Ова е училиштето во кое што се образувам и стекнувам со знаења за технологијата и компјутерите.
Училиштето ви нуди видни образовни профили со тригодишно или четиригодишно образование кои денеска
се многу барани низ целиот свет и кои ќе ви помогнат за вработување. Исто така ви нуди одлични услови за школување
со најсовремени кабинети и лабаратории по автоматика и роботика. Но пред се училиштето ви нуди одличен кадар кој секогаш
има јасна визија и цел за во иднина.Комуникацијата помеѓу учениците и професорите е на завидно ниво, а разните признаниа
и сертификати од светски познати компании и организации уште еднаш ја потврдува успешноста на ова современо училиште и
соработката на учениците и професорите.
Во продолжение може да ги погледнете сите образовни профили од тригодишно и четиригодишно образование.
Тригодишни образовни профили
ЕЛЕКТРОМЕХАНИЧАР
Струката е со тригодишно образование, има 9 стручни предмети од електротехниката и енергетиката, над 600 часа практична настава во
солидно опремени кабинети со сите неопходни инструменти и надгледни средства. Во програмата се опфатени: Сервисирање на електрични
апарати и бела техника трансформатори, електромотори, електрични шпорети, фрижидери, електрични печки, греалки, кујнски електрични
апарати. Можности за вработување: Механичар за поправка на електрични апарати, во сопствен бизнис или во фирми од таа дејност.
ЕЛЕКТРОИНСТАЛАТЕР И МОНТЕР
Струката е со тригодишно образование, има 9 стручни предмети од електротехника и енргетика, над 600 часа практична настава во
солидно опремени кабинети со сите неопходни инструменти и надгледни средства.Во програмата се опфатени:Изведба на електрични
инсталации и осветление на производствени,административни,спортски,стамбени и други објекти.Монтажа на електронски уреди и
постројки.Можност за вработување:изведувач на електрични инсталации и монтер на електрични постројки,во сопствен бизнис или
во фирми од таа дејнос(електродистрибуција,производни фирми,градежни фирми...)
Четиригодишни образовни профили
КОМПЈУТЕРСКА ТЕХНИКА И АВТОМАТИКА
Четиригодишно образование со 23 стручни предмети од електротехника, електроника, автоматика и компјутерска техника. Наставна
програма и услови: Струката е со четиригодишно образование со 23 стручни предмети од електротехника, електроника, автоматика и
компјутерска техника, околу 400 часа практична настава и над 500 часа работа со компјутери во 5 компјутерски училници со пристап на
интернет. Во програмата се опфатени:
- Користење на оперативни системи, апликативни програми за работа со текст, табели, пресметки, бази на податоци, електронски шеми и
плочки, веб страни, електронска пошта, интернет, изработка на програми во актуелните јазици за објектно програмирање.
- Одржување на компјуерски системи – откривање на хардверски дефекти, инсталација и одржување на оперативен систем.
- Процесно управување – изработка на електронски склопови од автоматиката, употреба на микропроцесори, микроконтролери и компјутери во
водењето на автоматизирани процеси во индустријата, одржување на елементите во системите за автоматско управување.
Можности за вработување: Изработка на програми за разни намени, изработка на веб страна, техничка обработка и подготовка на
материјали за печат во издавачките куќи, сервисирање и одржување на компјутерски системи, изработка и одржување на уреди од
автоматските системи во индустријата.
ЕЛЕКТРОНИКА И ТЕЛЕКОМУНИКАЦИИ
Четиригодишно образование со 18 стручни предмети од електротехника, компјутерска техника, електроника и телекомуникации. Наставна
програма и услови: Струката е со четиригодишно образование, има 18 стручни предмети од електротехника, компјутерска техника,
електроника и телекомуникациите, над 400 часа практична настава во опоремени кабинети со компјутери, осцилоскопи и многу други
електронски инструменти. Во програмата се опфатени:
- Изработка и испитување на електронски склопови и уреди, плочки со печатени кола, засилувачи , миксети, звучници, радиопредаватели,
дигитални склопови, склопови со програмабилни компоненти (микропроцесори, микроконтролери,…) Сервисирање на електронски уреди – ТВ
приемници, радиоприемници, радиопредаватели, ЦД плеери, касетофони, звучници, … Монтажа, ракување и контрола на електронски уреди.
Ракување со аудио и видео миксета, правење тонски и видеоснимки, преснимување и пренос на радио и ТВ програма, монтажа и контрола на
аудио и видео предаватели и телефонски системи.
Можности за вработување: Техничар за производство и тестирање на електронски склопови, сервисер на електронски уреди во аудио-видео
сервиси, одржувач на електронските уреди во индустријата, техничар во РТВ станици (тон-мајстор, снимател, монтажер …), техничар во
телефонските компании.
ЕНЕРГЕТИЧАР
Четиригодишно образование со 21 стручен предмет од областа на електротехника и енергетика. Наставна програма и услови: Струката е со
четиригодишно образование, има 21 стручен предмет од електротехника и енергетика, над 240 часа практична настава во солидно опремени
кабинети со сите неопходни инструменти и надгледни средства. Во програмата се опфатени:
- Изведба и одржување на хидро и термоелектрични централи, среднонапонски и високонапонски разводни постројки и кабелски мрежи за
распределба и пренос на електричната енергија.
- Ракување, управување и регулација на електрични машини.
- Контрола и мерење на електрична енергија, отпор на заземјување на громобрански инсталации, како и на други електрични и неелектрични
величини.
Можности за вработување: Сопствен бизнис во инсталација и одржување на електрични инсталации и апарати, техничар за производство и
дистрибуција на електрична енергија (електростопанство), техничар за проектирање и изведба на електрични инсталации и апарати,
техничар за производство на електрични апарати.
Home