Klopjag - Atlantis
------------------

Oor die dood van Werner se kind

G C D regdeur

Jou oë versteek die kaarte
na geheime, vergete stede
die lyne en kleure
versteek die roete na Atlantis

Jou tong vertel die stories
van rock bands op die pad
sonder stertjies, sonder glitter,
want jy weet beter

Koor:
Lag vir my want ek wil 
hierdie sirkus ook verstaan
Vertel vir my sodat ek 
al die oëverblindery kan verklaar

Ritme en melodie
gee vorm aan my liedjies
Maar ek weet te min om die krake
in my fondasie te keer

Dit pla my 
dat geloof, hoop en liefde
berekende sêgoed word
Dit pla my 
dat my voorhangsel eers kon skeur
toe jou oë sluit.  
 
Koor  


Woorde & musiek - Salmon de Jager
www.klopjag.co.za

Baie dankie aan Klopjag vir die bydrae van hierdie tab.
Besoek www.geocities.com/kitaarmykruis vir meer Afrikaanse tabs.
jaspervanzyl@mailbox.co.za