Richard vd Westhuizen & Lochner de Kock - Kinders Van Afrika
------------------------------------------------------------

     D		       Em
Die kinders van afrika sit langs die vuur,
 G           D      A 
Krap in die louwarm as
    D	             Em
Verhale en mites vervlieg in die nag,
     G             D          A
Die toekoms is 'n storie uit pas

     Em		         D	
Die jare het hul in die stampblok gemaal
     G	     A          D
Met wette geskaaf en geskaal
     Em			    D
Hul gisters het hul in die nanag verlaat
    G		A        D
Verblind, afgesonder, gehaat

Die kinders van afrika stook nou die vuur,
Blaas op die rooiwarm as
Verhale en mites herrys in die nag,
Legendes word weer aangepas

En die jare val weg soos 'n ou droe blaar
Vergete, ontwapen, ontaar 
Die dae herrys as die nanag breek
Soos 'n phoenix wat alles wil weet

En die kinders van afrika loop deur die land,
Met fakkels wat die duister laat vlug
Skadu's verhelder, verdwyn in die brand,
En die duister maak plek vir die lig

En die nuwe dag breek met 'n vrugwater vloed
Helder en warm vol bloed
Met geboorte van kennis word die duister verdryf
En met die stem van 'n kind wat uitroep

Kom kinders van afrika, kom saam met ons, 
Kom laat ons die ligdag begroet
Vergeet van die duister se ketting en slot,
Kom laat ons mekaar nou ontmoet

N'kosi sikelel iafrika


Woorde & Musiek - Lochner de Kock

Besoek www.geocities.com/kitaarmykruis vir meer Afrikaanse tabs.
jaspervanzyl@mailbox.co.za