1624

hindi ko naman sinasadyang
saktan ka
ikaw naman kasi
mapilit mong binubusisi
ang celfone, email, and private messages ko

alam mo naman
na hindi ko ginusto to
me mga bagay lang talaga
na mangyayari at nangyayari
kahit wala sa plano.

hindi ko naman idinadasal
na intindihin mo
ako nga mismo napeperwisyo
sa kapipilit sa utak kong
walang-kusang tumino.

sana lang, pagkatapos nito
magkaibigan pa rin tayo
magkaibigang nagka-ibigan,
gustuhin ko man sanang dun tayo magtapos
wala na talga kong masimot...

hanggang dito na lang yata tayo.

		
		--blue palito