Guard 5

觀完禮，去酒樓食過笑過聊過之後，七個朋友浩浩蕩蕩去「行街」。

好耐未試過玩得咁開心喇。。原本諗住散場各有各閃，有人鼓譟起哄要去咕咕家訪，但後來又唔知攪咩，五個人就一直賴在莊主同莊主夫人咕咕後面走。。 KEN 就佯說唔知點解行到邊阿莊主同咕咕都在他同 JOE 倆公婆的前面。而我，牛佬同雷狗，邊笑邊聊邊扮 Guard 5 ，跟前面二人保持安全「佢倆甩唔到身」的距離。哈哈哈！

其間，前面兩人扮行街，但又不時擰過頭來看我們走散未，一時又扮看 window display，一刻又扮拔腿就跑意圖撇甩我們。。偶爾佢倆聽到我們後邊的對話又忍不住會搭嘴會笑。。

我們幾個碰巧又實在好鬼閒，便一味瞎跟。。於是，在他倆哭笑不得的情況下，就咁樣，被我們幾個大細路由街到商場纏了大半個鐘〔！〕。

哎呀！其實我們幾個在做 G5 途中有呻悶呻辛苦咖！所以我曾用好 SURE 佢倆一定聽得清清楚楚的聲線暗示說如果去 TOYSRUS 那邊一定甩到我。來個拋磚引玉，務求佢倆參考我的小小意見，行去 TOYSRUS 那邊畀個機會大家散隊。。哈哈哈。

查實個主導權在哪一方？

好無間道呀。哈哈。