Announcement 010702 - KATKAT

 Kam a kauringaki ikai bwa iai ana katkat ami KiLSA are e na karaoaki i Malapoa n te Tabati ae 7 July 2002. Uotami bon ami batia ae e kataumwaneaki nakon 500 vatu ke n onemi n 500 vatu ngkana akea am batia ae ko uotia. Kam a butiaki bwa kam na kababanei ngkami n roko bwa buokan te waaki imwain ara kainaomata n 20 July 2002. Roko ma ami tianti ae bati ibukin takakaroana n te kat n te tai anne.

 Te Tabo: Malapoa ni mwaneaban te Kiribati Community

Te Tai: 2 pm, 7 July 2002.

Kam rabwa ao ti a kaitibo ikekei.

Announcement 020702 - KAINAOMATA CELEBRATION

Nakoia kain ara botaki, e a tia ni baireia te komete are tabena, Independence Committee, bwa e na rungaki te kainaomata n 20 July, 2002. Ti karautaeka bwa ti aki kona ni kamoantaaia nakon are bon taina ngkai iai kanganga ake a kakoauaki bwa ana kona ni urua ao ni kangabuaka te waaki. E ngae n anne ao ara programme ibukin te bong anne ae iaoni kawaina naba n tia ao te kantaninga bwa ti na manga katanoata naba nakoimi n te tai ae waekoa.

A rangi ni butimwaeaki ngkai iango ni katamaroa ke iango nako ibukin te bong anne. Reitaki ma kain te Taibora aikai:

Mono ibukimi kain Fresh Wota, Tumai ibukia naake off-campus, Raweita - ibukia kain on-campus.

Announcement 030702 - BIRI IBUKIN SEMESTER 2, 2002

 Ibukin te teirake aei ao kam a manga kauringaki riki ami biri are 2000 vatu iaon temanna. Ami kakaonimaki bon ngaia butin raoi ara waaki. Reitaki ma ara tia mwane ibukin anne ao kaitiakiko n te tai ae waekoa bwa ko aonga n aki tabetabe iai.

 A kabwaia ake a moantai ni bwaka aia biri bwa akea karawawataia rimwi.

Copyright © 2002 by KiLSA. All rights reserved.
Revised: 27 June 2002 .