Jiro﹕「做乜你個表情咁怪ge？唔通你知道左D乜﹗？」
Hisa﹕「o下﹗？冇﹗邊有bor\\\」(按﹕咁ge語氣搵鬼信咩﹗」
Miho﹕「hi~係咪等左我好耐呢~」
Taku﹕「乜你咁遲架，頭先亞Ken至剛剛走咋﹗」
Miho﹕「亞Ken佢……黎過﹗？」
Jiro﹕「係呀﹗不過佢同Taku講左兩句說話就走左喇。」
Miho﹕「(||||||﹗？)……呀﹗我突然醒起有D野未做，Hisa，你可唔可以幫我手呀？」
Hisa﹕「哦﹗好呀，係咁Taku你o地走先啦，唔駛等我o地架喇﹗」
Taku﹕「o下……又會咁怪都有ge…﹗？Jiro，我o地走喇﹗」
Jiro﹕「……」
毫不知情的Taku和Jiro離去，剩下Hisa和不知所措的Miho。
Hisa﹕「喂﹗你究竟同亞Ken講過D乜呀﹗」
Mijo﹕「我唔知……o個日嚮公園我同你講過ge野，亞Ken全部聽到哂…咁剛剛o個晚佢打電話俾我，咁…我咪同佢講清楚囉……」
Hisa﹕「你知唔知，頭先亞Ken黎同Taku宣戰呀﹗」
Miho﹕「o下﹗？咁……咁點算﹗？」(焦急了)
Hisa﹕「你話呢……依家最慘ge係Taku。佢連亞Ken無端端走黎向自己宣戰係為乜都未知﹗講真，你有冇向Taku表白過架？」
Miho﹕「咩喎……人o地係女仔黎架嘛﹗呢D野點講得出口架？」
Hisa﹕「你唔係呀嘛﹗聽講好似係你鐘意Taku，唔係Taku鐘意你bor﹗你做主動都好應該je﹗」
Miho﹕「喂呀﹗咪講呢D住啦﹗依家我應該點做喎……」
Hisa﹕「既然你冇膽向Taku示愛，咁唯有我幫你向Taku暗示下啦。至於亞Ken o個邊……或者你親自面對面同佢再講清楚囉，不過…你放棄亞Ken唔好後悔至好
喎。」(按﹕亞Ken對你都幾好o丫﹗)
Miho﹕「我都知我唔應該咁對亞Ken……(按﹕知就好啦﹗﹗\\\) 但我依家對佢真係無哂o個種應有既感覺……就算我唔可以同Taku嚮埋一齊，我都會同亞Ken分
手……」(按﹕好深奧\\\\\唔明\\\\)
Hisa﹕「既然你咁堅決，我一定會幫你幫到底既﹗」(按﹕好有義氣喎~)
Miho﹕「多謝你呀﹗Hisa~~」
晚上，Hisa跟Jiro和Taku到酒吧飲酒。至於Teru﹗？算吧﹗人家"有異性冇人性"都沒法子的嘛﹗
Taku﹕「係喇，Hisa呀，Miho D野搞成點呀？」
Hisa﹕「哦？做乜突然間咁問？」
Taku﹕「冇，其實放學o個陣，亞Ken無端端咁嬲咁走黎向我宣戰，又叫我唔好搞Miho，我都已經覺得有D怪，再加上Miho一知道亞Ken黎搵過我，就即刻臉都青哂，
其實…係咪我做左D咩野令到佢o地兩個之間發生誤會？」(自責)
Hisa﹕「唔……呢件事﹐Miho都有同我講過，佢話佢已經對亞Ken死左心﹐而且仲鐘意左第二個人。」
Jiro﹕「咩話﹗﹗」(按﹕駛唔駛咁激動﹗﹗)
Hisa﹕「我諗Miho佢係認真架，佢已經決定要同亞Ken分手。」
Taku﹕「咁唔通……Miho佢鐘意左……」
Hisa﹕「佢鐘意左你呀，Taku﹗」(按﹕Hisa你所謂既"暗示"……又真係幾"暗"喎\\\)
Taku﹕「o下﹗﹗喂喂﹗﹗咪住先呀……」
Jiro﹕「咁咪幾好囉Taku﹗Miho係個幾好既女仔黎架﹗」(按﹕Jiro你都變得幾快架bor\\\)
Taku﹕「有冇搞錯呀﹗你o地有冇聽過『朋友妻，不可貪』呢句說話架﹗而且我根本冇諗過要同Miho一齊﹗」
Jiro﹕「好心你啦﹗依家戀愛講feel架嘛﹗理得佢係咪朋友妻﹗講真，你有冇鐘意過Miho先~~」
Taku﹕「冇﹗」
Hisa﹕「駛唔駛咁決絕呀﹗以前Miho就話有亞Ken je，但係依家人o地散左喇喎﹗其實整體上Miho都唔差je，Taku你真係要考慮清楚喎﹗」
Jiro﹕「係囉﹗快D上啦Taku~~」
Taku﹕「o車﹗你o地駛唔駛咁hard sale呀……」
另邊廂，Miho致電給亞Ken，希望可以約佢出黎講清楚。
Ken ﹕「パウパウ」
Miho﹕「亞Ken呀，我係Miho……」
Ken ﹕「Miho……」
Miho﹕「你依家得唔得閒﹐可以出黎飲杯野嘛？」
Ken ﹕「好的，冇問題……」
Miho﹕「係咁老地方見啦，bye bye……」
電話掛斷……
亞Ken滿心都係矛盾，本來Miho主動約會自己，應該高興才對，可是……佢o地的"未來"，亞Ken自己都察覺到了……
畢竟……亞Ken只是個高中生，或者佢始終不願接受這殘酷的事實……