Klopjag - Relatiwiteit
----------------------

Woorde: Piet de Jager
Musiek: Dawie de Jager

Intro & Versies: G Csus 

Bridge: D Dsus4 D

Koortjie: G Em C D

Intro

Bridge

Vers
sal jy
tot die been toe wees
reguit wees met my?

sal jy
onverbiddelik bly
op die korste pad tussen jou en my

en my
vertel hoekom jy soms
berekend sê jy ken my nie?

hoe sal ek jou ken
as ek my nie ken nie?

Bridge

Koor:
ek verloën jou so opreg
dat selfs die haan kromrug,
verleë vir my kraai-
want so lank die son my wete buig
verstaan ek van my min:
net dat ek geboë is,
deel van jou boggel liefde,
deel van ons gekromde gewete,
ons skeel waarheid
wat vergeefs al dertien verlore bewegings
van my aanwesigheid wou verklaar
net altyd, so gee dit voor, ek is

dus die grade
van die driehoek
tussen jou en my en altyd

bly onvolledig illusie
van ons verstaan relatief
tot ons gewaande bewustheid

ek ken jou nie, maar ek weet van jou
want jy spieël so dikwels
in my raaisels
 
Woorde: Piet de Jager
Musiek: Dawie de Jager
www.klopjag.co.za

Baie dankie aan Klopjag vir die bydrae van hierdie tab.
Besoek www.geocities.com/kitaarmykruis vir meer Afrikaanse tabs.
jaspervanzyl@mailbox.co.za