De vrijdag (22/03) wast eindelek zover, ik mocht veur den eeste keer nor ne lan-meeting. Zagen dak dor veur em moeten doen menne jongen J. Klotig genoeg attek just diene vrijdag en de dagen dorvoor nog een paar exames moeten doen (fys en wisk + verhandelingen over de meest achterlijke onderwerpen) dus gink ik dor nortoe zonder oefening en me ne suffe kop van te blokken. Chance daget rap weggink dak van int begin kost meedoen J. Dor aangekomen waster nog geen kat van igl te zien (dacht ik). Em der eest zitte zoeke naar een pries, lag die toch nie onder tafel tedomme, en tegen da mij gerief was geplaseert kwamen de gosus van igl toe, jawel knight en tes J. Knight mij effe geholpen me die lan instellinge en kost vertrekke ma omda da bij mij nooit van den eeste keer macheert emmek eest nog den helpdesk moete late komen want me netwerk macheerde nie :-/. Ondertusse wask te wete gekommen da diene gast op 2 plekke va mij den time was (dacht da da ene van b-squad was J ). Enfin al bij al was da nog vlot verlope, de rest geraakte der ook nog rap op as just knight me zen primitieve netwerkkaart J. Ma iedereen koster dus op en ten wast game geblaze. Eest effe zitte fifa 2001 spele want menne pc moe atij eest een uurenalf warmlope voor 3d-games of em crasht (vraag mij nie waarom). Menne eeste indruk van igl was dase amol vree vriendelek ware, zatte mij tenslotte derek geholpen me me netwerk en uk derek games aangeboden J. Rond 22.30 was ten den darkelf toegekommen (wistek al oe dattem was want kendem em al min of meer int echt ) en ware we compleet. Wa dammen ten emme gedaan god magget nog wete ma kwee wel dak mij gamuseerd em. Ik peis dammen starcraft emme gespeeld tot rond een uur of alf 6 smeires. Ondertusse goe gete natuurlek. Enige nadeel was dammen daar vree in den trok zate me gevolg dammen dor amol zaten te bevriezen. Zelfs asmen ginke gaan slapen wast nog kaat in menne slaapzak. Moja ge moet er iet voorover emmen h� J. De meirend nadien eest ne goeie koek geten en ten weer begonne. Ik dacht dammen ten zitte diablo 2 , ut en quake 3 �en. Spijtig genoeg macheerde tes zenne quake 3 nie anders ammen der amol elkander kunne afschiete. Em mocht wel effe van time op zenne pc maja das ma effe niewaar. Verrassend bleek dak onverslaanbaar was in quake 3 ;) oewel da knight em extreem goe kost were. Van de compo�s emmek nieveel gemerkt want der zate een paar manne rond mij te zegge om broodwar te installere. Ik da gedaan ma grat vergete dak aan geen patch kost gerake me as gevolg da ik zaterdag nie op sc geraakte dus no compo for me. Knight en Tesla emmen da volges mij wel goe gedaan, win tege eze en phas , ze emmen TC 1 keer kunne kicke (now we are a though clan J ) en da allemaal dankzij hun (applaus J ). Vant slape zak nieveel zegge want da emmek nie veel gedaan uk nie. Tenigste dak weet is dak telkes opstond me zeer on menne voet (?). Et eten daarentegen vonnek veel beter as just de fritten vielen wa tegen. Ma die pizzas vonnek extreem goe. Ma zwijg van aiki noodles want da vonk al rotslecht en na zattek dor in diene stank van da voorgekauwd voedsel me as gevolg da al me gerief dernaar stinkt + et toppunt: da hangt in menne pc dus ask em opzet blaast diene ventilator da amol in men kamer bah. Qua hilarische momenten edde wa gemist. Darkelf zen aiki noodles op zen keyboard en time die zen fritte moest opvange in zen rechterhand me alle vettige gevolgen vandien J� Dus algemeen besluit: Mede dankzij de voorbereiding van Knight wask nog rap geinstalleerd en emmek niet vergeten. Wa mij betreft zullen der nog veel lans volge, opelek da da geldt veur gans igl want kem mij dor vree goe gamuseerd. Wa mij brengt tot evaluatie igl leden J: kortweg allemaal lepe gasten aja. Vriendelek, bien, leep, zot, � De rest van igl zal un best moge doen om dees 4 mensjen (knight tes darkelf en time) te kunnen inhalen J J. Maja ik at eigelek nie anders verwacht :p. Sow ier stopt me verslag. Begint na nie te kreften veur taalgebruik of nivo want ik em totaal geen goeste om da hier naar nederlandstalige normen te typen. Cya en tot volgende lan. Ask nog iet vergeten em� pech.