EK RUBAI

Is shahar mai lakho bhooke hai, par kise parwaah hi nahi hai,
madad ko bahut kar sakte hai, par kise chah hi nahi hai;
Khuda ki bando pe kurbat hai ki duniya ab tak kayam hai,
Kyonki Insaan to karoro hai, par ab insaaniyat hi nahi hai....

CHALTE CHALTE

Chalte-chalte kahaa aa gaya hoon??
Aas-paas dekhta hoon,to kuch bhi jaana-pehchaana nahi lagta hai

Chalte-chalte thak bhi bahut gaya hoon!!
Aas-paas dekhta hoon,to koi haath thaamne waala bhi nahin dikhta hai

Chalte-chalte pyaas bhi lag aayee hai!!
Par aas-paas dekhtaa hoon,to koi paani pilaane waala bhi nahi hai

Chalte-chalte kahaa aa gaya hoon??
Aas-paas dekhta hoon,to pata bhi nahin chalta hai,
ki mera shahar peeche chhoot gaya hai,ya fir koi aur shahar aa gaya hai!!

Pata nahi sachchai kya hai??
Ho sakta hai,dono baate hi sahi ho

Shaayad chalte-chalte bahut door tak aa gaya hoon
Itna door ki waapas apne shahar tak pahuncha hi nahin jaa sake!!

Agar itna door hi aa chuka hoon,to thoda door aur chal leta hoon
Chalte-chalte ek aise shahar pahunch jaana chahata hoon, jaha
Aas-paas dekhne par jaane-pehchaane log mil bhi jaaye,
to meri yaadadash hi unhe pehchaan-ne se manaa kar de

Koi haath thaamne waala bhi mile,
to mere paas aage badhane ke liye haath hi na rahe

Koi taalaab mil bhi jaaye, to paani pine ke liye nahi jhukoo
Aur paani pine ke liye jhuk bhi jaau agar
to paani mai jo shakhs dikhe, woh itna ajnabi lage,
ki usko salaam kiye bina hi,............
paani piye bina hi,...............
aage chal dun..............

AB SHAHAR KO CHHODKAR

Yaad humko ab nahi woh rahgujar,woh rasta
Ab shahar ko chhodkar hum dur kafi aa gaye

Woh shahar tha jisme ghutane ke bal chale yeh sochkar
Har safar mai rasta yeh hoga apna humsafar
Us shahar mai bachpane ke khel khele khub the
Us shahar mai hi jawani ki chali pehali nazar
Kya kare yeh wakt ka hai mod,kuch na janta
Na hi ab us or humko koi hai pehchanta
Hokar apne haal par majboor kafi aa gaye
Ab shahar ko chhodkar hum dur kafi aa gaye

Yaad hai humko woh barsaato mai chhat par bheejna
Yaad hai fir daat khana aur khud par khijana
Har shararat raste ki dosto ki yaad hai
Yaad hai woh bet lambi,uska na pasijana
Bhool aaye hai magar hum chandani ki baat ko
Bhool jana chahte hai roshani ki raat ko
Todkar akash ke dastoor kafi aa gaye
Ab shahar ko chhodkar hum dur kafi aa gaye

SWAPNA

Ashi kajalali raat
Chandra dhagat lapla
Jeevanacha sara prakash
Priye!,kothe ga lopala

Kase wizale akash
Nahi chandani petat
Jhop geli door deshi
Nahi papani mitat

Ashi Ekatich waat
Ka kevachi sarena
Lakh japlya jakhma
Jaga dolyachi purena

Jhala shravan pahunaa
Aata grishmaat jagane
Khade fekat nadit
Gol tarang baghane

Jhale osaad jeevan
Wanjh manichi aasha
Gaav modala swapnacha
Fakt urala nakasha

TERE SHAHAR MAI

Kisi se mila , kisise bichda
kabhi kahi tanha raha , kabhi mehfilo mai raha
Tere jaane ke baad ..tere shahar mai

Har gam dekha , har khushi payee
Har jaam ko piya , Har maikhaane mai gaye
Tere jaane ke baad ..tere shahar mai

Kitne dost bane , kitne dushman mile
Kitni raate gayee , kitni baate gayee.
Tere jaane ke baad ..tere shahar mai

Lekin woh kashish nahi , woh baat nahi
Jab tum the yaha kucch aur baat thi
Ab jinda hoon mai ek boot ki tarah
Tere jaane ke baad ..tere shahar mein.

THE CONCRETE JUNGLE

Who am I??
An uncivilise brat in a concrete jungle,
Trying to free myself from these invisible hackles
Was born into this place, yet, tis a strange land
Part of a game whose rules i don't understand.

Everyone I see wants to kill,
But unlike the jungle, its just for a thrill,
No one will fight for food or a life,
But for paper and stones they brandish knives

Might is right, the lw truly states,
But inside every mighty man,a coward stays;
Power is not measuredby the strength you own,
But silly things like paper and stone.

In this jungle people try to show...
that they are the best, but all they know
is to behave & put on an act,
the way others expect.

Its a world where the bad survive and the good die,
Where you are a fool if you cannot lie,
Every man wears a mask to cover his brutality,
So what lurks behind smiling faces you cannot see.

Here people are rediculed for being true,
For keeping a pure heart and not putting on an act;
Now i know why 'Civilisation' stinks
'cos it destroys your natural human instincts.

I'm still wating for a person like me,
who'll follow instinct, act natuarally,
I wait, I wait, in this wet, wet, rain...
where are you, my beautiful Jane?

EK GHAZAL

Subah wakt,ek mast angdai leke kholi jo hai usne aankhe
Sitare bhi apne mah ko leke dekho sharma ke chup gaye

Kholi jo usne zulfe aur layee apne rukh par,eh hansi
raat ke sannate bhi sharam se zulmat ke saye mai dhal gaye

Jab meri jajbato ki baag mai ghazal ke phool khilane lagte hai,
Hum bhi samajhe duniya mai uske khayalo ke mausam aa gaye

Gulab ki pankhadiyo ko chuke yun tajjub ho raha hai mujhe
Mehsoos kyon kar raha hoon,ki hatho mai unke aariz aa gaye

Har ek ada unki ek bahar hai,mai kya kahoon,e humnashi
Uthai hai jaise hi nazar us mahwashne,gulo ko to pasine aa gaye

KUCH SHER

Din kuch aise gujaartaa hai koi
Jaise ehsaan utaarta ha ko
Aainaaa dekh ker tasaalli hui
Humko is shahar mai jaanta hai koi

Koi dost hai na rakeeb hai , tera shahar kitna ajeeb hai
Yahan kiska chehera padha karu, yahan kaun itna kareeb hai

Jaanaja shahar se mera niklaa to kafan to udaa denaa
Koi pooche ke kaise maraa to beemari ishq bataa denaa

KUCH SHER

Kaahe khade ho Andhere mai,us kone mai,
Hum to angaaro ki Takhth par baithe hai,
Kyonki jalne mai hi mazaa hai,
Kabhi ishq mai ,kabhi sholo mai

Tere ishq mai jawaa hue hai hum,
os ki pharsh pe sholon ki garmi mehsoos karte aaye hain hum
rahi thandak ki baat,
Use aapki tanhai ke saath mitake aaye hai hum

SHAHAR MAI KADKI

Shahar mai kadki
Ho shahar mai kadki

Salary wohi ki wohi
Koi increment nahin
Salary wohi ki wohi
Koi increment nahi

Upar se bus-fare badha diya
Apni tabiyat bhadki
Shahar mai kadki.

Market mai kaafi slowdown hai hua
ESOPS ko aag laga ke banado dhuaan
Hai hai apna career
Sabkee khud gayee kabar
Frustration badha jaaye
Jaaye jaaye jaaye

B'bay calls band
Apna haal mand
B'bay calls band
Apna haal mand

Aaj pareshaan ho gaya hai
Har ladka har ladki
Shahar mein kadki

20 rupay mai lunch karte the
Ab dete tayees(23)
Ab to gym jaane ki bhi
Lag chukee hai fees

Ghatiya b'day gift
Karlo company shift
Ghatiya b'day gift
Karlo company shift

Baandh ke boriya-bistar saathi
Chalo station khadki

Haan shahar mai kadki
Ho shahar mein kadki

SHAHAR KI VYATHA

Dosto, hum apne shahar ki katha sunate hai,
Khud apni jubaa se hum apni wyatha sunate hai.
Hamare shahar ka naam Patna hai,
Yeh usi shahar ki ghatna hai.

Ja rahe the hum apne dosto ke sang,
Raste mai jo humne dekha,
Usase ho gaye hum log dang.
Hua yun tha ki,
Laloo aur Rabdi kar rahe the jang.
Bahas ka vishay tha,
Aakhir C.M. kaun.
Laloo bole mai C.M., Rabdi boli mai C.M.
Par darshak khade the maun.
Ant mai maine toka,
Kyo na voting ki jaye,
Janta ka maun bhang ho jaye.

Voting hui, natija aaya,
Rabdi ne jeet ka jashn manaya.
Editor ne Rabdi se poochha,
Ye chunaav kaise jita.
Rabdi ne kaha,
Ye bhi koi poochhne ki baat hai,
Ye to Booth Capturing ki saugaat hai.

SHAHAR-E-SANAM

Jabse tum chale gaye is shahar se
Veeraan ho gaya hey ye jahaa sanam

Har khushi mai sirf teri kami hai
Is shehar se dosti bhi ho gayi hey kum

Shahar ki galiyaa bhula diye hai tumko
Par dil ki galiyon mein teri yaade hai sanam

Masroof ho ya majboor ho tum milne ke liye
Ittefaaq se to kabhi mere shahar mai aaya karo sanam

WHEN A FAIRY TOUCHED THE EARTH....

A fairy was playing amidst the trees,
Laughing like a new born brook;
A silvery light engulfed the air,
And music flowed out of every nook;
Rabbits and deer played with her,
And she sang a lay enchanting,
With the nightingales and canaries,
To her divine note accompanying;
Her robes were of a royal silk,
Her gold and diamond and pearls shone,
So much for a thousand miles...
That none I had seen had ever worn.
All night through, she sang and danced,
And with the dawn she faded to light,
Yet the day was darker, with the Sun,
Still shining from above with all its might.
I sat under a tree where she'd sat,
While talking to a flock of birds,
And I could hear the distant chime,
Until disturbed by the shepherds.
In doubt I walked, again shall I see her?
she was beautiful, and captivating too;
But why is that face so familiar...
Familiar especially when I see you?

EK RUBAI

Kashti ko lahar-e-anjuman mai ithlaate dekh
Saahil ne doobane ki kasam khaaayi hai.
Husn par wafa kaa ilzaam naa lage
Maine kabr bhi uske shahar se door banaayi hai!!!!

EK RUBAI

Kahane do zamaane ko sar jhukane se khuda milata hai
Haqueeqat hai ki dil lagane se khuda milata hai
Na milata hai woh mandir aur masjid mai jalane se chiraag
Dil mai mohbbat-e-khudai ka deep jalao to khuda milata hai

HE ASECH GHADAVAYACHE HOTE !!!!

He asech ghadavayache hote ,
Tuzya pritichya hindolyavar zulavayache hote,

Kitik dili tu vachane majala,
Don divas na jhale tyala ,
Etukyatach ya vismaranala,
yavayache hote...He asech ghadavayache hote....

Visar tuza ha nahi khara pan,
He tar sare pritis lanchhan,
Ka tuj kahi tya maunatun,
Suchavayache hote...

He asech ghadavayache hote,
tuzya pritichya hindolyavar zulavayache hote...

Translation

This is the thing I am expecting...
I have to swing in and around deaming about you...and you...

You have given me many promises,
Just few days before,
And now in such a short time,
You forgot everything,is it really...

I know, this is not true,
My love ,this is unbelievable to all lovers and frustrating to love,
Or I suspect ...you want to say somthing ,
Though you are quite and there is silence.....a restless silence....

THE IDES

the ides of April pass
without a rhyme,
the modems
mull and whistle
negotiating time
and modulation, the
coppermile delivers
trembling
amplitude to cooler
photon fiber,
the enterprise is vast,
the storage of another verse
a trickle of magnetic
north and south
a few rotations of delay

a poem for May today
i shape the letters
in rough outline
as i scribble
and type again
and finally put
where few
will see
but all who read
may pass
these seconds with me

SHAHAR

Yaade.... bus yaade reh gayi hai is shahar ki....
Yaade ... jo aaj phir yaad aa rahe hai....
Tujhse pehle mulakat ki woh meethi yaade....
Aur phir ek din achanak tujhse bichad jane ki beraham yaade....

Aaj phir woh din ... phir woh pal yaad aa rahe hai...
Kal jab mujhko manzil ki koi phikar na thi....
Tera haath tha haatho mai ... to safar yunhi kat raha tha.....
Par aaj haath mere rah gaye khaali ..... kaun is bheed mai tanha mujhko chod diya.

Aaj phir woh din ... phir woh pal yaad aa rahe hai....
Yahi thi woh sahil ..... yahi tha woh kinara....
Jahan baithke tune aur maine sajaya tha sapno ka gharonda......
Par mahal to kinare pe hi bandha tha...... toofan ke aage tik na paya.....

Aaj phir woh din ... phir woh pal yaad aa rahe hai....
Aaj phir woh din ... phir woh pal yaad aa rahe hai....
Is shahar ne mujhe bahut kuch diya.... zindagi di....
Phir tujhse milaya ... aur zindagi ki sabse badi khushi di.....
Par cheena bhi tujhko mujhse isine ..... ab ban gaya hai yeh shahar paraya.............

MAN OF THE KAVITA :RAVI SHASTRI

Shastriji se shastriji ke ek fan ne pucha
Aajkal aap field par kam pavilion me jyada nazar ate hai
Lagta hai aap audi se hi santoosht nazar ate hai

Itna tha sunna
Ki shastriji ne shuru kiya baukhlana
Bole abe pankhe hamare pas ek hi to wicket hai jise bharat ne hai khona
Phir bhi veh hame team me chance nahi dete hai
Batting to hum nahi karte balling veh hame nahi dete hai

Ab dekho na Australia daure ki to baat hai
Gend spinner peter taylor ke hath hai
Jaise hi usne gend pheka
Humne age bhadkar lagaya chaka
Par pahucha hume dhaka
Jab border ke kafi andar hi BORDER ne use lapka

Aur empire ne do hath ke Bajaye Ek hi hath KI unglee uthayee
Aur hame pavilion ki raah dikhayee

Phir bhi humne har nahi mani
Aur vishwa cup me apna kartab dikhane ki thani
Kintu janee yad agayee hame usme nani
Jab run banane the athanee aur gend rah gaye the chavanee

Bharat par pressur badtha ja raha tha
Sath hi hamara agle match me khelne ka chance ghatta ja raha tha
Anth me wahi hua jiska hume darr tha
Next time gyarah ke baad pehla humara hi number tha.

DOONDHTA HOON

Koi chhedega tarana bhi kabhi meri khatir
Mai to ek saaz hoon bajane ka bahana dhoondhata hoon

Seene me dafan hoon kai dard dabaye huye
Mai koi raaz hoon khulane ka bahana dhoondhata hoon

Jidhar bhi dekhata hoon weerani nazar aati hai
Mai to ek phool hoon sazane ka bahana dhoondhata hoon

Thak gaya hoon yun hi anjaan chalate chalate
Mai to ek raah hoon manzil ka bahana dhoondhata hoon

Kabhi gum hai mere pas kabhi humdam hai mere sath
Mai to ek dil hoon dhadakane ka bahana dhoondhata hoon

Haseen cheharo me base kabhi ek dil sachha
Mai to taaz hoon ek "mumtaaz" dhoondhata hoon

FROM THE DESK OF EDITOR

This is the 3rd edition of Guldasta.
Please send ur feedback about the same,
and also lets have one thing from this edition onwards.
Send back ur feedback mentioning the best poem in this edition.
There is nothing like a competition but it will inspire all of us.
This week's topic was "Shahar" or "City".