Am                       Dm
               Ez nau izutzen negu hurbilak
                                      G         C
               uda betezko beroan
                   Am             Dm
               dakidalako irauten duela
                      E       Am
               orainak ere geroan
                    A                Dm
               nolabaitezko kate geldian
                                      G         C
               unez uneko lerroan
                       Am             Dm
               guztia present bihurtu arte
                      E        Am
               nor izanaren erroan.

               Ez nau beldurtzen egunsentian
               arnas zuridun izotzak
               nun dirudien bizirik gabe
               natura zabal hilotzak
               eguzki eder joan guztian
               argia baitu bihotzak
               eta begien milla ernegai
               iraganaren oroitzak.

               Ez nau larritzen azken orduan
               arnasa galdu beharrak
               bide xumea hesituarren
               amildegiaren laarak,
               ardo berriak onduko ditu
               mahastietan aihen zarrak
               gure oraina arrazoiturik
               beste batzuren biarrak.

               Ez nau iluntzen baratzatikan
               azken loreak biltzeak
               muga guztien arrazoi billa
               arnas gabe ibiltzeak
               arratsaldeko argi betera
               zentzu denak umiltzeak
               amets betezko loa baitakar
               behin betirako hiltzeak.