekum gebeurd zien... Afgeloepe vriedaag zien we maar met 'n paar man noar Jorrit & Femke gewest. Emmy, Minten en Fred bleven doar tot sloetingsteid hangen. Ze vonden ut darten tocg wal hiel erg ruig. Slak, Tinus Raymond en Troage waren al iets ierder noar hoes gegoan want beej de Beurs waas niks te doon. Beej de Buun trouwens ok ni. Bajje en Sammer zien nog beej de Shuffle en Liesbeth gewest, maar doar waas werkelijk gen fuck aan. De iene helft stond in carnavalsklier en de andere helft ni. Un bitje un raar sfeertje dus. Zoaterdaag heeld Troage zien verjeurdaag, want ozze troage makker werd afgeloepe dinsdaag 23 joar. Ut waas wal gezellig in de Schansstroat, vader Frits haaij zelfs zien vaste plaats op de bank afgestoan aan de Laege Emmers. Troage waas verklied as lelijk wief, Munten en Fred as alde kerels, Raymond as stadse patser en de rest haaij ut zelfde carnavalspak as vurig joar aan. Laternoa zien we nog beej de Maraboe in Serum gewest. Ut waas doar ni echt druk, maar wal gezellig. Sammer jatte nog un fles Pine-Coullade (of zoeiets). Verder weinig stoute dingen gedoan. Zondaag waas ut fiest in Hôrs. Ierst zien we in de Merthal gewest, ut waas doar ontiegelijk druk maar wal gezellig. Noa de nuudige shoarma zien de Horster Emmers noar Liesbeth gegoan en de Serumers noar de Maraboe. In de Maraboe waas ut drukker as zoaterdaag en gezelliger volgus de Serumers. Beej Liesbeth waas ut afgelaaije vol. We kosten bijna nergens mier stoan. De mieste Horster Emmers waren al vroeg weg. Allien Troage, Bajje en Sammer heelden ut waat langer vol. Moandaag waas ut fiest in Serum te doon. Ut waas echt un gave daag. Ierste beej de Wingerd indrinken. De mieste Emmers haaije nog unne duffe kop van d'n daag durveur. Noa de slechtste hoempapa-bend van Limburg te hebben gehuurd besloten de Emmers te goan aeten. We gingen beej 't Centrum aeten, die un neeje eigenaar bleken te hebben. Veer kleine Chinezen stonden achter d'n balie, slechts iene deej ut werk. Gevolg: un oor wachten op ow aeten, waat trouwens wal lekker waas. Allien di Loepia van Dennis zoog dur ni oet, ut vet dreef dur aan alle kanten naeve. Doarnoa door noar de tent beej Hëze Pietje. De Emmers vonden un leuk plekje aan de ziekant woar un taffel stond. Op die taffel hebben Lenders, Schreven en Sammer 4 (!) oor lang stoan swingen. Die drie hebben dan ok de nuudige liters gezwiët. Swingkoning Troage haaij un bitje koppien en mos dus verstek loate goan. Halverwege de oavend loog Sammer in iene kier op de grond te kieken, heej waas iets te wild en veel van de taffel. Um 1.00 begoof de taffel ut, de rechtse taffelpoëten zakte door. Gevolg: Sammer loog op de grond met un kneej vol blood, Lenders loog dur boavenop en hoezoe toevallig: Schreven waas net effe pissen. De schade bleef beperkt tot un groete pleister op ut kneej van Sammer. Ok leuk waas ut beergoeien tussen Lenders, Sammer en Bajje. De laatste mos de ienige voltreffer incasseren. Dinsdaag waas ut Matinee in Walhalla. Topscorer waas, zoe as al ierder gezag, Minten met 15 pullen. Lenders waas un bitje zeek, ut zwiët dreef de ganse middaag langs ziene kop. Ut waas dan ok wal un bitje werm doarbinnen. Minten en Emmy haaije nog un traditie: Emmy mocht un pul cola ovver Minten schudden en Minten op zien beurt mocht un pul jus d'orange ovver Emmy schudden. Of dur laternoa nog iemand gescoord of gekotst haet wiet ik ni want ikzelf waas um 17.00 noar de Merthal gefietst. Waarschienlijk is dur niks spannends mier gebeurd doar in Serum anders haaij ik ut wal gehuurd. Troage en Sammer waren dus nog in de Merthal en later beej Liesbeth te vinden. Doar waas ni veul aan, um 23.00 waas de carnaval dan ok afgeloepe vur de Emmers. Al met al un ruige carnaval, maar we hebben wal is unne heftigere carnaval meigemaakt. Iets minder beer gedronken dit joar, miestal iets ieder thoes as andere joaren en iets minder kattekwoad oetgehaald as anders. Tot slot nog effe 'n woord tot ozze Leeren Kubel in Deutschland. Heej haet helaas genne carnaval kunnen vieren en we hebben h'm dan ok gemist. Nog 4 moand en dan is ozze Koenenbakkus wer terug. Vur din tied goan we dur zeker nog unne kier langs, we motte natuurlijk wal controleren of die brandblussers ut ok doon in Duitsland. P.S. 1: Wal opmerkelijk daat dur gen geld oet de pot is verdwenen met carnaval ;-) P.S. 2: We zien oetgenuudigd vur un voetbaltoernoei op 2 juni in Hôrs. Doon we doar aan mei? Moandaag 04 Februari 2002 Heer wer effe un samenvatting van de hoegtepunten van de afgeloepe Emmerwaek. We begosten natuurlijk wer op dinsdaag beej Jorrit & Femke. De bekende namen waren wederom aanwezig: Slak, Sammer, Bajje, Dennis, Troage, Koen, Munten, Fred en Ramon. Dit waas vurluupig de laatste oavend woar Koenenbakkus beej waas, heej is inmiddels in Duitsland gearriveerd. Ut laatste neejs van unseren leeren kubel in Deutschland is daat ut beer lekker is, daat ze moeie megjes hebben, daat de hoesbaas un eikel is en daat Koen op zondaagmerge wakker wurd gemaakt door 'n kerkklok die anderhalf oor achter elkaar aan het luiden is. Afgeloepe vriedaag waas unne rare oetgoansoavend. Ierst zien we met z'n allen beej Gradje gewest. Doarnoa gingen Bajje en Sammer un ware kroegentocht halden door Horst (Gradje, Shuffle, Liesbeth, de Buun). Fred en Munten waren de andere emmers kwiet. Slak, Tinus, Troage (+meid) waren beej de Buun te vinden. De Buun is neeje kroeg van Mart van Rens, cafe is moei ingericht en ze dreien joaren '70 muziek. Af en toe zingt d'r iemand oet ut publiek, miestal is dit dezelfde domme blonde rasta meid die ontiegelijk vals zingt. Afgeloepe zoaterdaag waas de verjeurdaag van Roel. Ut waas doar gezellig, dit kier ging niemand beej de buren noar binnen, ofschoen Bajje dit bijna haaij gedoan. Roel & Cindy maakten nog bekend daat ze gingen samenwoenen. Op 1 April goan ze beej ut alde voetbalterrein van Serum woenen. Eigenlijk waas ut de bedoeling daat we noar Valkenswaard gingen noa Roel zien verjeurdaag, maar Troage waas zeek en Serum haaij doar plotseling gen zin in. Toen zien we dus maar met z'n viefen (Slak, Tinus, Dennis, Linda en Sammer) noar de Buun gegoan. Doar bleken ze precies dezelfde muziek as op vriedaag te dreien en die blonde rasta meid zong net zoh vals as vriedaag. Alles werd nog erger gemaakt door twiejje lelijke potten die oetgebreid aan het kussen waren. BAH GOOR!!! Samengevat: de verjeurdaag waas gezellig maar ik verwacht toch wal waat mier van 'n zoaterdaagoavend. Aanstaande zoaterdaag hald Troage zien verjeurdaag, noar verluid zal zelfs Tinus doarbeej aanwezig zien. P.S.: gezocht autoradio van het merk Clarion, met cd van Robbie Williams erin. Voor het laatst gesignaleerd in Kronenberg. Wil degene die deze autoradio 'geleend' heeft deze terugbrengen naar de rechtmatige eigenaar: F. Hermans. Dinsdaag 29 januari 2002 Heer komen wer de hoegtepunten van de afgeloepe waek oet 't laeven van de Laege Emmers. Allerierst wer te beginnen beej Gradje op dinsdaagoavend. Un ongekend groete opkomst afgeloepe waek. Lifst 12 man haaije de moeite genoamen um te komen. Ut waas dus wal wer zeer gezellig en we haaije zelfs genog geld betaald, iets waat zelden veurkeumt as we met zohveul man zien. Donderdaag gingen Fred en Koen noar Schreven toe um te zoepen, noar verluid waas ut wal gezelllig. Koenenbakkus ovver afgeloepe donderdaag: "Waas zeker un ruige oavend gisteren in Nijmegen. Allien stinken mien klier nou noa de kies (kaas)...". Fred voegde er ien daag later aan toe: "Waas gisteren zeker wal gezellig in Nijmegen. Moeie meiden en redelijk gojje muziek.... Vanoavond hopelijk wal nog Gradje.. Ben nou nog oet aan ut rusten, want bakkus mos vroeg nar hoes toe, dus ok vroeg op... bwah, goj zoe sloapen." Vriedaag zien we dan wer beej Gradje gewest en doarnoa beej de Shuffle. De raekening beej Gradje klopte van gen kanten. We haaije 17 euro (=bijna 38 gulden) te veul betaald, de Emmerspaarpot is dus wer beejgespekt. Heer effe un beschieving van de Emmers op vriedaag: Munten & Fred waren beej Liesbeth, Sammer is doar ok effe gewest maar ging wer snel noar de Shuffle, Troage kuste met zien meid, Emmy dronk wer donker beer, Minten waas aangeschoaten, Tinus mos um 0.00 thoes zien, Slak waas dus ok effe afwezig, Bajje waas ok wer present in zien witte shirtje, Raymond haaij zien ketting gepoetst, Cindy waas beej Liesbeth en Dennis & Linda waren afwezig. Zoaterdaag waas un rare oavend. Ierst leek alles dur op daat de Emmers wer noar Eindhoven gingen, maar Troage zei op het laatste moment af door misterieuze omstandigheden. Sammer mos dus thoes blieven, Bajje ging met Mientje waat doon, Dennis & Linda gingen noar de film en de rest gift zelf commentaar. Allerierst Slak: "Ontzettend burgerlijk weekend: zoaterdaagoavend scrabbelen met tinus, en vandaag ierst gezwommen en dalijk noar bios in Reuver. Al met al toch wal gezellig, maar volgende waek wer fatsoenlijk oetgoan." Munten & Fred waren wal in Eindhoven gewest, Munten heerovver: "Eindhoven was alweer gezellig zaterdag, alleen een klein beetje regen op de terugweg......we waren blij dat we thuis waren om 5 uur......" Fred waas iets spaakzamer ovver de zoaterdaagoavend: "Waas gisteren echt gezellie in Eindhoven met Rob, Anke en Katrijn. Weer eens voor de verandering naar 2 andere kroegen geweest. Eerst Irishpub, maar daar wou het niet echt loskomen. Daarna "geswingd" in Thomas, Katrijn wilde daar 'unbelievable but true' naar toe en daarna naar de KRAM, waar Katrijn en ik een poging hebben gedaan om ons van onze vrijgezelle bestaan af te helpen, maar zijn beide zonder "score" weer gezellie naar huis gegaan. Volgende keer weer Eindhoven..... Heb de smaak wel te pakken" Koen, Lenders en Schreven haaije gen vervoer. Koen heerovver: "Gisteren mit Lenders en Schreve noar Toetje gewaes. Haj latste zoaterdaag oavend mit Emmers toch wal wat ruiger veur gesteld. Waas trouwens ok nog un alde bekende van os bej Toetje. Artiest dae oet bej de Irishpub in Eindhoven haj opgetraeje mit zien zellufgemakte instrument inclusief 127 kroenkurke en gitaar speulde de sterre van de hemel...:). Hej haj nog steeds dezellifde slechte grappen tussen de nummers door. Mar net zoeals toen in Eindhoven wier ut later op de oavend mit wat beer en wat crowdsurfende minse op achtergrond toch nog gezellig." Komende zoaterdaag halt Roel ziene verjeurdaag en doarnoa goan we hoapelijk wal waat fatsoenlijks doon. Alles baeter as afgeloepe zoaterdaag. Oke, ut waas erger gewest as we afgeloepe zoaterdaag in ut Kubke waren gewest ;-) Moandaag 21 januari 2002 Alwer un waek vurbeej in ut laeve van de Laege Emmers. Helaas maar ok dit joar leveren de Laege Emmers genne (jeugd-)prins of adjudant aan ut Dreumel- of Ezelsriek, maar ja waat wilde ok as dur Laege Emmers zien di livver op un hotelkamer goan sloapen dan carnaval vieren. Toch zal ut vur de mieste emmers wal wer un lange LEIDENsweg waere met carnaval. Is kieken wie dur ut miest giet kotsen dit joar? Afgeloepe dinsdaag waren dur slechts 4 emmers die de moeite haaije genoamen um noar Gradje te komen. Dennis, Sammer, Bajje en Raymond waren van de parteej. Troage waas zeek en Slak waas jeurig. Vanaf deze plaats nogmaals proficiat!! Slak ovverwoog nog bijna noar Gradje te komen, noadaat we hum wies haaije gemaakt daat we aan ut trivianten waren. Vriedaag waren dur mier minse beej Gradje. Ut waas wal wer gezellig, duchtig aldehoeren en af en toe waat serieuze proat tussendoor. Laternoa nog beej de Shuffle gewest. Troage haet afgeloepe waek ni gekust, Sammer haaij concurrentie van unne kleine dwerg, Linda haaij roeie verf in h'r hoar, Slak en Tinus maakte bekend daat ze noar Leiden goan met carnaval, Koen haaij dezelfde jas as Dennis en Sammer gekocht, Bajje haaij zien vertrouwde strakke witte shirtje met vest wer aan, Raymond waas ok wer unne kier van de parteej, Minten haaij de stress van zien drukke schoelwaek wer ovverleft, Emmy waas 4 kilo afgevallen en Fred haaij nog steeds roeie krullen. Koen, Schreven en Lenders maakte nog bekend daat ze ni mei noar Engeland/Schotland gingen umdaat ze ut te deur vonden, zeej gingen livver met d'n auto door Frankriek toeren. Slak, Sammer, Troage, Fred en Munten blieven dus nog ovver vur Engeland/Schotland. Zoaterdaag waas de verjeurdaag vaan Slakkie. Noa un paar oor lekker gekeuveld te hebben beej de Mikroshop vertrokken we richting Eindhoven. We waren met 11 man (woaronder un paar vrouwen), dit kwaam mede doordaat Loes bereid waas um te reejen, nogmaals bedankt doarvur. We gingen ierst noar Dipsy Fuck. Woarum we doar hin gingen waas eigenlijk vur de mieste emmers un raadsel, want het mierendiel vond dur ni veul aan. Volgende kier dus maar ergens anders hin goan. Troage stal de show wer met zien swingende heupen en zien foute ketting. Woarum zouden die jonge megjes allemoal op Troage vallen? Zouden ze op zien danskwaliteiten vallen of op di communie-ketting? Laternoa nog beej de kroeg zonder naam gewest, die kroeg bleek later "De Kram" te heitte. Doar waas ut wal gezellig, tenminste gen afgezaagde nummers en gen foute minse met hockey-truitjes aan. Um 3.00 besloten we um wer noar hoes te goan. Roel is afgeloepe vriedaag ok nog jeurig gewest, PROFICIAT!!! Is aanstoande zoaterdaag zien verjeurdaag??? Moandaag 14 januari 2002 Heer wer effe ut emmer-ovverzicht van de afgeloepe waek. Afgeloepe dinsdaag waas dan ut groete vakantieovverleg beej Jorrit & Femke. Oetkomst van ut ovverleg waas daat we goan trekken door Engeland en Schotland, 12 dagen lang met un huurauto. Via London, Manchester en Glasgow haopen we oeteindelijk oet te komen in Edinburgh um doar wer ut vleegtuug te pakken richting os eigen Dreumel/Ezelsriek. Tot nog toe goan mei: Troage, Slak, Sammer, Munten en Fred. Twieffelgevallen zien Lenders, Schreven, Koen en Raymond. De ovverige emmers goan met hun vrouw op vakantie of blieven thoes. Afgeloepe vriedaag waas wer net as anders. Ierst indrinken en aldehoeren beej de Beurs, doarnoa noar kindercafe de Shuffle. Opvallende afwezigen waren Minten & Emmy, we dochten ierst dat de kanaries van Minten waren ontsnapt maar ien daag later bleek daat ozze kanariefokker gewoen noar un verjeurdaag mos. Troage kuste wer met dezelfde meid van vurige waek, uiteraard kriegt heej doar deze kier gen emmerpunten vur want twiejje kier dezelfde meid scoren is ut zelfde as daat ge de soep, patatten en de pap van utzelfde bord mot aeten. Leuk waren ok nog de stunts die werden oetgehaald beej Fred zien wagen. Sammer loog boavenop de motorkap en Slak loog dwars ovver de bestuurder (Fred) en bijrijder (Munten). Slak probeerde Munten nog te pijpen maar Munten waas heer ni zoh gecharmeerd van ;-). Afgeloepe zoaterdaag is afdieling Serum waarschienlik beej Walhalla of de Saevenwaeg gewest. Ik heb dur niks mier van gehuurd dus ut zal wal gen spetterende oavend zien gewest. De mieste Horster-emmers bleven thoes, allien Slak, Tinus en Sammer gingen noar de groete Jan Linders finale in Roermond. Sammer zal de volgende kier waarschienlik nimmer weare oetgenuudigd vur dit fiest umdaat heej zich nogal misdragen haaij, heej haet onder andere met gehakballen liggen goeien. Slak's visie op deze oavend: "onverwacht toch un hiele ruige oavend gehad in remung: de vleiswaren-kaas afdeling van Horst waas van 43 filialen de winnaar! bekkereej helaas neet in de preizen gevallen, maar dat terzijde. Fiest doarnoa waas erg leuk. Het werd opgeleukt door un band van vief alde mennekes en un gehandicapte jan linders medewerker die top 40 nummers zongen. Oeit kylie minogue vertolkt gehuurd door mannelijke vieftigers? hoogtepunt van het optreden: 'sta op als je voor linders bent(20x)!!!!!!'Sammer werd het allemoal wat te veul, heej is met slak de keuken binnengedrongen, haet zien neus geleegd in de servetten aldoar, en vervolgens de bus ondergekotst. Heej is het latst gesignaleerd in de bus richting de munckhof garage. Terwijl weej beej gradje zaten was heej waarschienlijk de bus aant poetsen." Aanstaande zoaterdaag hald Slak zien verjeurdaag, tevens kunnen we dan Roel un hand gaeve (as heej tenminste keumt) want beide emmers waere deze waek 23. Moandaag 7 januari 2002 Zoe, heer wer ut neejs van de afgeloepe paar daag. Ut laatste emmerneejs waas immers nog van 2 januari. Ut emmer-weekend begos wer op vriedaag beej Jorrit & Femke, die twiejje haaije precies 1 joar geleeje de kroeg ovvergenoamen van Gradje en haaije dus un fiestje. Ut leek hun wal leuk um un karaoke-show te halden, maar volgus meej waren dur un aantal stamgasten doar ni zoh blie mei. Genne iene Laege Emmer haet meigedoan met ut karaoke, hoewel Munten toch wal zin haaij maar heej vulde zich ni zoh lekker. Laternoa zien we natuurlijk wer noar de Shuffle gegoan. Vur de mieste emmers waas dur ni veul anders ten opzichte van de vurige 127 kier. Vur ozze Troage waas ut einde in ieder geval wal anders. Heej haet nog un meid gescoord, iene Jolanda Weijs oet Horst. Ze bleek pas 16 joar te zien... Op ut gebeid van jonge megjes versieren, haet Schreven dur dus unne concurrent beej gekregen. Uiteraard levert deze score maar un half emmerpunt op, want 16 is toch wal un bitje te jong um un vol emmerpunt te kriegen. Toch proficiat Troage, laeftied deut dur toch ni toe(?). In de shoarmatent werd trouwens nog gevochten, deze kier werd dur gelukkig ni met pizza's, kerstbuum en bestek gegoeid. Zoaterdaag waas dan de verjeurdaag van Sammer, heej waas alwer 23 gewoare. Bijna alle emmers waren aanwezig, allien Munten (noar de bioscoop met Anke) en Roel & Cindy (samen un trui breien) waren dur ni. Ut waas wal gezellig, toen d'n drank op waas um 23.15 besloten we maar um noar de Shuffle te goan want we haaije gen wagens um verder weg te goan. In de Shuffle speulde V-male, die waren wal aardig. Troage haaij werd de kans um un klein megje te scoren, maar Troage vond det ni zoh nuudig. Die meid dronk zelfs beer oet ozze Emmer-van-ut-joar-pries(waat ontiegelijk goor is) maar Troage raakte ni onder de indruk. Misschien daat die meid beater cola oet din emmer haaij kunnen drinken, dan waas Troage misschien wal onder de indruk gewest. Toen de Shuffle ging sloeten, gingen we noar de shoarmatent. Fred bleek de ienigste Serumer (of Kroenenberger) te zien din honger haaij. Heej mos dus gans allien noar hoes toe fietsen, det is toch al gauw zo'n 7 kilomaeter door ut donker in de kelt. Merge is dur vakantieovverleg beej Jorrit & Femke, ik hoap dan ok daat dur zohveul mogelijk emmers aanwezig zullen zien. Woensdag 2 januari 2002 Allerierst iederien un zalig neejjoar en de beste wensen vur 2002. En Sammer natuurlijk proficiat met alwer zien 23ste verjeurdaag. Waat is dur sinds kesrtmis allemoal gebeurd? De Horster emmers gingen op ierste kerstdaag noar Gradje, woar ut super druk waas. Slak, Tinus, Troage en Sammer gingen op twedde kerstdaag ierst noar de Shuffle, maar doar waas gen zak te doon en zien laternoa nog beej Liesbeth gewest. Beej allebei de kroegen waas ut ni echt geweldig. Vriedaags wer beej Gradje en de Shuffle gewest met z'n allen, zelfs Schreven waas noar Hôrs gekomen speciaal vur un meid maar die bleek al weg te zien toen Schreven in de Shuffle kwaam. Die meid waas al 18, wal un bitje ald dus vur ozze Rat. Zoaterdaag waas ut de bedoeling daat we met z'n allen noar ut Kubke gingen, maar oeteindelijk waren dur maar 5 man, te wieten Slak, Tinus, Sammer, Troage en Bajje. De rest haaij gen vervoer of gen zin. Zelfs ozze groetste Kubke-fan Raymond kwaam ni opdagen. Bajje haaij nog sjans van unne homo. Ien of andere kerel woar Bajje mei aan het proaten waas begos beej Bajje in iene kier ovver de rug en de kont te aaien. Bajje vond di kerel maar lelijk en wees ut aanbod dus maar af. Troage zurgde nog vur wervelende show op ut podium, helaas daat dur gen megjes onder de indruk waren van de danskwaliteiten van ozze Troage. Afgeloepe moandaag waas dan aldejoarsoavend. Serum waas in de maraboe te vinden en Horst in de Merthal. Van die Serumers heb ik nog gen sterke verhalen gehuurd, maar ut zal vast wal gezellig zien gewest. In de Merthal waas ut ok wal gaaf. Allien Slak vond ut waat minder gaaf, want ziene jas werd gejat (de twedde jas in 2 moand). Signalement van de dader: blanke man, ongeveer 1.80 meter lang, blond stekeltjes hoar en ongeveer 80 kilo zwoar. Kleur van de jas: zwart. De Horster Emmers waren al um 4.00 thoes. Raymond waas in iene kier foetsie, Bajje en Willemien gingen um 2.30 noar de Niks maar kwamen doar ni binnen, Dennis en Linda gingen um 3.00 noar hoes, Slak waas gefrustreerd umdaat zien jas kwiet waas en ging dus ok noar hoes, Tinus dus ok mei, Sammer en Loes gingen um 4.00 ok maar noar hoes en dus waas Troage allien nog ovver en heej ging dus ok maar noar hoes. Zoh vroeg zien we dus nog noeit met neejjoar thoes gewest. Aanstaande zoaterdaag halt Sammer zien verjeurdaag, iederien is vanaf 20.00 van harte welkom. Daornoa noar Eindhoven of Valkenswaard? Emmer van ut Joar is, noa un spannende nek-aan-nek race, Troage gewoare. D'n beej behurende pries zal aanstaande zoaterdaag waere ovverhandigd. Troage mot din emmer natuurlijk wal de ganse oavend meinemen met oetgoan.
|
Archief 2002 
|
