E na mate Nei Te Korekorea
Akea bwa e a ongo taekan natina temanna te rorobuaka matoa, ae ngaia temanna naba ataeinaine ake a ruruona te kaibuke. E aki tabwara te karo aei, ma e a taimma naba kaina te biti ae kakang ao imwina e a nakon raraona temanna ae iai ana booti bwa e na nikiria n te kaibuke are aia kaibuke i Korea. E buoka naba te iango anne raraona anne ao man kariaia uotakin te mwane aei nakon te kaibuke n ana booti. E aki aoria n te auti n tarai aro ao ngaia kain naba te korekorea, e kamamaea te aba e na riai n tiringaki, e ngongongo sa mwane iaon te booti ni kaea ngkai te kaibuke. Akea bwa a kaan ma te kaibuke ao kain te korekorea a kinaa ana karo neiere raoia are temanna. Neiko, kai tamam are n te booti ae nakomai aei,.....e tara n ae iai te biti ae uouotia i baina. 'Akea bwa i mate', e taeki waena sa uaine ao ni birinako ni karaba n ana ruu raona are tei Korea. E kubanako tei Korea ngke e a manga rin raona arei n te ruu ma te mata ni maaku, .....'ko aera - sweetie'.....e a roko ngkai au karo ma kaiu te biti bwa e nang tiringai. E maku naba tei Korea aei ngke e ongo ae e uabiti ana karo raona aei. E reke ana iango tei Korea ao e a tuanga naba raona arei,...'Ana te teibi ane bubura anne ao ko a anganna naba. E biri n ana te teibi sa uaine ao n otinako nakon tamana are tabe ni wewewete n te booti irarikin te kaibuke. E kabwara ana bure sa uaine ao man taku, 'Baba, ao anne am teibi'...E ruo te teibi arei, ao sa mwane e tatakeke naba, .....ai manga te teibi, ruo bwa n nang bon tiringko. E rio riki makun sa uaine ao ni manga nakon ana i-Korea arei n tuangnga ae e bon un naba tamana. Akea bwa e a manga tuangaki sa uaine bwa e na ana te teeke (video deck), ao n angan tamana bwa ana bwai. E a manga biri naba sa uaine ma te deck ao n angan tamana ma e teimatoa naba ni un tamana. Akea bwa e a manga okira naba ana i-Korea nei uaine ao e a anganaki ngkai rabwatan te video (screen). E a manga nakon tamana nei uaine ao ni karuoaki te tikuriin arei. E tei te karo n taua ramwana bwa a rawata ana bwai ao akea bwa e a eka naba...'Neiko ao ngaia bwa ko a tangira teuanne ao e aera ko aki airi ma ngaia nakon te auti bwa tao kam nang taanga, ko aera nee ko rangi ni kakateibuaka. E oki te karo aei ao akea bwa a biri kain rarikia bwa a taku bwa e a wene rabwatan natina n te booti ni mate. .....'Tera ae riki?' e kaeka buun naerea,....ao e ngaa ngaia. 'Ee tai manga kaokioka taekan natim anne bwa e teinibaba ao ni kabi te katei ibukin te iein'.