فضیلت قرآن پاک

حضرت ابوامامہ رضی اللہ عنھ بیان کرتے ہیں کہ میں نے رسول اللہ صلی اللہ علیہ وسلم کو فرماتے ہوئے سنا قرآن کثرت سے پڑھا کرو اس لیے کہ قیامت والے دن اپنے پڑھنے والے ساتھیوں کے لیے سفارشی بن کر آئے گا۔

تخریج:صحیح مسلم ،کتاب صلوٰۃ المسافرین ،باب فضل قرآۃ القرآن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حضرت نواس بن سمعان رضی اللہ عنھ سے روایت ہے کہ میں نے رسول اللہ صلی اللہ علیہ وسلم کو فرماتے ہوئے سنا کہ قیامت والے دن قرآن کو اوران لوگوں کو جو دنیا میں اس پر عمل کرتے تھے بارگاہ الٰہی میں پیش کیا جائے گا'سورۃالبقرۃ اور سورۃ اٰل عمرآن ان کے آگے آگے ہوں گی، اپنے پڑھنے والوں کی طرف سے جھگڑا کریں گی۔

تخریج:صحیح مسلم ،کتاب صلوٰۃ المسافرین ،باب فضل قرآۃ القرآن

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

حضرت عثمان بن عفان رضی اللہ عنھ سے روایت ہے ' رسول اللہ صلی اللہ علیہ وسلم نے فرمایا ' تم میں سب سے بہتر وہ ہے جو قرآن سیکھے اور اسے سکھلائے۔

تخریج : صحیح بخاری، کتاب فضائل القرآن

حضرت عائشہ رضی اللہ عنھا سے روایت ہے ' رسول اللہ صلی اللہ علیہ وسلم نے فرما یا ' جو شخص قرآن پڑھتا ہے اور وہ قرآن کریم پڑھنے میں ماہر ہے' تو وہ قیامت والے دن بزرگ' نیکوکار فرشتوں کے ساتھہ ہوگا اور جو قرآن اٹک اٹک کر پڑھتا ہے اور اس کے پڑھنے میں اسے مشقت ہوتی ہے ' اس کے لئے دگنا اجر ہے۔

تخریج: صحیح بخاری، کتاب التوحید  و  صحیح مسلم ، کتاب صلٰوۃ المسافرین

حضرت عمر بن الخطاب رضی اللہ عنھ سے روایت ہے' نبی کریم صلی اللہ علیہ وسلم نے فرمایا' اللہ تعالٰی اس کتاب (قرآن مجید)کی وجہ سے بہت سے لوگوں کو سرفراز فرمائے گا اور اسی کی وجہ سے دوسروں کو ذلیل کرے گا۔

تخریج: صحیح مسلم، کتاب صلٰوۃ المسافرین

حضرت ابن عمر رضی اللہ عنہ سے روایت ہے' نبی کریم صلی اللہ علیہ وسلم نے فرمایا'صرف دو آدمیوں پر رشک کرنا جائز ہے۔ایک وہ آدمی جسے اللہ تعالٰی نے قرآن عطا کیا (یعنی اسے حفظ کرنے کی توفیق دی) پس وہ اس کے ساتھہ رات اور دن کی گھڑیوں میں قیام کرتا ہے (یعنی اللہ کی عبادت کرتا ہے) اور دوسرا وہ آدمی جسے اللہ تعالٰی نے مال ودولت سے نوازا ' وہ اسے (اللہ کی راہ میں ) رات اور دن کی گھڑیوں میں خرچ کرتا ہے۔

تخریج : صحیح بخاری و صحیح مسلم

حضرت براء بن عازب رضی اللہ عنھ سے روایت ہے کہ ایک شخص سورہ کہف پڑھ رہا تھا ' اس کے پاس ہی ایک گھوڑا دو رسیوں سے بندھا ہوا تھا' پس اس شخص کو ایک بادل نے ڈھانپ لیا ' پس وہ بادل اس کے قریب ہوتا تھا اور اس