Join na rin si Antoinette Taus sa CLICK!
by Joey Diego, from several magazines...
Startalk, TMM and Moviestar Mag.

Marami ang tiyak na magugulat sa pagpasok ni ANTOINETTE TAUS sa CLICK. Sa pag-alis ni ANGELUKA nasabing youth oriented show, si Antoinette ang napili ng GMA para maging kabarkada ng mga bagets ng programa sa bago nitong istorya na mapapanood sa third season. Of course, naroon ang mga tanong kung bakit tinanggap ng dalaga ang show na ito, to think na hindi siya ang magiging bida dito, isa pa, galing siya ng TGIS na dating kalaban ng show. Ano nga ba ang rason at tinanggap Ito ng dalaga? Nang dalawin namin ang set nila sa malayong lugar ng Bulacan, binigyang linaw sa amin ni Toni kung ano ang tunay na dahilan at tinanggap niya ang show.

“I guess wala namang conflict, okey dito, masaya at kabarkada ko lahat sila rito. Nakakasama ko kasi sila sa SOP especially si BIBOY RAMIREZ, madalas ko siyang nakakalrabaho. Nag-usap din ang Daddy ko at ang GMA, walang problema at nakikita kong magiging okey ako dito. Maganda rin ang role ko."

“I know na hindi ako ang magiging bida dito, ‘yung tatlong loveteams ang talagang bida rito, bale support lang ako at walang problema sa akin ‘yon. May ka-loveteam din ako rito, bale magkakaroon kami ng love triangle dito nina WOWIE DE GUZMAN at WENDELL RAMOS. Tinanggap ko ang show na ito dahil wala akong nakikitang problema kung saka-sakali,” say pa ni Antoinette sa amin.

Anyway, masaya rin ang naging pagdalaw namin sa first taping ni Antoinette, dahil nga close kami sa lahat ng taong naroon, nag-emote kaming gusto naming ipiktoryal ang lahat, kaya dali-daling tinawag ni RAMS DAVID ang lahat ng cast, pati na rin sina Wendell at MIKO SOTTO (anak ni ALE SOTTO) na mga bagong dagdag sa show. Game na game ang lahat nu’ng mga oras na ‘yun kaya very thankful kami sa cooperation nila, including direk MAC ALEJANDRE na very supportive nila sa amin eversince kaya mahal na mahal namin ang taong ito.

Sinabi sa amin ni Rams na may paqbabagong makikita sa show.