特別報導
"往日日記"26 oct,2002
花了一點時間，把以前的一些日記up上來~~
星期二日本語測驗~要努力溫習.\_/. 要genki一點！！
"三明治和維他鮮牛奶"24 oct,2002
今天是同事女阿cat生日呢，祝你生日快樂~
繼續死唔信邪，天陰陰仍不肯帶傘出門，大慨老天爺昨天已經把我淋夠，今天竟然高抬貴手，在回校和回家途中也沒灑落下一點雨粉。
下午有四小時吉堂，眼見同學仔們都各自約會去，一個人到飯堂吃飯又著實沒意思，加上正在厲行節儉，便索性餓一個下午肚子，省下十多塊錢，往圖書館吃精神食糧去。
原以為要肚子咕咕叫到放學~~誰知道~~嘻嘻~~同學仔Ice看不過眼，竟買了三明治和維他鮮牛奶回來打救我呢~~好感動！！！謝謝你啊！！！
"落大雨"23 oct,2002
><落大雨，冇帶傘
結果一身濕晒~~~
"唱k"22 Oct,2002
比人捉左去唱k...而且係唔駛比錢
不過真係好累好累~~如果唔係怕人地0既人地辛苦
我一定唔會玩到咁夜><"
"生日快樂" 21 Oct,2002
Wendy生日快樂，祝你學業進步~~
想起來~今個月生日的朋友特別多呢！前兩天的同事仔Zenki,後兩天的Miranda同阿cat......還有星期天的Lisa........等等等.....祝你們個個都咁肥肥白白！
百忙之中~偷空寫了篇散文~"另類關係"。
功課太多，要溫的的也很多~~所以~我先離開囉！
"休息日"13 Oct,2002
全日都在喝茶閱讀睡覺
幸福中^.^~
"^^~幸福日"12 OCT,2002
原來~我這顆懶流星已經半個月沒寫東西了。
是太忙的關係吧~_~""
重返校園的生活真的很難適應呢！
另......今日同Gigi去沙田行街街~~~好開心~~
多謝你餐pizza呀！！
"破財日" 30 sept,2002
是日放早(12:30)~但因為陪同學仔辦減免學費的手續，東跑跑，西跑跑，幾乎 三時多才離開校園。
應導師之要求，在同學仔Gobi陪同下，去旺買U2及bossini買了一套襯衫西裙，雖然都是特價品........可是，依然肉痛非常><"""之後還到日本語學校文交費~~~~肉痛痛X100%
回到家，已經沒了半條命，趕快跳上床床睡覺去~~~
"驚喜+bb好得意+捨不得好友+city supper=祝大家幸福" 29 sept,2002
首先~祝小芬&貓貓生日快樂，祝你們永遠快樂，快樂永遠。
今天返回久違了的九龍灣會所(兩星期沒上班了！)，更衣開locker的時候.........好感動呀，雖然生日沒上班，但大家仍把禮物放進我的locker~~><""好開心好開心！！！！
(Bobby，謝謝你的猴子mouse，我會好好利用它的；以及Zoë那大堆無印零食，完全滿足了貪心的我~~鼠鼠記事本也很可愛，我一定會用的！還有Lisa的book end，是Winnie the pooh呢，超可愛！)
下班後，又跑去香港仔拜訪愛倫小姐，寶寶好可愛呢(抱上手好有質感~~)，貓貓~~~謝謝你的包包~~~雖然你騙我是自己做的，不過真的好開心，謝謝！還有阿卷卷，去到澳洲後要加油呀！希望你可以找到個金髮帥哥當丈夫！！衷心祝你幸福！
告別愛倫小姐，和貓貓往銅鑼灣逛街街~~無印、citysuper、sogo..............兩個女孩把整個銅鑼灣反轉再反轉，滿載而歸！
幸福~~我真的好幸福！
"BB好得意" 22 Sept,2002
尋晚中秋，約番班同學仔去中央公園玩(12點幾先出來，可見我們都係夜待6)，都好耐冇見過大家啦。
差唔多一點果陣仲收到個同事仔0既電話~~中秋節快樂~~希望大家都開開心心啦！
兩點幾，同班同學仔講拜拜之後，去左找阿拿拿落0黎，三個女仔一個虛，傾下密計咁。
三點幾先返到屋企睡大覺。
......
0係十二個鐘之後，我已經身處香港仔，愛倫小姐0既屋企，寶寶好可愛呢(抱上手仲好有質感)！媽媽可不易做。
我們仲0係人屋企食埋晚報先走，家姐，多謝你 d pizza呀~~好好味~~~！！
"最後一次" 21 Sept,2002
今日係我0係嘉湖山莊0既最後一日......
呢八個幾月，有開心......都有唔開心.......(好老土0既對白~)
今日0既心情........點講好呢......不如等我列晒今日0既大小事比你地睇啦......
7:47am：接到同事M小姐的來電"喂~~TRACY嗎，今日阿邊個病左，早更唔夠人，你可唔可以即刻返來幫手呀.......？"
7:47am：以超快速度刷牙洗臉同換衫。
7:58am：竟然在八點前打咭(自己都覺得好犀利！)
8:15am：會所出面爆屎渠(竟然0係最忙0既中秋節整d咁0既野)
10:30：有個會員0係counter發癲，吵得好厲害，仲話要報警拉我地喎.................
.........................
14:45pm：埋數時發現唔見左張單，原來係我出單果陣一時大意，比個客拎埋張單走人(天，我竟然0係最後一日犯d咁0既錯！！)~~彩個call番個客，佢又肯拿番張單來，不過自己最後一日都犯d咁大意0既錯，都幾唔開心傢......./._.\算啦....唯有以後小心d(不過都冇下一次啦~~)
17:30pm：執野~~~走人~~~~Goodbye Kingswood country club~~~~~
"錫錫......" 19 Sept,2002
今日，一個男同事當住我面錫另一個男同事塊面面o_o
之後，仲話我係佢地0既愛情結晶喎 ~~~~
"渴睡症o_o？？？" 16 Sept ,2002
原以後經過作日的大昏迷，今天一定很早便醒過來，誰知今天睜眼一看鬧鐘，天！！！！已經是中午一時了.....................可是？我怎麼還是那麼睏，就像睡不飽似的。往浴室跑了一圈，又歪在沙化睡著了。
一直到四時許，被弟弟放學回家的聲音弄醒，才拖到身子到電腦面前打了數十字，但不到半小時，身子又不自覺歪上床去，醒來時才發現自己連電腦都沒關耶！！
一直到七時許.......吃晚飯了.......不行呀！！我真的很睏！！
讓我睡吧~~~~~
"生日......真的好快樂"15 Sept ,2002
是日牛一+休息日。
大昏迷了十八小時(00:30~17:30，當然，期間也不停接到生日快樂電話及回了一些icq message)。
多謝好友Gigi~你的禮物雖然已在大半年前收到，不過還是謝謝你！！！
她好有心呢，從公司致電來，然後把電話筒傳給每一個同事，請他們說一句生日快樂！好開心好開心！！！多謝你呀！
六時多~昏迷完畢，跟剛下班定的早更同事吃晚飯，再到遊戲機中心樂而忘返~~(心心，多謝你的髮夾+照片呢！)，頹廢的一天，幸福的一天、快樂的一天。
還有~~多謝你們的電話message~~~~~幸福幸福！！
"禮物===滿足+感動"13 Sept ,2002
首先;「Ivy,生日快樂！祝你以後都咁人見人愛，車見車載(當然，最重要的是找到個如意郎君！！)。」
是日返夜更，11:30才放工，但眾同事仍不失好玩精神，深夜跑到大埔燒烤(燒炭！？)，雖然只是短短幾小時的聚會，但真的好開心好開心！！認識到這班同事仔+女，是我的幸福！
還收到不少早到的禮物呢！有超巨形的鴨鴨布偶("恨"左好多年啦，今日終於有人送)、美女與野獸的巨形音樂座、"默師罰駝"水凝唇膏、薰衣草香薰(還有海洋味的！)、小朋友瓷擺設、還有室內有線電話(！？)呢！！！！不過最最最感動的，還是大家那句早到的「生日快樂」！！！真的！認識到你們，真的好幸福！
回家時，拖著一袋袋上計程車(滿載而歸？)，連司機叔叔都猜到我是不是生日(其實是兩日後)~~~~^^還給我打折頭呢！感動！
希望~~~~大家都幸福快樂~~~~好嗎？
"vtc舊友" 12Sept ,2002
跟VTC的同學仔們唱K(虎虎~多謝你呀！！)，原來我們已經畢業大半年了，時間過得真快呢O_O，好懷念往薄扶林上學那段無優無慮的日子。
另外，發現大佬Teddy買了很多修身兼美容用品o_o.......唔通我大嫂出現左！！！(得默切注意！！！)
"新不了情" 11Sept 2002
也許從未因打風直接損失過什麼，所以一直很喜歡刮颳風，因為它代表一天意外的假期。
兩時許回到家，跟友人聊一會電話，邊上網邊看vcd，是一部很舊的電影------<<新不了情>>。
劉青雲飾演的男主角，是位失憶的作曲家，因受不了當紅歌星的女友氣勢凌人，便從同居的大屋搬到陳舊的唐樓，遇到女主角袁詠儀，從小患有骨癌的她，必須長期服藥才能控制病情，然後，雖然她對生命充滿熱忱，仍逃不過死亡的命運。
戀愛中的情人總是口口聲聲說自己有多喜歡對方，可是，別說對方他日年華老去，人老珠黃。如果他/她得了病，看著他/她的頭髮一根根的丟下來，有多少人還可以繼續誓言坦坦？即使能守在對方身邊不離不棄，出發點是愛情多抑或同情多？
對尾部一段對白非常深刻。
「……我們都這麼好，怎麼會死呢？我們至少要活到70歲，如果你怕到了70歲會變得又老又醜，那麼我們就?兩歲，68歲，我們永遠在一起，好不好？」
「阿傑，如果我真的……我不許你哭，不許你到小花園去，難受的話，到山上喊幾聲就好了……」
「阿敏，你不用再為我的將來擔心了，認識了你之後，我真的改變了很多，現在這個世界上唯一能讓我難過的就是你不肯嫁？我……我會難過一輩子。」
最後，袁詠儀飾演的阿敏因不願最愛眼巴巴看著自己的死去。所以，她騙他說想吃砵仔糕。阿傑趕回來的時候，愛人已離開了。
翻開報紙，前陣有律師在街上追斬銀行女職員，今天有男人求婚不遂而焗死其十三歲兒子，再加上每天大小不同的情仇新聞，是否代表現實的人比較擅長證實「愛的反面是恨」的道理？
"下雨天，濕身天" 10Sept g 2002
放工時突然下起大雨來，本想抱著東波先生「一簑煙雨任平生」的精神，一口氣穿過會所與巴士站之間的中央公園。誰知愈跑雨愈大，想放棄「任平生」的時候，人已生處萬里無"遮"的公園，進退不得，上到巴士，已經渾身濕透，髮尾和裙腳還不停滴水。
咳.......嗽！！！
得快點洗白白，以趕走感冒菌。
"不平" 8Sept 2002
今日返工真係返到好嬲！
雖然唔係咁關我事！但好心d人啦，只會話人，又唔識睇下自己！自己錯狙就當冇事發生，人家錯左少少就係咁埋怨、仲要唱到全世界都知。「閒來少說人是非」，d人有冇修養傢！！！
大家都係0係同一個counter，點解要分晒黨派，你單打我我單打你丫？你唔順佢、唔妥佢咪當面同人講lor，0係背後猛放飛箭做乜！而且你對睇有問題睇唔到，唔代表人地冇付出過！人地捱得幾辛苦你又知唔知！
好生氣好生氣！今晚得再和同事門繼續劈酒！(笑)
"蠔餅、劈酒加舊友"7Sept 2002
是日收夜，放工後跟同事+好友Gigi光顧車站附近的小販。兩個女孩買了大大塊的煎蠔餅還意猶未盡，還跑到7-11買酒，實行一醉解千愁~~~~~！(愁？有工做有書讀叫愁？我們未免太不知福！)
好友海怡明天返回台灣繼續學業，要加油呀！！！唔知佢同緬甸人點呢~~？
以前的日記