Hisa的心情好緊張呀！差唔多成班都聽到他的心跳聲......
九十分，勁呀！
Hisa：「Y3@H~~！」 (開心到跳起)
老師：「外村同學，唔該你靜D」
Hisa：「喇！老師，我都話我冇出貓架啦，我真係識做架」
老師：「得喇！老師知道你係無辜喇！至多向你賠個不是」 (咁搞笑)
終於落堂了，Hisa第一時間飛身撲去Jiro班房，豈料......
Miho：「哎呀！」
Hisa：「Sorry 呀！」 (唔理Miho，照飛去Jiro班房中)
Miho：「有冇搞錯呀！靚仔大晒咩！」 (我笞你，靚仔真係大晒架)
Hisa終於飛到去Jiro班房中喇！
Jiro：「做乜喘晒氣呀！又俾D學姐學妹追殺？」
Hisa：「呢D小事0者！...你...你睇下...」
Jiro：「嘩！90分？你......作弊？」
Hisa：「咩呀！我當住老師面前做架，點作弊呀」
Jiro：「但冇理由你會有咁勁喎，你一嚮數學都好"屎"架」
Hisa：「呵呵！我幕後有個功臣嚮度嘛！登登登登...Takuro，Taku，唔該晒你，我會好好咁報答架」
Taku：「Hisa，唔好講D咁0既野，我幫你係應該架！因為呢個係.....係我0既責任黎架，我要負責照顧你嘛」 (Takuro機時嚮度架？真邪)
Hisa：「我好感謝你，但依家我唯一想要0既係......係Jiro......Jiro銀包裡果張X-Japan0既Concert飛！！」
Jiro：「No problem，你咁叻仔，好！就俾你啦！」
Hisa：「Thank you，咦？Teru呢」
Taku, Hisa, Jiro一齊望住Teru.
Teru：「同你講，做主音真係好辛苦架，睇下我，成日嗌到聲勢力竭，冇野潤下個喉嚨，好慘架！」 (懶靚仔)
亞美：「咁你要D咩補品先至可以保住你把雄厚0既聲音呀？」
Teru：「你話呢？」 (賤格)
亞美：「唔知呀.」 (打情罵俏)
Teru：「唔知？你知0既.」 (好賤)
亞美：「都話唔知咯，乜你咁衰架？」 (直情犯賤啦)
Teru：「你知架，你講啦！」 (講完未呀你)
就係咁，Taku,Hisa同Jiro就忍唔住走左去廁所 X////X 嘔喇！
(第二天放學時間)
Hisa：「快D行喇，趕時間呀！遲左去睇X-Japan唔係幾好架」
Jiro：「得啦！等埋Taku同Teru先啦！」
Hisa：「咁我地上去搵佢地啦！」
(途中遇見Miho)
Miho：「衰人，乞人憎！！」
Hisa：「你話我呀？」 (明知故問)
Miho：「哼！」 (咁就走左)
Jiro：「你得罪佢咩？咁憎你0既？」
Hisa：「我上次唔小心撞到佢之嘛，未見過D人咁小器架！鬼唔望佢冇人要做老姑婆！」 (你都好毒0者)
Jiro：「唔好咁毒，通常開頭係冤家，最後都會嚮埋一齊架！小心呀，兄弟！」
Hisa：「你都癲架！好彩佢係讀隔離班0者，如果唔係，我日日都會食唔落飯呀」
Jiro：「算數啦！Taku & Teru黎喇！」
Taku：「人齊，行得喇！」
Teru：「咪住呀！我仲未同亞美Goodbye-kiss呀！」
Taku：「遲D先啦！死姣佬！」
Teru：「唔制呀！我要亞美！！」 (收嗲啦你！重色輕友！)
Jiro：「咁我地去先，唔等你喇！」
Teru：「唔好咁冇義氣啦！關乎我終身幸福架！」
Hisah：(唔耐煩)「人地請我地去睇concert，我地唔可以遲到架！」
Taku：「好啦！我地走啦！」 (轉身走，咦，突然諗起Heavy Gauge no MTV添)
Teru：「喂.......」
就係咁，Taku, Hisa, Jiro 拋棄了Teru, 三缺一去睇concert，點知走到半路......
Teru：(大叫)「等埋我呀~！」 (我建議Taku佢地扮唔識Teru好D)
嘩！三個一起轉身，好cool(型)呀！於是，4人幫又再次一起並排地走去會場喇！
X-Japan一出場，全場即嘈到拆天，睇下X-Japan唱咩歌先！
~~"Stay free my Misery"~~~~~
哦！原來係Misery.
Jiro：「喂，Hisa睇下，隔離校0既北村健呀！」 (肥KEN？)
Hisa：「有乜咁出奇0者！佢都鍾意Rock music嘛！」
Jiro：「唔係呀！Ken0既女朋友原來係你仇人Miho呀！」 (有乜咁出奇0者)
Hisa：「Shit！唔得，我要提醒Ken至得！」
正想走過去0既Hisa，忽然聽到有人嗌佢個名喎！
Hide：「有請Takuro, Hisashi, Jiro & Teru....！！」
Miho：「點解個衰人又會嚮度架？>.< 」
Ken：「做咩呀？邊個得罪左你呀？」 (不羈的樣子)
Miho：「咪係上次我同你講撞到我果個死Hisa lor！」
Ken：「哦！Hisashi！但我幾欣賞佢彈的guitar solo架！」 (灑脫不羈)
Miho：「費事同你講」
Ken：「............」 (含住支唔點著的煙，不羈！！)
Taku佢千個莫名其妙地走上台，都唔知發生咩事，一上到台，Hide就每人俾一支Guitar，向歌迷大聲嗌.
Hide：「我相信不久將來，Glay就會成為第二個X-Japan，Takuro, Hisashi, Jiro, Teru.唱首歌，一齊令眾歌迷狂呼啦！！」
Toshi鼓聲帶頭，一首Glay的作品------誘惑，這樣被搬到舞台上.............
Miho：「好難聽呀，睇到個Hisashi，扭來扭去，真係想作嘔」
Ken：「雖然你好憎佢，但我再講多次，我好欣賞佢地D音樂」 (又不羈)
Miho：「但點都唔及你地 L'Arc~en~Ciel 啦！」
Ken：「咁梗係啦！」 (可唔可以拎開你枝唔點著的煙呢？)
誘惑完結，全場歌迷顛晒，梗係啦依家台上有兩Band霸嚮度，果然係不同凡嚮0既！
(後台)
Toshi：「頭先你地表演得幾好呀」
Teru：「駛乜講呀」
Glay：「We Are Glay」 (笑)
Hide：「但千其唔好驕傲，冇益架！」
Glay：「謹記前輩教訓」
Hide：「我相信聽日報紙頭條一定係你地，我相信我地冇睇錯人0既」
(第二天)
XX早報：
GLAY成X-Japan接班人
GLAY舞台上盡顯風采
X-Japan的Hide親自欽點GLAY上台演出...............
XX報：
X-Japan賞識GLAY的誘惑
成全晚高潮
報紙一出，依家有誰唔識GLAY呢？
Jiro：「點解今日間學校好似唔同左0既？」
Taku：「好靜」
Hisa：「靜得來......」
Teru：「有種不安的感覺......」
4人戰戰兢兢地行入學校......嘩！Y3@H！好有型呀！......
差唔多全校的女生都走來一睹GLAY的風采，齊齊尖叫.
亞美：「Teru, I love you ^3^你太有型喇！」 (又耍花槍)
Teru：「鬼叫我父母生得我咁靚仔，我都唔想架！」
眾女生：「唔制呀！Teru」
Teru：「唔好咁啦！我幫你地簽名丫！」
眾女生：(尖叫)
另外三個呢？
Taku：「Teru佢真係......」
Jiro：「真係丫！搶晒我地風頭」
Miho：「Hi...Hisashi同學，幫我簽名丫」
Hisa：「我冇聽錯嘛，你唔係好憎我咩？」
Miho：「(發嬲).簽唔簽，唔簽就算，如果唔係Ken叫我問你拎，簽名，我啋你都傻！」
Hisa：「哦！肥Ken~~」
Miho：「講咩呀你？係不羈的Ken呀！」
Taku, Jiro, Hisa：(大笑)
Miho：「笑咩喎！衰人！」 (轉身走)
夠鐘上堂喇！
鬼塚：「各位同學，本學期的第二次大型活動，話劇比賽一星期後舉行，今次係自由組隊，希望大家踴躍參加，詳情睇宣傳單張.」
22/5/01 by 極惡者也
芸魅：感謝極惡的特長篇~^O^ ~