Antai aia bwaoti Kamwarua i Kiribati?

Koroboki nakoira n te email..ao e na reke kaniwangam.

  E Kakan timwati Te Bure

  E Tirotiro te Parrot

  Tan Mim n te Outero ma aia iango

  Te Tia Kabwara nanon ara

Te Bure ae Kakan timwati Te Bure

18 Eberi 02 (Antebuka Tarawa - Mauri  ) Temanna te bure mai Tabonikabwauea n ririki aika a bwakanako ae e korakora irouna te kakan timwati ao te kakan rabakau n te taetae ni I-Matang. A na mwakuri n te ingabong koraki, te kakaitiaki n aia aobiti bureitiman are i Bwairiki. 

 N te ingabong teuana ao e a tang naba te tareboon n te aobiti ni bureitiman ao akea kaaina bwa e okira ana auti te mataniwi bwa e na rairaki. Imwain kitanan te aobiti irouna ao e tuanga te bure aei bwa ngkana e kakaeaki ao e na kaotia ae e rairaki moa. E nakon te tareboon, ao e tabekia ao e kaeka. E mwaneaua raoi te bure aei bwa e aki ataia ae te tia tareboon bon teuare e nako n rairaki ma e a kan ngare n ana kakan timwati. E nakon te tareboon ao e tabekia ao e kaeka, "Hellow Bwairiki Police Station"e taku te bure....'And where's OC? e kaeka teuare n te tarebon. ....He went home, toilet. And where's Prison Warden? E bae teutana Ten na Kakantimwati, ma e waekoa ni uringa are e nakon te Clinic n iria tabeman buure ake ana kakaraoi. E katena te tareboon nakon wiina ao e a kaeka "He wented to the clinic". E karaba ngarena te bureitiman ma ngke e a oki ao e wetea te bure arei n ongora irouna ngkana iai ae tareboon. "Iai bwa e kakaeko ao e kakaea naba te warden". "Ao ko kanga? Ngke e kaeka te bure aei ao e a rengana ana taetae, "I kaotia ae ko went home, toilet, ao I tuangnga naba bwa te warden e wented to the clinic". 

 'E aera e a manga wented tiaki went?  Ai manga maia wented? Te taetae ni I-Matang ae e boou? "Nao ko na mwanaai. Ngkana ko kitana te aobiti nakon te O ni bureitiman aei ao ko 'went'. Ma ngkana ko riaon te oo n aron te warden bwa e a rokoroko n te clinic, ao ngkanne e  'wented'.

E Tirotiro te Parrot

Iai ngkoa ana man te parrot ae rangi ni bwati n taetate temanna te tia reirei tei imatang n te reirei are i Rongorongo n taai akekei. Ibukina ngke akea ana kirati (mirror) ao e a kabongana ana parrot bwa kanga ana tirotaam. Ngkana tao e tia ni korobuai ao e tuanga ngkanne ana parrot, "How is it?". E taraia te parrot ao ni kaeka, "Very Nice, tidy and No Cut" are nanonna bwa e rangi ni itiaki ubuna ao n tikiraoi naba ao akea te mwakoro ae reke imwin ana korobuai. Ai bon arorona naba aei ao e rangi ni bongana man manena te parrot aei.

 N te taina ngke e tia ni korobuai tei matang aei ao e a ti mwaninga naba ana parrot ao ni kitanna mai nanon te roki. Ngke e a mwananga ni kaea ana tai n anga reirei tei matang aei ao e a biri naba temanna te tia reirei te aine bwa e a rangi ni buriburi ni kani mim man tuanga tei matang aei ngkana e kona ni kabongana ana roki ngkai e kaan riki. E kaengnga tei matang ao nei sa uaine e a rinnano inanon te roki. Akea te kabanetai, a butinako naba bwaai akekei ao ni kaeaki aon te boo. E tiinako bwa te ran ae bane tii mwakana, ma akea bwa e a ongo naba bwanan ten na parrot..."sh sh sh sh.zzz....No Good, No Clean, Big Cut and yellow blood ye' coming' out". 

Tan Mim n te Outero ma aia iango

A rinnako ni mim n roki n te outero teniman ataeinimwane. Ngke e moan tia teuare temanna ao e nakon te tingke ao ni kabongana te tobu ni karawata n teboka baina iai. Ngke e tia ao e a manga anaa te beba are e tinetine ae mwaiti ibukin kaoan baina. Imwain otinakona n te mataroa ao e taetae nakon te akea, "Ngaira n ara reirei are rietata ao ti reireinaki raoi aron kaitiakn baira bwa totokoan te bareka". 

 Akea bwa e a manga rimwina naba teuare te kauoman, n te tai aei ao e aki bati n tobuna baina ao e uarereke naba te beeba are e kabongana ibukin kaoan baina. Ngke e nang otinako ao e a manga eka naba nakon te akea, "Ngaira n ara reirei are te kauarinan ao ti reireinaki bwa ti na aki bakataea te tobu ma te beeba".

 Ngke e a tia are te kateniman ao e tara te tingke ao te beeba n teboki bai ao n a taonnako naba ma imwain otinakona ao e a ngongo naba nakon te akea, "Ngaira n ara reirei are te moan rinan ao ti reireinaki bwa ti na aki miri baira".

Te Tia Kabwara Nanon Aara

Antebuka Tarawa 5 Eberi (Mauri) - A bane unimwane ma kain nanon te mwaneaba ni kabwaraaki nanon araia iroun Ienraoi. E a kaoti naba te unimwane temanna. E aki tabwara te tia babaire ma e a manga butia naba Ienraoi kabwaran nanon aran aia unimwane are e a tibwa roko. "Bwa antai aran ami unimwane anne?

 "Ienraoi, aran ara unimwane aei bon Ten Tekuriba"

 "A, e mimitong te ara anne. Kam uringa ngkoa Iesu ngke E kamwarakeia nga ma nga inanon te rereua? Tera kanaia?

"Nao, te bwerena ma te ika" ...."Ao kam kona n tuangai bwa tera iika akanne? Akea ae ngongo. 

 "Ao akanne ika akana a toka iaon aran ami unimwane anne -- Te Ku ao te Riba". 

Ko ataia bwa tera BWATININ TE KAMARURUNG!!!! tii te Kangare!