Aizawl August 28: Kumin second term exam zawh khan Class X - C zirlai te chuan chaw eikhawmna an nei a, hetah hian Joseph-a chu Lawibual-ah a tla tep a, a thianten an chhanchhuak hman hram.
Hemi ni hian thianzaho in chaw an ei khawm a, lum an ti lutuk chu Lawibual-ah tuicheng turin an kal ta a. Heng mite hi Joseph, TK-a, Dinpuia leh Bena te an ni. Joseph-a inhambuai lai chu hmuh ve in chak viauin a rinawm a, mahse kan phal tlat lo.
TK-a tui hleuh tak tak chu midang tan chen ve ngamna chi a ni lo. A hmalam mai nilo, a vei, a ding, a hnung, engmah a hmu lo a, nghathu ang zakin a hleuh vel a ni.
An chen rei hnu deuh chuan Dinpuia chawn tha a chat thut mai a, a inhambuai ta a, tichuan thian chhan thih ngam Joseph-a chuan thiam leh thiamlovin tui chu a dive lut ta a. Tichuan, Dinpuia chu him takin a chhanchhuak ta a ni.
Tlangzarh inkhawm
Nimin khan Vanapa Hall-ah Class X C te chuan album release inkhawm an hmang a. He album neitu hi hun rei tak atanga kan lo hriat tawh Hmingi album a ni. Inkhawmnaah hian Minister Michelle-i chu khuallian a ni a, thil tha hi a tha a ni, a ti. He album hi Bangladesh hla hlang awmna a ni a, lei ve kher duh suh, i hrethiam chuang lovang.
Model thar(?)
Tunhnai maia Burma ram atanga Mizoram excursion neia lo kalte chuan Lalbiakzuala chu an hmuhin, an ram siamchhuah thar tur. Ajino Moto kawmah a thlalak tarlan atan an dil mauh mai a. Hei hi mizote zinga a vawikhatna a ni a, a lawmpui awm hle a ni. A kal zelna turah duhsakna sang ber kan hlan e.
Mizorama vawih uih ber
X-C-ah a lo awm
Aizawl October 21: Vawiin khan kan school pumpuiah hnathawhna hun kan nei a. Kan hah hlawm hle a, a thenin hna an thawk a, a thenin an thawk lo.
Hemi ni hian toilet-ah zung turin kan class mipa ho kan chho a. Toilet-ah chuan kan awm khawmuang deuh a, Brother kan hmu thut. Kan biru ta a, kei chu Zaia bulah intithei deuhin ka biru ve. Chutah le, ri miah si lo hian a lo vawih chu niin.
Zaia chuan, �Ka vawih a, a uih dawn teh mai a nia,� a ti a. A ti fiamthu emaw tiin enga tan mah ka ngai lo. Mahse....chhei le, a rim chu, a rim chu, a va han uih ber kher. Khawvel zawng zawngah a la uih ber ang.
A vawih hian rawng phei chu nei se, a hring tak nguk ang. Chuti chung chuan intithei fahranin a la tlan kual ve zuk zuk tho mawle.
Hlaphuah thiam, zaithiam bawk
Tunlai hian zaithiam chhuak thar an tam em em a, amaherawhchu, kan class-ah ve erawh chuan hlaphuah thiam kan nei ve tlats!!
Amah hi mi pakhat, hmel tha lemlo tak, pa darben an tih ang chi hi a ni. A hla phuah te hi a style a old modern thei khawp mai.
Amah ah hian a inringtawk em em a, hnap ngah hi hriselna a ni tiin a hnap hi a tawlh pur reng mai thin. A aw te hi aurinna atana tha ber chi a ni.
Amah belchiang duh tan Bena c/o Hlaphuah veng.
Zawhna & Chhani
Q: Pi Chhan, 'I Love You' tih hi a awmzia min hrilh thei em? - Ozmar
A: 'I Love You' tih hi a Greek tawng chuan, 'Pepsodent' tih a ni a, chumi awmzia chu - I hmel kha a chhe lutuk a, i biang te, i awr te kha a puar si. I kephah te kha a hlai ropui si a, tumahin an duh lovang che, tihna a ni. Inhmuhsitna tawngkam pakhat a ni e.
Q: Zawhna ka han zawt ve lawk che Pi Chhan. Advance Christmas tih nge dik zawk Advent Chrismas tih hi? - Zualtea
A: Advance Christmas - Advance tih chu 'Hlamzuih' tih a ni a, Geneva-a lehkha kan zir laia kan professor pakhat Dr. Xoxef-a sawi ka la hriat reng chu, 'Advance is Pig' tih hi a ni. Advance tih hi Vawk note hlamzuih sawinan hman a ni deuh ber thin. Advent Christmas - Advent hi kan hmang fo mai a, pawi ka ti thin. 'Puk lawk' tihna a ni a, mi an inneih hma an lo in 'Khrings khrengs' chuan 'Puk lawk' an ti thin. Hetiang tawngkam hman hi a zahthlak hle. Chuvangin kei chuan Advance Krismas hi ka ti thuai thuai mai dawn a ni. Tunge min cho??
(He huangah hian sap tawng thiam loh in neih chuan lo zawt zel rawh u. Sap tawng thiam tak Nl. Chhani'n a thlawnin a lo hrilhfiah ang che u. Lehkha paw'n, e-mail paw'n, fawn paw'n kan dawng thei reng. Lehkha ip kawmah chuan 'Mipui Aw' tih ziahlan tur a ni. Due letter kan tlan thei leu.)