|
HOME
Vim Leej Twg?
HLUB!!! Koj dua twg lawm?
Wb txoj kev hlub zaum no,
yeej paub zoo tias, tsis yog tim koj, los yog tim kuv.
Tab sis, vim li cas qhov teeb meem thiaj li yuav muaj rau wb?....
Tus neeg hlub kuv!! Txhua hnub kuv pom koj,
es koj txhoj kev hlub, nws ploj mus dua twg lawm?
Tej laus txiav wb txoj kev hlub, koj thiaj ua siab swb,
tso kuv tseg lawm tiag. Es koj puas paub tias,
kuv tseem hlub, tseem xav puag koj rau kuv lub xub ntiag.
Kuv paub txhua hnub, luag hais txog kuv.
Luag txiav txhua yam ntawm txoj kev hlub.
Yav tag dhau los, wb txoj kev hlub, nyob tau kaj siab lug.
Sij hawm no, luag nrhiav lwm tus rau koj,
kom koj txhob nco,
yam tag dhau los......................
Txawm kuv yuav hlub, thiab nco, los yuav tsis sib tau,
nyob ua ib ke mus li lub siab xav.
Koj txoj kev hlub, nws ua rau kuv xav tuag kiag mus xwb.
Yuav yog thaum twg, kuv thiaj li yuav ua tau ib siab,
tshev koj tawm hauv kuv lub neej mus?
Txhua lug sij hawm ua rau kuv lub kua muag ntws.
Quaj ntshia sau ntuj, los ntuj tsis teb kuv.
Ntsia sab xis, los tsis muaj koj.
Saib sab laug, los tsis pom koj li yav tag los....
Vim leej twg?.... wb thiaj li hlub tsis tau..
Kuv lub siab lus ntsws quaj dhi thov koj. Tias yav tag txawm tej laus muaj kev chim dab tsi
lawm los thov koj hlub, es wb mam li txhim kho mus ntxiv.
Vim li cas, wb thiaj li yuav los kawg li no.
Koj yuav mus koj, kuv yuav mus kuv.
Kuv tus neeg hlub! Kuv yuav tsis chim, tsis tu siab rau koj os mog.
Kuv paub zoo tias, wb tsis muaj lwm txoj hauv ke taug lawm.
Koj thiaj ua siab sib tso.
Hauv kuv lub siab, txawm tias yuav mob lwj tag los cia siab tias yuav zoo yam tus ceg ntoo uas koj muab txiav mus lawm... cia seb lub hauv paus yuav ua tiag nrhau kaus seb puas tawg taus paj txi txiv mus lawm yam tom ntej..
Es koj mus ua lub neej kom zoo nawb mog.. By KML
|
|
|
|
|
This articles dedicted to ShinnyCload
TSIS TAU KOJ, KUV YUAV UA CAS?
Vim li cas, lub ntuj tsis tsim kuv los tso koj,
es tsim koj los nco kuv?
Cas lub ntuj yuav tsim tau koj los tso kuv,
es tsim tau kuv los nco koj?
Koj puas paub?
Mob mob kuv lub siab xav tuag kiag
los tseem qhia tsis tau rau leej twg paub tiag lawv!
Luag tias, qaum ntuj muaj hnub qub txhua,
ntiaj teb, muaj tib neeg ntxhij.
Qaum ntuj ci tsis cuag lub hli,
nyob ntiaj teb tsis muaj leej twg zoo tshaj kuv tus huab ci.
Koj hais rau kuv tias, koj yuav saib lub hli tam kuv,
Es cia kuv saib tauv huab tam koj.
Txawm wb yog nkauj kev deb, nraug kev ntev,
tsis tau cev los tsuav tau siab.
Ntshe yog vim txoj hmoo tsis zoo� koj thiaj hlub tsis tau.
Sij hawm no tsis muaj koj hlub kuv lawm.
Hmo ntuj, pom lub hli los kuv nco koj.
Nruab hnub, pom tauv huab los kuv nco koj.
Tiam no, hlub koj tsis tau, kuv yuav ua cas nyob ua neeg dai siab nco koj li no mus txhog thaum twg?
Thiaj muab tham sau qhia ib tsoom phooj ywg.
Tus tsis paub thov kom xyuam xim.
Kev hlub tom ntej thiaj tsis raug tsim.
Cia tus paub lub kua muag poob.
Kom tom ntej txhob ua siab coob.
Kuv saib lub hli, txawj nqig, rov txawj puv tshiab tuaj.
Txog txij no, cas koj mus tsis txawj rov.
Ua rau kuv quaj, ua hnub ua hmo thov.
Hmo no, hnov tias koj yog luag poj.
Paub tias koj ciaj luag sev.
Txawm yuav tos koj 100 xyoo,
Los paub tias tsis tau koj lawm tiag, es kuv yuav ua li cas?
Siab ntsws puas tas.
Ces cia kuv ua ib siab ploj,
tuag nthi ua dab mus tos koj kev.
Phooj ywg! Leej twg taug tus roj, rhais tus hneev no.
Thov muab tham seev qhia rau ib tsoom hluas nkauj hlus nraug
kom ua lub siab ncaj.
Nyob siab tsaj kom tau ab tub.
(Sorry didn�t mean to be nasty, but can�t find a better word.:))
Nyob sib hlub kom tau ab ntxhais.
Lus txhiaj txhais los xaus li no xwb mog hmoob!
|
|
|
|
|
|
|
Next |
|
|
