|
paagal kaa upachaar
idhar aayaa do hazaar chaar
udhar BUSH kamar kas ke taiyaar
jor shor se ho rahaa prachaar
maukaa de do phir ek baar
beimaanii kii thii pahalii baar
chhiin ke matadaataa kaa adhikaar
jiit me.n badal dii apanii haar
dekhe kyaa hogaa abakii baar
jaise hii banii isakii sarakaar
mand huaa SHARE bazaar
laakho.n log hue bekaar
Thapp huaa saaraa vyaapaar
NEW YORK par jab huaa vaar
jhaT se band kiye desh dwaar
binaa kisii soch vichaar
haath me.n le liye hathiyaar
BUSH ne uThaa ke talawaar
diyaa duniyaa ko lalakaar
tumane maare do hazaar
ham miTaa de.nge kasbe hazaar
Dhoo.nDhane chalaa vo hathiyaar
jo khud ke ghar me.n hai bharamaar
isii dhun me.n diye hazaaro.n maar
kuchh idhar mare kuchh siimaa paar
kaise kare.ngii ye sarakaar
kisii gariib kaa uddhaar
jo bam baarood me.n baar baar
dhan uDaaye beshumaar
mook khaD_aa hai sansaar
kar rahaa hai isako swiikaar
aao milakar kare karaar
isakii na ban sake sarakaar
baat merii maano yaar
mat ise denaa mat is baar
haar hii do isako upahaar
is paagal kaa yahii upachaar
January 12, 2004
|
|
