A kaokoro iaon 'te teei'
E a boo te nooti n te kauarinan teuana i Tarawa, iaon aia anene ae maibuakon kibuna e kangai..."Iesu te teei". E rangi ni mimi te mitinare bwa ngkana aroko ana ataei (Form Ones) iaon te kibu aei ao ai bon te bubure naba tiribwareana. E a reke ana iango te Mitinare bwa e na katannakoi bwaana. Te areto i bon irouna, te beeti i bon irouna, te katake i bon irouna ao ai aekana nako naba. Ngke a tang bwaana n aekaia i bon irouia ao bon akea te okoro bwa e bon buretata naba. E taraia ana ataei ao e a tibwa reke ana iango ngkanne bwa e nang kamaenakoia kain te Itera Maiaki i bon irouia, kain te Itera Meang i bon irouia ao ai kain te Itera Nuka i bon irouia. E moa moa mai irouia kain te itera maiaki...a waaki aia anene ma ngke a roko n te kibu are bubure ao a katangnga n te bwana ae ti teuana ae kangai ..."Iesu te ataei" (E ioioa atuna te Mitinare ao man taku...'nakai aika a kaburea te anene"). Ngke e a roko irouia kain te itera nuka ao akea buren te nooti irouia bwa e tirebware raoi, Iesu te teei. Ngke e a boo aia tai kain te itera meang ao a waaki ma aia anene ma ngke a roko n te kibu arei ao a katangnga n te bwana ae ti te tikina ni kangai..."Iesu te ngoro" (E tata ioioan atun te Mitinare ao man taku..."naakai aika a kamangaoa te anene".