|
Billy Lau Ho-Him's Home Page |
|
Home |
小小宇宙
三個月 我一出生有九磅,頭大身細,眼仔不停在轉,但卻體弱多病,又唔肯飲奶,結果出世三個月都唔夠十磅. 由於父母要工作,兩個多月時被送到那些育嬰院居住,直到九個多月,由於患肺炎,他們唔放心,才把我接出來.在育嬰院學會了一件事,原來育嬰院叫天不應,叫地不聞的地方,我把童年大多數的眼淚在育嬰院流乾了,此後,除了比阿媽打,跌倒,比舅父激之外,甚少會喊.
出院之後,和公公婆婆舅父s住,直到去南非為止,只有星期六日才送返屋企. 媽咪經常不停口同我講0野,傾心事,又講地理和中國歷史等等,所以我好快識講好多0野.(我成日想,我第二時生個仔都要咁,成日我講0野,讀聖經比佢聽,佢細細就會學識背好多好多卷聖經.希望到果陣神比我有心擺時間出來這樣做啦!)
當時,父母買了一餅兒歌盒帶給我聽,那就是路家敏姐姐的<<小時侯>>了. 不知是不是由細聽到佢大,就算到依家,無論有多疲倦又或者幾唔開心都好,一聽到佢D歌就會精神,又會開心番.
入學 83年9月,入讀培正幼稚園,一所基督教學校,亦是我首先認識神的地方. 記得那時侯有茶點時間,進食前要祈禱,我現在通常會唸主禱文,而那時侯老師教的禱文是這樣的:
幼稚園第一年讀初愛班(啟 2:4),班主任 - 姓贏. 那年降生節,大集會時有老師唸了路加福音二章八至十四節. 回家以後,我就唸給公公婆婆,父母和舅父們聽. 九舅父(我叫他做Woo Woo舅父)把我的背經錄了下來,後來因為佢在同一餅帶裡面錄了我的喊聲,一得閒就拿出來播放,所以我趁佢一次出街,就入佢間房整壞0左餅帶.直到今日,佢0地茶餘飯後都會翻來覆去的提起. 到年尾,學校頒了個服務優異獎比我,有個動物黑板仔做獎品,但我究竟做過什么服務以致得獎就連自己都唔清楚了.
生與死 我小時侯好鐘意坐巴士,到現在依然喜歡坐巴士多過坐私家車. 有一次,我和父母去尖東行街,見到對面街有架巴士,我就衝出馬路,要趕搭上那架巴士.爸爸一手捉住我,打了我兩下.(我印象中他只打過我兩次,這是其中一次) 事後佢話,如果我衝出馬路比車撞倒,可能會死,死0左就乜都冇,就算唔死,都會好痛,隻腳會永遠唔走得.如果我要坐巴士,可以同佢講,佢會陪我坐云云. 之後,我永遠都唔敢衝出馬路,因為我怕死.
由於從少就和婆婆一起生活,所以我倆的感情非常好. 有一次,我問Daddy說:「人係咪會死?」 Daddy:「人當然要死啦!」 過了一陣子,我忽然放聲痛哭. Daddy問:「你做乜喊啊!」我向來都不是這樣的. 我說:「婆婆會死,我唔想婆婆死.」
死,是生命的終結,也是與親友離別的時侯. 究竟點解人要死呢?人死之後又會點呢? 這些問題,我們問了幾千年,提出過許許多多不同的解釋,但無論如何,人始終要死. 但聖經話: 「神愛世人,甚至將他的獨生子賜給他們,叫一切信他的,不至滅亡,反得永生.」 這些訊息我在學校聽過了就告訴婆婆,勸佢信耶穌. 那個時侯,公公家裡有土地公的香壇,有D生果同幾塊牌仔(唔係神主牌). 婆婆拜的卻是日本佛.一個黑色神壇,每日要燒香和誦經. 我見婆婆日日諗經,以為好好玩,唔夠一分鐘就深知道它的沈悶指數何其高.
我初初傳福音比婆婆聽.佢通常都會話:「各有各信啦.」 後來,婆婆真的信0左主耶穌,將家中所有神壇丟掉,每日祈禱同讀使徒信經. (婆婆唔識字,教會有位姊妹每個星期教佢主日學.教0左十幾年,除了使徒信經,約翰福音三章十六節等幾句經文外,知道的不多,若不溫習就很快忘記. 但我知道婆婆係神所愛的,係得救的,神亦按她一切所求的將祝福賜給在她以下的一眾子孫,並且因她的恒切充充足足賞賜她.) 致於點解她會信主,就不太清楚. 總而言之,婆婆是在我六歲到十歲那段日子信主的.
|