冬眠不覺曉圖

估不到，肥仔蛋蛋大王比我在這地盤更受友儕們歡迎。。仲不斷要求我放多點大王的各式寫真上來公諸同好，反而不要我的。。真係妹仔大過主人婆！無辦法啦！做人有誠信，做人要有實用，我答應下來的事，有拖無欠。相片有啦！但，趁這個機會，我要講個不是秘密的事實畀大家知道，你們所喜歡的蛋蛋大王，其實只係一條「食飽就上床睡睡睡，餓了就識得落床走去食食食」的大大大懶蟲！不信，就看看我拍得牠這幾天在我床上的惡行吧！嘿嘿嘿嘿嘿！

註：有朋友仔問點解沒有食食食圖。。 對不起喇！我係無拍低！因為蛋蛋大王的食相真係太恐怖喇。你有無見過一隻貓吃東西時可以喉擒到把嚼過的豆豆碎濺到一地都係？你有無見過一隻貓吃東西時可以喉擒到嗆，然後把剛下胃的食物連口水嘔番哂出來？有無見過一隻貓每次吃完飽飽之後搖尾就走，要主人一邊責鬧一邊無奈地清理現場？我不是誇大！下次拍下牠的「粗」行給大家觀摩觀摩！當然，是 PG 家長指引！哈哈哈！

呀！還有，熊貓問我，點解蛋蛋大王雙眼係紅色。。實情係咁解畫：拍照的時間正值半夜零晨，四周其實

漆．黑．一．片！

而且，貓在晚上兼心情唔好唔順的時候〔被人打擾〕，雙眼係自自然然會變成紅色。。咁囉！