很喜歡這張大狗自拍照呀，因為我和瑋茵都入鏡了，但瑋茵又在做什麼呢？ha-ha

昨日不約而同地有三個同事last day, 其中兩個係檸檬公司的同事，其中一個係dp，另一個係researcher，還有一個就是cs的舊同事。結果，昨日食咗兩個farewell cake，同埋一餐飯。

泉章居餐飯都不錯，其中一款食物叫"炸奶"，就引發了連串笑話，班舊同事真係好搞笑，有個"奶"字不外乎三級笑話。

由於檸檬公司的dp同事要走，我被選中跟進佢其中一個tracking job，係一個連續做咗80幾個星期的project，幸好，一個月後這個project就會完滿結束。其實我是很擔心的，因為我不熟識CATI，未試過上sample list，我好仔細咁記低每個步驟，這個星期趁他未離開，我就將所有不明白的問得清清楚楚，只希望不會出錯。

另外，由於近來不太忙，我就花了很長時間去了解另一個tracking job，由頭看一次所有文件和email，逐行row睇，每一行都諗點解要咁寫。其實我之前反映過我不想跟，因為我跟唔到，不想另一個同事幫我執手尾，橫掂都係佢做開，點解要個不熟手的去跟？我有時都不太滿意他分配工作的手法，如果係我，我唔會咁分配，正如何必要將一舊毛冷剪開幾份再駁返埋嚟織一條頸巾呢？可是我的力量實在太小了，我只係一個 "a" (assistant)，反映過後，我知自己的訴求無效，根本沒人會理我，所以我決定去克服佢，唯有自己花多點時間去了解才可減低出錯機會。

誰不知，昨日放工前收到個消息，不知是好是壞？就係...我終於可以轉組了，但係我剛才說那個project會物歸原主，唉...好灰...之前的時間就當係自修學習來安慰自己...

我對檸檬公司真係有好多不滿，原因係我之前在cs做過，有了比較，如果我一畢業就入檸檬公司做，或者我會麻木跟從，不會有任何不滿，因為你不知道別公司的做法，冇得比較就唔知邊個差。