Klopjag - Die Storie van Piet Vermaak
-------------------------------------

Verse 1 tot 7 : E D A G
                E D A 

Koor & Vers 8 & 9: A G D A
                   A G D 


Eendag lank gelede 
in ‘n dorpie naby êrens
het ‘n man gewoon
met die naam van Piet Vermaak

Huila was sy vrou gewees
en by die tee na kerk
was hulle dikwels, jy weet, 
nog gelukkig getroud, want jy sien
Piet het skelm by die hotel gesing

Bedags was hy die stadstesourier
wat eerlik, nes die bybel sê,
in die sweet van sy aangesig,
sy brood verdien het

Maar snags het Piet sy siel verkoop
vir tien rand, ‘n bord kos, sy blou kitaar
en die skool se mic, want soos almal,
het Piet ook sy prys!

Koor:

Kom kyk vanaand die show, 
al my songs is net vir jou,
ek weet ek’s net ‘n boepens
met ‘n vals kitaar, 
maar ek sou dit graag
vir jou wou sing!

Die mense het begin praat 
en die hotel was aand na aand stampvol
met almal van die skoolkoerant
tot die burgermeester, maar nie Huila nie

Die dominie het begin preek
oor die vermaak-generasie en die gevare 
wat dit vir die gemeente sou inhou 

Oor al die dinge 
het Huila net gebloos, 
die Hoteleienaar geglimlag
en Piet het net gesê:
“Huila het nog nie kom kyk nie”

Een aand uit die bloute
terwyl Piet sy blou kitaar speel
soos net hy kan, sien hy haar
en sy gesig straal.
En uit die vuis 
met sy gunsteling akoorde
sing hy vir haar:

“Huila, my lam,
met my blou kitaar was ek Shakespeare
en partymaal selfs McCartney
op ‘n goeie aand,
maar vanaand het ek jou gesien glimlag,
want jy het mos geweet,
ek sing vir jou!”

Koor (x2)       


Woorde: Salmon de Jager
Musiek: Dawie de Jager
www.klopjag.co.za

Baie dankie aan Klopjag vir die bydrae van hierdie tab.
Besoek www.geocities.com/kitaarmykruis vir meer Afrikaanse tabs.
jaspervanzyl@mailbox.co.za