 |
|
|
Welcome To Bantayan!!!
Kung sa Bantayan ka muadto.Ubay-ubay na ang tawo Pero ang tradisyon wala magbag-o. Sa prosisyon sa mga santo Nga gidungog sa Dakbayan sa Sugbo. Daghan kag masakyan paduhong didto Island Express man o barko. Ug sa kalsada nga sementado mosirit na lang ang motorsiklo. Inig-abot nimo sa poblacion ikaw dayon magmalipayon. Kay ang halo-halo ni Ramon ug puto bungbong Naghulat na sa pasalubong. Kung gusto ka mangilaw Sikat ang Anduhaw. Sa talagsaong lami kung sagulan sang tuba o langgaw. Kung mukaon ka ug lambay nga makapatulo sa imong laway Kini presko ug barato Makapalit ang imo sensilyo. Inigpaduhong na nimo sa Ogtong Ang kanindot bugtong. Ganahan gayud ang mga dalaga ug mga bayong-bayong Kay sa cave dayon sila mag utong-utong. Kung sa Sugar Beach ka magbakasyon Puti kaayo ang baybayon. Ikaw nalang mahibuhong kay murag asukal kung tan-awon. Maong sa akong paglakaw Mitan-aw sa bintana Miagas ang luha... Kay ang Bantayan nga akong gibiyaan. Ako gayud kining balikan.......................... by Rommel Rico Tinga Site creation by: "gipulawan kag gihunoktokan ni:" James P. Escanuela Copyright © 2002 |