Lunch-time Theory

上個寫了關於男人的「躁文」，反應回響幾大，〔以我人事網絡來說。哈哈。〕有留言分享外〔多謝！〕。。私下跟我討論的朋友也有。友人 KEN 就鬼鬼馬馬 thru MSN 送了我一個『Lunch-time Theory』，作為他 – 一個男性的第一身感受。唉，正如《公主復仇記》中，做一個「仆街」其實都有一定原因。〔男人之苦？〕

『自己得一個鐘食晏，落到餐廳望住餐牌裡面碟飯幅相好正 ~ 咁就叫一客啦！但碟飯埋到檯，竟愈食就愈唔對路！見隔離檯姐姐仔碟飯好似比較色香味美，想換，但一個鐘已經無左三份一！想唔食但又唔甘心要忍肚餓。。 結果死死地氣求其食多幾啖等聽日。最後到到左第二日，再去到都未必嗌得返昨日姐姐仔果碟飯。

身為「碟飯」的我就覺得。。

睇下食晏果個到底欣賞我咩[食送]，揀哂o黎食果o的就盡量俾多o的！無辦法，唔係 perfect o既飯就實有o的[食送]係唔o岩口味，不過無得遮！遮就唔係我呢隻飯 ~ 唯有o岩食o既[食送]就落重o的手。等食我果個可以明確清楚佢鍾意食我咩地方，下次自然嗌返我！最棹忌係令到佢食完卻o翕唔出鍾意食我o的乜o者 ~

。。。

o也飯論。

簡單一句，要起碼有一樣o野可以令個女仔對自己仰慕。

現今o既女仔，唔可以好似以前咁好驕傲咁同人講：因為佢o錫我囉！

因為呢樣o野已經唔值錢！

。。』

看完 KEN 的話，後半段有點搲頭，但忍不住捧腹哈哈哈大笑。

我們之後再討論過什麼就不載下來了。。即使這是自己地盤，但還是怕佢殺了我。

我明白「弱水三千，只取一瓢飲的道理」，不過，很多人「唔識飲」就弊啦！

〔OH！SHIT！ 我也是。〕

嗌飯之前唔係好好攪清楚碟飯碟菜自己可唔可以食，應唔應該食，食唔食到咩？腸胃敏感的人，或對某些食品有過敏反應的人，或有些連自己人生都非常隨波逐流的賤骨頭，見碟菜靚見佢都順眼二話不說諗都唔諗多陣就亂放入口，分分鐘食二啖就死於非命呀！仲浪費埋碟菜。

唔係歧視，有人不喜歡豬扒，有人不喜排骨，有人不喜孖潤腸，有人不喜賴皮蛇，有人不喜縮頭龜，有人不喜高竇貓，有人不喜狗，有人不喜吱喳鳥，有人不喜歡碌葛。。你衰145，我衰236，佢衰1234567，每個人都不是完美，每個人都未必忍受到另一半的缺點跟自己有類同。。試問兩個都高竇又點相處呢？哈哈。

落 ORDER 前，係咪好應該諗清楚睇定 D 先！

呀！講起，早幾日看到一篇專欄寫得好「應景」，於是叫朋友跟那朋友推介推介。。『遇上不怎麼樣的她：她的外表不怎麼樣，性格不怎麼樣，我對她沒有什麼不滿，她對我沒有甚麼奢求，我們相處得不錯，我倆年紀都不小了，我們在下個月結婚。。〔2004年12月11日．生果報．李牧童〕』

好求其。。求其得恐怖！但這竟是定理。