<< 頸鍊的誤會>>
第五話
赤西: 「係… 翼子呀!!」
松潤: 「o下?! 係翼子, 真係唔講唔知喎~ 佢知唔知呀?!」
赤西: 「佢梗係唔知啦~ 就算知都冇用, 佢鍾意o個個都唔係我~」
松潤: 「乜你知佢鍾意邊個咩?!」
赤西: 「o個個咪今井前輩囉~ 之前問佢都以為唔係, 但係呢幾日見到佢戴住o個條頸鍊, 係人都唔駛 問都知係啦~」
松潤: 「哦~（心諗: 但係o個日翼子話係代表佢自己咋喎~）」
赤西: 「唉~ 而家真係兩頭唔到岸呀!!」
o係2年B組o既課室外……
松潤: 「翼子, 得唔得閒呀而家??」
翼子: 「o下?!而家??仲有幾個字先上堂, 都得閒o既, 做乜呀??」
松潤: 「咁我o地上天台先講丫~(未講完已經拉緊翼子上天台啦!!)」
翼子: 「上天台??做乜咁神秘呀?!想向我表白呀??」
松潤: 「表你個頭呀~係關於仁o架!!」
翼子: 「哦…所以你見佢去o左搵美和就拉我上o黎~」
松潤: 「前兩日返學之前同仁傾過, 發覺佢同美和之間係有o的問題, 如果唔解決, 佢o地o既誤會 有增冇減~」
翼子: 「咪住先~咁究竟我上次叫你問o個樣o野, 你有冇問佢呀??」
松潤: 「o下?!你話問仁係咪真係有第二個??」
翼子: 「係呀~睇o下個死仔係咪真係對唔住美和嘛~快o的講啦, 佢點答呀??」
松潤: 「佢…佢話…有鍾意第二個呀!!」
翼子: 「哼…個死仔包丫~等我落去鬧醒佢~」
松潤: 「(一手捉住翼子)喂, 你唔好咁衝動啦~你聽埋我講先啦~」
翼子: 「你仲有咩未講呀??」
松潤: 「我都未話比你知o個個係邊個~」
翼子: 「咁你仲唔快o的講~」
松潤: 「o個個……係翼子你呀!!!」
翼子: 「我唔該你唔好o係呢個時候仲玩啦~」
松潤: 「我講真o架~係仁親口講o架!!」
翼子: 「o下?!你話係佢親口講?!死啦, 死啦, 死啦, 今次實死啦! 我陣間仲要對住佢上堂~ 唉~ 大鑊啦!!」
松潤: 「你知唔知仁見到你呢幾日帶住o個條頸鍊, 佢話肯定你係鍾意今井前輩呀!!」
翼子: 「唔係o卦?!我之前咪同佢講過唔係囉~」
松潤: 「佢開頭就信, 不過見到你條頸鍊就話你肯定係喎~」
翼子: 「真係比佢激死呀~我自己個名都有個翼字o架!!」
松潤: 「我知, 但係佢唔知嘛~」
翼子: 「咁你有冇同佢講話唔係咁解丫?!」
松潤: 「冇呀~o個陣聽佢講, 都比佢嚇親啦, 仲邊記得講喎~」
翼子: 「夠鐘上堂啦~死啦~松潤呀, 你教我應該點好丫!!!」
松潤: 「你冷靜o的先, 暫時當乜都冇發生過, 正所謂『敵不動, 我不動』!!」
翼子: 「……」