愛不能盲目

愛情會令人盲目，不過我覺得盲目一樣有極限。俗語有話，貧賤夫妻百事哀，好多野唔係單講愛情就可以一生一世，肚餓既時候，一樣要面對現實。男人窮唔緊要，呢個世界咁多女人，唔通個個嫁個有錢人咩！個人經驗，男人最差係冇上進心，一個冇上進心既男人，就算老竇剩落大把，一樣會坐食山崩。拍拖唔係日夜一齊生活，好多事表面睇唔出，不過一齊生活既時候，除左甜字之外，有個餓字睇你點頂？咁多位姐妹，搵個一生一世既伴同埋男朋友好唔同，有青春仲可以盲目，不過青春可以幾多年丫！如果你仲係十幾歲，戀愛大過天，我既說話你未必聽得入耳，不過女人轉眼間就變幾十歲，到時先識諗就未免太遲。

From: Carla