戀愛篇~
嘩﹗其實我冇架﹗哈哈﹗不過由我好細個開始我都有鍾意過一o的男仔既~
第一個其實都唔知係咪鍾意架，個陣時係小學二年級，係一次體育堂，唔知點解佢突然吻我的臉，好奇怪呢﹗我都唔記得係咩事了~不過我只記得佢係同我同車(保母車)的、同班的一個姓陳的同學，個時打風落雨都係同佢一齊返屋企，唔知呢o的算唔算呢﹖
第二個都係小學發生，而且到現在我對佢都特別深刻記得，我識佢個時係三年級，唔知點解直到五年級我都係被編同佢一齊坐，佢係同我一齊做鄰座最多的人，我同佢初時經常打架，唔好睇少我呀﹗我都識打架，不過係有武器的，就係原芯筆同尺，哈哈﹗個時仲經常玩楚河漢界呢﹗每次佢一過界我就插佢，好變態呢﹗不過我o地都冇試過吵架，我o地其實都好關心大家，如上堂時我在台櫃做野，佢就幫我開左本書等老師以為我睇架，有次去旅行，佢又成日幫我、如果有車佢又拉我到另一邊、當我帶o的幼稚園的小朋友入課室時，佢又成日幫我，當然佢又有帶啦﹗有次我好暈，佢又會關心我，有野玩時又預埋我，我有野要佢幫佢又會幫，佢又識彈琴......到中學個時雖然唔係同一間學校，不過我地都有聯絡，有時都會見到佢做童軍既(係初中時)，我有問佢借o的音樂的野，佢都會借俾我，仲送我返屋企，個時真係好開心，但到左中四，大家都好忙，結果只係係放lunch時見到佢同佢o的同學，其實都有好幾次，不過我都冇膽行到佢地的男仔堆度，只有同佢say
hi 同搖手點頭咁啦﹗不過到現在我都好掛住佢~每次一聽到有'魏'呢個字都會令我諗起佢~
第三個係中學二年級有感覺~其實中一都有o的，不過唔熟...，記得個時中一都經常同一個經江的同學打架，好開心的，不過我鍾意的唔係佢﹗而係一個黑黑奇奇怪怪的，鍾意玩，鍾意體育的人，初時冇咩的，到左中二個時，我都係被編同佢坐，佢同魏一樣經常幫我，又同我玩，我覺得佢好似，感覺都好似魏的，個時我開始俾人排斥，你知啦o的女仔好小器，又成日整埋o的small
group 咁好煩的，結果我就經常同男仔玩，而佢又坐我鄰座，佢又成日玩我，咁就同佢做左friend，初時冇感覺的，因我仲鍾意魏，但係個時個班主任俾我地自己選位子坐，咁我地就成日一齊坐︿不過係單邊位喎，佢成日買麥提莎，我就成日問佢拎黎食，其他人冇架﹗有時悶佢又會整埋o的無聊野玩，不過都幾好玩，有時我唔開心，佢都會問我有冇事呀，跟著佢就會哄返我，真的好開心，佢選什麼課外活動我都會參加，佢玩咩比賽都會預埋我，我地仲成日傾電話，冇野傾都會拎個電話唔放，佢就會自己係度唱歌，都幾得意，直到佢想收線，到中三我就更加入唔到組，都係有佢我先入到，咁就成日同佢一齊，無論project定旅行都會同佢一組，有次有個同學拉我去睇成績我就會拉佢一齊，佢又拉多個，好好玩的，一行四人咁啦~仲有時問功課，我唔識佢都會幫我，仲會朝早放係我個位度，去bbq去玩佢都會預我，有時o的汽水都係一齊飲，我唔舒服佢會俾件冷衫俾我...到中三中四都係咁，不過中四我有好多課外活動要做就冇咩同佢玩，在中二個時本來說一齊去camp，結果我放棄左，只有佢一個
人去，有次去旅行，我唔識踏單車，結果又唔能夠陪佢，有次我用個o的可以測我同佢夾唔夾的玩意時，我測到係夾呀╴我就好開心，有次測可否長久時只得五粒星我竟然喊左出黎...唉，不過我知道佢鍾意的唔係我~~跟著到中五佢都好幫我，不過開始疏遠左，直至放榜...佢去左美國讀書，我寄左封信俾佢，有時會係icq或者留言板聯絡咁啦...佢係令我覺得最舒服，最開心，最傷心，最想同佢一齊的人...^^
第四個係一個大我兩年的人，佢好叻，佢係會長又係headprefect又係成績好的人，個時係中四識既，咁又係同一個學會，我又係prefect﹐咁咪一齊玩囉~個時佢仲俾我share佢個locker，等我可以放o的書落去，不過呢o的都好正常，其他的都係咁樣借，跟著有時我功課唔識，我都會問佢，佢都會幫我解答，有時做prefect個時佢又會同我傾野，開會又會預我，有時我遲左佢又會幫我頂著先，我地又會一齊去食lunch，個時我都係返屋企食，所以可以出去食我都好開心，有時我搵唔到人，我都會搵佢，不過佢唔係次次都可以，因佢有野做...不過我覺得佢似一個哥哥多o的，係一個照顧我的哥哥，但係有次我地開完會一齊走個時，我的感覺卻好似係男女朋友咁，哈哈﹗到我中五個時，佢有幾個月冇返學，原來佢出左事，我就打電話俾佢，佢話佢爆肺，我就好擔心佢，我個時好想去探佢不過又唔知點好，結果就...我經常叫佢陪我玩，佢都會好似個阿媽咁話'唔好成日掛住玩啦...'，都幾搞笑﹗
第五個係我repeat 同班識的，佢又係一個運動健將，唔知點解呢，可能我當左佢係佢，我經常問佢借野，雖然佢唔係靚仔，不過俾我的感覺係好成熟咁，我每次唔舒服我都會問佢借冷衫，好好笑呢﹗佢畫畫好叻的，在physics堂時佢係坐我鄰座的，其實個時係抽籤的，我抽中最後一個人選位子坐，結果就坐左落男仔埋度，就咁就一齊上堂，不過佢成日sleep，搞到我都係咁變左做懶人，但係佢o的成績又好好喎~
結果會考佢仲高分過我，不過佢係用中文考我用英文咁解...不過呢o的唔知算唔算鍾意呢﹖
講左咁多野，都係我鍾意人，人地未必鍾意我咁
其實我都試過俾人追，但其實都唔知算唔算
好似有一次，唔知點解我係電腦室識的，初時唔知佢係咩水，就罵佢叫佢唔好搞個printer，就係咁樣，中三個年我一返學經過個走廊都會俾人叫做呀嫂，痴線的...不過都幾好玩，令我都有o的想知佢係邊個，結果越傳越勁，我地係唔同班的，結果全級都知，連miss都知~唉~到最後我都知佢叫咩名，係點既樣咁啦~其實如果佢直接同我講我會開心o的，可能會接受的~我份人鍾意直接...哈哈~﹗
有時我可能會誤會，我現在好怕一o的好恐怖，總之唔係我鍾意個o的人，無端端對我好好個o的，好驚的，咁我就會即時走開，保持距離，哈哈﹗
就係咁樣我現在開始放低，我唔想再係我鍾意人唔鍾意自己，我知呢o的係雙方的，我現在覺得如果係鍾意人就應該同對方講，唔好令人懷疑同心思思呀嘛﹗鍾意人就講就係咁簡單﹗