KML ARTICLE PRODUCTION
Txoj kev hlub yog ib yam uas loj tshaj plaws lub ntuj tsim tau los rau tib neeg lub neej. Thaum ib tus neeg txoj kev hlub nyob rau nruab siab lawm, nws tsis yooj yim li lwm tus lub ncauj hais kiag. Txawm luag yuav ntuas yus rau zaj twg los yus lub siab lus ntsws yeej lwj tag. Thaum tus neeg ntawd muaj txoj kev hlub lawm, txoj xub ke ntawm txoj kev hlub txawm hais tias yuav nyob deb thiab yuav phom sij npaum twg los yeej yuav mus cuag kom txog. Lub hom phiaj ntawm txoj kev hlub, yog yuav sib pab koom ua lub neej kom muaj kev kaj siab, muaj kev sov siab so, kom muaj kwm tij neej tsa yam nyob sib hlub haus sib ce. Thaum muaj kev nyuaj siab ntxov plawv, los koj yuav yog tus nrog kuv koom. Thaum muaj kev zoo siab sov siab los yog wb ua ke. Txhua txhia leej tib neeg yeej muaj txoj kev hlub thiab tau txoj kev hlub yam raws siab xav. Tab sis, qho qho leej, lawv nyob tau ua neeg twm zeej kawg nkaus tshaw txog txoj kev hlub npaum li cas los yeej tsis tau yooj yim. Tab sis thaum muaj tus hlub lawv lawm, lawv hlub tiag tiag tsis tso tseg. Yog tus txoj hmoo zoo, kuj ntsib kev kaj siab thiab xav ua neeg nyob mus ntxiv. Tab sis, ho yuav zoo li cas yog hais tias tus txoj hmoo tsis zoo txoj kev hlub mus tsis raws siab xav? Nyob rau zaj daj neeg nov yuav thov nthuam tawv txoj KML TXOJKEV HLUB!!! uas zoo tsis raws siab xav. Yog li no koj soj qab taug lwg tau mus ntxiv.... :)
Tus neeg ntawd nws txawm yog KML ntag. KML lub neej muaj raws li tau hais los no. Nws nyob tau twm zeej heev. Tsis muaj leej twg yuav los ua nws phooj ywg, tsis tau muaj leej twg yuav muab txoj kev hlub rau nws es yuav ua rau nws lub siab xav txog tus neeg ntawd tag mus li. Muaj ib hnub, nws tsis paub nyob li, nws thiaj tau tawm rooj mus nuv ntses. Thaum nws mus txog rau tom tus dej, nyob rau ntawm sab ntug dej, nws ntxhab heev li thiab muaj pob zeb ntau. KML thiaj li maj mam nqis nqis mus, ua cas ho pom ib tus hluas nkauj tab tom rub rub ib tus ntses hauv dej los. Ces KML txawm ntsia ntsia tus hluas nkauj nws cia li npleem ko taw ntog nrov KUAG!!!!! Ces cov niag pob zeb thiab KML cia li sib xeem roll mus rau hauv tus dej. Zoo li KML mas tseem ceev tshaj cov pob zeb lawm thiab. Lub sij hawm ntawv, tus hluas nkauj thiaj li tso plhuav nws tus ntses tseg thiab qw nrov nrov khiav los pab KML. �Tig laug!! Muaj ib aib nyuam tub poob dej lawm. Koj los nrog kuv rub nws tawm nas�.
Tus dej ntws ceev heev li thiaj tau muab KML tshoob mus li ob peb ruam. KML thiaj li mus tuav tau ib lub pob zeb loj tsawv. Tus hluas nkauj thiaj li nam zog los tab tom yuav ces tes los pab KML. Tab sis, nws tseem ho tsuj TEG! tau ib lub pob zeb uas muaj muaj ntxhuab thiab thiaj li ua rau tus hluas nkauj ntog rov PLOG! los tsuam kiag KML. Thaum ntawv KML thiaj li tso pluav tes ntawv lub pob zeb mus khawm kiag tus hluas nkauj. Dej thiaj li muab nkawv ob leeg tshoob mus li ib block. Hum� hmoov zoo kawg li uas dej ho tsis muab nkawv tshoob mus rau hauv plawv dej, tsis li ntawv ces ntshe KML thiab tus hluas nkauj twb ua quav ntses tag lawm os� Nkawv thiaj li mus khuam rau ib tug ntoo uas tau vau los rau ntawm ntug dej, thiab thiaj li sib pus sib pus mus tawm rau sauv cov pob zeb. Nkawv ob leeg thiaj li txham txham dej. Thaum ntawd, tus hluas nkauj tus nus thiaj li khiav khiav los txog.
�Neb puas ua li cas, puas raug neb qhov twg?� tus nus nug.
�Tsis ua li cas os�, KML thiab tus hluas nkauj tib txhij teb. Nkawv ob leeg thiaj li tig kiag los sib ntsia.
�Um..! wb tsis ua li cas os Ceeb Leej,� tus hluas nkauj.
�Ua zoo saib nawb npawg, tej chaw no ntxhab heev li laiv,� Ceeb Leej hais rau KML thiab dhia dhia rov mus tom qhov qub chaw lawm.
�Tus muam, kuv thov txim ntau os. Ntshe raug koj mob heev li pob? Ua koj tsaug ntau os koj tseem los pab kuv thiab". KML hais ntsia ntsia nws.
�Oh!! Kuv tsis ua li cas os, thov txim ntshe kuv ntog los tsuam koj mob lawv lov?� tus hluas nkauj. Ces txawm cia li ua rau KML txaj txaj muag rau nws lo lus ntawd.
�Um.. tus muam, nws tsis ua li cas os. Koj siab dawb kawg koj thiaj li los pab kuv os.� KML
�Tsis txhob hais li koj os, tsis yog kuv xwb, txawm tias yog lwm tus los yog pom koj zoo li no, lawv yeej yuav pab koj ib yam nas� tus hluas nkauj hais.
�Lov, yog li no tib neeg siab kuj zoo heev li yom. Es hluas nkauj, koj hu cas os. Nej yog xeem dab tsi?� KML asked
�Kuv yog xeem Vaj, tab sis koj tsis txhob paub kuv lub npe yom.. vim tias kuv lub npe nws phem heev li nav.� Tus hluas nkauj hais.
�Phem thiab zoo los tshuav yog koj lub npe xwb. Qhia kuv es thiaj li paub hu koj, thiab tsis txhob hais li koj tsam koj Mommy thiab Daddy tu siab rau koj ov�. KML
�Um.. ua li, kuv lub npe hu ua Huabci no xwb os, tab sis mas muaj ntau zaus lawv pheej hnov tsis zoo lawv pheej muab kuv hu ua niag nquabci los yog npua ci no xwb. Ua rau kuv txaj muag heev li nav!!� Huabci hais yam tus txaj muag zias.
�hahahah� lub npe zoo ua luaj os Huabci, txawm yuav yog nquabci thiab npua ci tiag tiag los yeej zoo tag li os. Kuv hu KoobMeej no xwb, xeem Lis os. Zoo siab heev os uas hnub no tau tuaj paub koj. Wb mus os yom. Kuv cov khoom thiab tus pas nuv ntses poob tag lawm, kuv yuav mus lawm os.� KoobMeej Nkawv thiaj li rov los rau tom qhov qub chaw. Thaum lub sij hawm sib tham ntawd, KoobMeej thiab Huabci nkawv twb tau sib nyiam lawm, tab sis nkawv tsis pom qab yuav qhia tau li cas vim tias yog thawj zaug sib pom xwb.
�KoobMeej!! Koj txawm siv mus lov? Peb tseem tshuav ob tug pas nuv ntses seem nyob ntawv os. Yog koj nuv no muab ib tug los rau koj nuv. Koj twb tsis tau nuv laib ntses li ne. Ntshe yog hnub no tsis yog koj tuaj nuv ntses pob, yog ntses tuaj nuv koj xwb os!!" Huabci hais tau luag ntxhi thiab txaus nyiam kawg.
�Heheh.. ok, ua tsaug nawb. Kuv tsis paub thiab, zoo li kuv twb tsis ntxim qab li thiab xyov ua cas tej ntses no tseem ho yuav nuv kuv thiab tiag. Nej xuas dab tsi nuv xwb?� KMl hais tau tus xiam hlwb tsawv.
�KoobMeej, zoo li tsis yog cov ntses hauv dej no xav nuv koj xwb, muaj ib tug ntses ntawm no los kuj xav nuv koj lawm thiab ov.� Huabci kuj hais tau yam tus xiam ntsev tsawv thiab.
�OH! Lov, tsis txhob xyaum dag os koj na..� KML
KML yeej paub lub ntsiab tias Huabci hais li cas rau nws lawm. Nkawv thiaj li tau sib tham thiab nuv ntses ua kev ob tug ntub npliag nplaws. Lub sij hawm no los KML kuj tseem taj kawg li thiab tsis paub yuav tham li cas li, ib qhov ntxiv, KML kuj tseem cia Huabci chob cua nab rau nws tus hook thiab vim tias nws nrhiab cua nab heev li. Ib hnub kuj dhau mus lawm yam tib ntsais muag xwb. Nkawv kuj hais lus sib to taub thiab nkag siab zoo. Lub sij hawm ya lawm tsuj tshaw, Koobmeej thiab Huabci txoj kev phoojywg kuj muaj loj hlob zuj zus tuaj. Nkawv kuj muaj kev lomzem tso dag tso luag, sib thab sib zeg yam zoo li ob tus menyuam yaus xwb. Tab sis ntawm txoj kev hlub nkawv kuj tsis tau tham txog li. Los mus txog rau thaum July 4th, hnub ntawd KoobMeej hu rau Huabci seb lawv puas mus July 4. Huabci hais tias ib chim tav su lawv mam li mus.
�Huabci yog ib chim tav su nej mam mus no ces, peb muaj ib tus niam tais thiab lawv ib co ntxhais tuaj ntawm no es kuv family thiab peb mus ua ntej lawm nawb.� KML
�Ua li ntawv os, mus no muaj kev lomzem pub rau kuv thiab os KoobMeej ua zoo saib nawb.� Huabci Thaum mus txog rau hauv July 4th lawm KML thiaj li nrog lawv niam tais ib tus ntxhais (Npib) ua ke. Npib thiab KoobMeej nkawv kuj muaj kev lomzem xauv npo. Ib pliag kiag xwb, Huabci lawv ho tuaj txog. Huabci thiaj li nrhiav nrhiav pom KoobMeej thiab Npib nkawv ua ke. Tab sis Huabci tsis pub KoobMeej pom nws li. Nws thiaj li raws raws nkawv qab mus tau ib chim. Lub sijhawm ntawv KoobMeej thiaj yuav tau ib txoj saw. Thaum nkawv los so rau tom cov qab ntoos, KoobMeej thiaj hais tias, �Npib, kuv yuav tau ib txoj necklace no tabsis mas kuv tsis paub xyov kuv yauv rau leej twg nas. Cia kuv muab nws sim rau koj seb puas phim koj os.�
�Sure! Tau mas. Koj tsis muaj leej twg yuav rau lov? Es ua li cas koj yuav no mas?.Koj yuav tau lawm ces koj mam li coj xwb KoobMeej,� Npib hais thiab luag ntxhi rau KML Thaum KoobMeej kho txoj saw rau Npib coj, nws thiaj li khoov muab kaus hniav mus tom txoj saw kom khawm rau. Lub sijhawm ntawd KoobMeej thiaj li mam pom kiag Huabci sawv nram qab nkawv. TO BE CONTINUE....