Kadazandusun Language Foundation
INTUTUNAI TOKOU
KIMOLIGAN
Di: Joseph J.
Singkiwon
New Sabah Times
KOTA
KINABALU: Id kohobusan kokomoi do kopomunganan do kokompungan diti baino,
kivaa do iso’ po vagu kokompungan di maan dotokou
intutunai.
Ihoo’
tokou do oonu ka do susuzan kinopungaanan do Kampung Kimoligan di poguhui do
ngaan do kampong dino do baino.
Kampung nopo diti nga’ id suok nokozo do uvang
Penampang.
Tumanud nopo di Mohoingan Kampung (KK) Kimoligan Gundohing Roger
Mosuyun, nga’ aiso I haid ngaan do kampong diho di poguhui’, ka
disido.
Kimoligan nopo di poguhui nga poinsuang haid do ngaan do Kampung Inobong.
Saasabap no do montok kobuu’on om kotundaan doid kokompungan ngaavi’ di toun
1966, ontok pomolintaan po haid do USNO, do minonuidong di do tinan kobuu’on
kotundaan on koumohigan kampong o kokompungan ngaavi’ mooi do obian om onuan do
kotundaan om notuidong di o tinan Komiti Kotundaan, Kobuu’on om Koumohigan
Kampung (JKKK) Kampung Kimoligan I mininsoosondii’ di tu’ asapou no di o tuhun
migigizon dau, ka do nunu I nokosunud disido kuminaa doid New Sabah
Times.
Om
kahapas dino pinosuang dii do kotoinaan do JKKK Inobong o tinan dino, ka di
Mosuyun.
Kivaa
nogi’ do tinan JKKK dod Kimoligan do nopungaanan do tinan JKKK Inobong Proper,
montok no do potouhuzan diti kopolintan do nunu nopo kokomoi do kobuu’on om
kotundaan do doiho’, ka vagu do kointahangan disido.
Nopunganan di o kampong diti do Kampung Kimoligan mantad po di toun 1966
gidom baino doid pinisompuuvan do pipio kampung tongonini poinsuang no doid
Kimoligan, ka di Mosuyun.
On
doid Kimoligan sondii’ kivaa po do piipio kampong tongonini miaga do Kiranau,
Mogintua, Liput om Gantung id suang do Kimoligan, id kotoinaan do
JKKK Inobong Proper.
Kimoligan nopo do baino nga’ osodu no di kozo pisuvazan mantad di
poguhui’, kokomoi doid kobuu’on do kotundaan dau. Noikatan no do kotundaan miaga
do lahan om talon-alun di nosiil, natadaan do polinta’ do sunsuzon tazid,
vinakas babang lotilik, vaig paip om dewan raya.
“Toinsanan nopo dino nga’ pinotouhui do polinta’ montok no do kounalan
mogiigizon doid kampong dino,” ka di Mosuyun vagu’ do pinopoiho miampai minoboos
do ginumu nopo do mogiigizon doid Kimoligan nga’ hobi do 200 tuhun om ponikoon
do JKKK Kimoligan I otutunan om oitan do Inobong Proper do baino nopo nga’ I
Gundohing Innocent Makajil (Toun 2004) ka disido minomupus do
pinontudukan dau.
© 2004 Kupak Corporation
' Visitor ' Ko Do Numbul
Sign In The Guest Book KIO...