|| shrI gurubhyo namaH hariH OM ||

Tradition has it that this prose if recited when in doubt on any philosophical issues is capable of dispelling the same and giving correct knowledge.

|| atha shrI vedavyAsa gadyam ||

shuddhAnando rusaMvid dyutibala bahuLaudArya vIrya saundarya prAgalbhya svAnta.ntryAdyana.ntapUrNaguNAtmakavigrahAya |
tAddashAna.ntarUpAya | pAratantrAdi asheShadoShadUrAya |
ana.ntAna.ntarUpeShu svagatAna.nta guNakriyArUpabheda vivarjitAya |
svanirvAhaka svAbhinnavisheShabalAt tadvatttvavyavahArabhAgine | achintyashaktisaMpannAya |
ramAbrahmarudrendrAdi sakalajIvajaDAtmakAt prapa~nchAdatya.ntabhinnasvarUpAya |

panchabhedabhinna shrIbrahmarudraprabhutisakalasurAsuranarAtmakasya prapa~nchasya yathAyogyaM
sR^iShTisthitisaMhAraniyamanaj~nAnaba.ndhamokshapradAtre |
R^igAdichaturvedamUlarAmAyaNabrahmasUtramahAbhArata pancharAtrAdyasheShasadAgamapratipAditasvarUpAya |
anAdya.ntakAle.api svarUpadehA.ntarbAhyadehA.ntashcha sthitvA sattApratItipravruttyAdipradAya |
sarvasvAmine |

guruShu sthitvA taddvArA j~nAnopadeShTre |
niravadhikAna.ntAnavadyakalyANaguNatvaj~nAnapUrvakasvAtmAtmIyasamastavastubhyo.anekaguNAdhika a.ntarAyasahasreNApi apratibaddhanirantarapremapravAharUpabhaktiviShayAya |

ana.ntavedokta (tadanukta bhAratokta) prakAreNa brahmopAsitAna.ntaguNA.ntakriyAna.ntarUpAya|
kriyAsAmAnyena sarasvatyupAsitAna.ntaguNAna.ntarUpAya |
guNakriyArUpasAmAnyena indrAdyupAsita bahuguNAya |
karmakshayotkrAntimArgabhogarUpachaturvidhamuktiyogya manuShyottamopAsita sacchidAna.ndAtmAkhyachaturguNAya |

utkrAntimArgarUpamuktidvayashUnya avashiShTa dvinAnAvidhamuktiyogyAdhikArivisheShopAsita AtmatvarUpaikaguNAya |
atyarthaprasAdakartre | brahmAdi devatAnAM mAnuShottamA.ntAnAM upAsanAnusAreNa yathA yogyaM
sa.njAtavichitrAparokshaj~nAnaviShayAya |

aparokshaj~nAnamahimnA  agninA tUlarAshivadbhasmIbhUta aprArabdhapuNyapApAniShTakAmyakarmaNAM
brahmopadeshAnAM vAtaputrIyatvaprasa.ngaparihArAya bhagavatA.avasheShita bhogena niHsheShIkR^ita
prArabdhakarmANAM satyaloke chaturmukhAkhyakAryabrahmaprAptAnAM pratIkAlaMbanAnAM
vaiku.nThalokasthita bhagavadAkhyAkAryabrahmaprAptAnAM apratIkAlaMbanAnAM mahApralaye chaturmukhaM
prAptAnAM svottamapraveshadvArA sheShamArgagaruDamArgAbhyAM gatAnAM devAnAM cha brahmaNA saha virajA nadI snAnena li.ngabha.ngaM prApayitvA AvirbhUta vichitrasvarUpanA.ndAnubhavadAtre |

brahmAdyekA.ntabhaktAnAM nirupAdhikeShTAya | taditarabhaktAnAM mokshoddeshena bhajanIyAya | sAkalyena ramAbrahmAdyachi.ntyasvarUpAya |
vyAkhyAshrIsarvavij~nAnakavitAvijayAdisadguNapradAtre | brahmasUtramahAbhAratashrImadbhAgavatAdyasheShasacChAstrakartre |
viShNunAmni saMhitAdevatAtvena hrasvamAnDUkeyopAsitAya | vAsudevAdi chaturUpAya | annamayAdi pa.ncharUpAya | matsyakUrmavarAhanArasiMhavAmanabhArgavarAghavakR^iShNabuddhakalkisvarUpAya |

hanumatsevyadAsharathirAmAtmakAya |
draupadIpriyabhImasenArAdhya shrIyAdavakR^iShNasvarUpiNe |
kra.ndadashvAtmakashrIhayagrIvasvarUpAya |
jAgradAdyavasthApravartaka vishvAditritayarUpAya ShaTshataikaviMshatsahasra shvAsarUpahaMsama.ntrajapaprerakAya |
dvAsaptatisahasranADIShu madhye dakshiNabhAgasthitaShaTtriMshat sahasrapuruSharUpatmakAya |
vAmabhAgasthita ShaTtriMshatsahasra strIrUpatmakAya |

paramahaMsopAsyasita turIya rUpiNe | AtmAdi chaturUpiNe | kR^iddolkAdi pa~ncharUpiNe | kapila dattAtreya R^iShabha nara nArAyANa hari kR^iShNa tApasa manu mahidAsa yaj~na dhanva.ntari nArAyaNI sanatkumAra dhavaLapakshavirAjitahaMsasvarUpAya |
keshavAdichaturviMshativyuhAya | nArAyaNanarashauryAdi shatarUpiNe |
vishvaviShNuvaShaTkArAdisahasra rUpiNe | parAdi bahurUpiNe | ajitAdyana.nta rUpiNe |
kalikAlapravR^ittaye R^iShibhiH sahAMtadhArya ga.ndhamAdanaparvatasthita badarikAshramanivAsine |

bAdarAyaNAya | bAdarijaiminisuma.ntuvaishaMpAyanakAshakR^itsnalomashakArShNAjinyauDilomyAtreyapUrvaka
shiShyasa.nghaparivR^itAya| kIrapadamuninutAya |

svAj~nAnusAreNAvatR^itakR^itasamastakArya parityakta bhUma.nDala prApta
badarikAshrama marudavatArAna.ndatIrthapUrNapraj~nAparaparyAyashrImadhvAchArya saMsevita shrImaccharaNAya |
sAtyavateyAya | pArAsharyAya | kR^iShNadvaipAyanAya | jIvA.nta a.ntaH sthitvA sakalakarmakArayitre |
asheShasatkarmaphaladAtre | tattvadevatAprerakAya | asmatkula devatAtmaka shrIve.nkaTeShAtmane |
ana.ntAya | indirApataye | asmadguruvarAchAryakaravarapUjitacharaNanalinayugAya |
asmadguruva.ntargata shrImadAna.ndatIrthAchAryahR^itkamalamadhyanivAsine |

vij~nAnarochiH paripUritA.ntarbAhyA.nDakoshAya |
akArAdi dyeka pa~nchashadvarNadevatAjAdibhiH svarNaghaTaparipUrNapIyUShasiktAya |
shubhamarakatavarNAya | raktapAdAbjanetrAdharakaranakharasanAgrAya |
sha.nkhachakragadApadmadharAya | parama su.ndarAya| ruchiravaraiNacharmaNA bhAsamAnAya |
taTidamalajaTasa.ndIptacUDa.ndadhAnAya | nIlAlakasahasrashobhitamUrdhne |
suvyaktashmashruma.nDalAya | lalATashobhita tilakAya | aMbhojabhavabhavAdibhuvanAnAM dabhravibhramAdeva
vibhavAbhibhavodbhavapArameShTyAdi padavibhuktidAtR^ibhrUvilAsAya| kamalApataye |
nikhilAgaughavinAshakaparasaukhyapradadR^iShTaye | tulasIbhAsita karNAya |
samasta ana.nta vedodriraNahetubhUtashrImukhAya | avanatAkhilalokashokasAgaravishoShakAtyudArama.ndahAsAya |
aruNoShTharochiShA.aruNIkR^itasitada.ntapa.nktaye | kaMbuvadrekhatrayopeta brahmAdhiShThita kaustubharatnodbhAsitaka.nThAya |
shrIvatsA.nkitashrIvedavyAspadavistIrNavakshase | tanutve.apya.ntargatajagada.nDama.nDalavalitrayA.nkitodArAya |
hari.nmaNikA.ntimuDvishadahAramayUkhagaurastanadvayopetAya | AtmayonidhiShaNachaturdashabhuvanakAraNada lopeta padmajanakatanunimnAvartanAbhisarase | trayImayayaj~nopavItadhAriNe | divyamau.njIdhAriNe |
achalaparamAjinayogapIThopaviShTAya | paritaH sthitavarapaTTikArUpakakshAyutAya |
svabhaktAj~nAnanAshakatarkAparaparyAyaprabodhamudrAyuta pR^ithupIvaravR^itta dakshiNahastAya |
svabhaktabhayabha.njakasamastama.ngalapradAbhayamudrAyuta pR^ithupIvaravR^itta savyahastAya |
atasikAkusumAvabhAsorudvayAya | kramAlpavR^ittaja.nghAyugaLAya | nigUDhagulphAya |

bAhya.ntastamovinAshakanakhamaNaye | vajrA.nkushadhvajapadmarekhAchihnitapAadapadmAya | samastapIThadevatAvaraNadevatAsevyAya |
ana.ntacha.ndrAdhikakA.ntimate | samastaduritanivAraNAya | samastakAmitaphaladAtre | madupAsyAya |

shrI vedavyAsAya namo namaH ||

|| iti shrIvedeshatIrthapUjyapAdashiShya yadupatyAchAryakR^ita shrI vedavyAsa gadyam ||

|| shrI kR^iShNArpaNamastu ||