我們的閣員大都來自中六,  大部分都是學會幹事(有些更是學會主席), 而且四社社長 及 副社長也是我們的閣員. 我們相信有這麼一郡熟悉學會及四社運作的人材, 定能使我們的政策切合大家所需.

   而我們的3 C 是6B 及 6C 的同學, 他們是6C 的由清清 (主席), 6C 的李金粉 (外務副會長), 6B 的李子政(內務副會長). 想知道他們是誰, 快來看看他們的自我介紹..

主席: 由清清

  Hello!你好啊!你呀!係…你喇!正係度睇緊我既 info 既四眼同學，我係同緊你講野啊!唔知我係邊個?我咪係F.6C 班既由清清囉!呢~~果個參選今屆學生會，復萌「Catco」既主席，好高果個咪就係我囉!係咪好易認呢!

  呵!呵!好啦!自我介紹完，就等我講翻d正經小小既野啦!我今年之所會組閣參選學生會，係因為一個信念。我之前成日都聽d大人話，中學生涯係最今人懷念嫁，但係回望我係可立呢五年內，都好似冇乜事係令我好懷念，好有呢隻feel咁。所以我好想係來年可以為大家做番d野，以不致於大家係幾年之後，畢業多年再回望中學生涯，但係諗唔起一絲既記憶。就好似個閣名一樣，我好希望可以俾每一位係可立既同學，都可以擁有一個spiritual school life! He…He…wakakaka係咪好吸引呢?咁仲使乜猶疑?請支持我地!支持自己!投我地「復萌」「Catco」神聖既一票啦!wakaka…..

外務副會長: 李金粉

  Hey, 大家好呀,我係班李金粉,身形瘦削,天性善良,做事積極,無不良嗜好,係女強人加賢妻良母混合體。

  言歸正傳,講下我參選學生會原因吧。其實,我係一個頗有野心的人,一直都有個願望,就係想令可立同學校園生活更有意義同趣味。當大家放緊暑假時,可以話: “ 而家真係好悶,番學好玩好多,舊年學生會D活動真係好正,希望今年學生會都會係咁啦。”而搞學生會係令我可以夢想成真既地方。

  另外,睇住在一大班同學,朋友幫助下,將一樣野由零變成一個實體係一件令人非常興奮既事,而學生會亦可以令我享受當中樂趣。

  所以,我就係度啦。

內務副會長: 李子政

  大家好！我係6B班的李子政。呢五年來，我雖然不算學校中壞的一群，但卻從不認真去讀書、上堂。或許在許多老師的心目中我並不是一個好學生，但人總是會長大的，身為預科生、眾多學弟學妹的師哥，我亦自覺是時候” 從良” 了。同時我亦希望能夠為學校略盡綿力，作去一番貢獻。因此我今年與一班同懷著理想級信念的同學搞辦復萌閣，請支持復萌！