|
Billy Lau Ho-Him's Home Page |
|
Home |
工作的再思之呼喚
四月廿七日,我和C C F的John弟兄去探C C F summer camp,當中亦談到工作,和Peter分享創世記的工作觀,引發起孩子許多反省. 七月二日,教會小組組長有個小聚,孩子坐巴士番教會,又默想到創世記的神學思想. 這是四月newsletter的附錄.
追問
創 3 終身勞苦 創世記第三章話,當人犯罪以後,大地不再為人效力.「地必為人的緣故受咒詛.你必終身勞苦,才能從地裡得吃的.地必給你長出荊棘和蒺藜來,你也要吃田間的菜蔬.你必汗流滿面才得餬口,直到你歸了土,因為你是從土而出的.你本是塵土,仍要歸於塵土.」(創3:17-19)神啊,好灰呀!! 究竟我做個report,做份financial statement, balance下D數在永恒的國度裡有乜價值呢? 冇人appreciate,做得好都要比人潤,比人串,做錯左就來嚇你,奚落你. 雖然,有個非常古怪的理論話:如果老細鬧你,即係話你仲有用,唔采你咁你就冇得救.(這至少是我公司的真理.)又有人話:有工做已經比好多人幸福云云. 但這兩個理性的事實都不能叫我得安慰和滿足,我的自尊仍然不停受損. 做工為左乜呢?
創 2 修理看守 我們是按著神的形像造的,即使始祖犯罪之後,全人受到虧損,都無改這個事實. 所以神願意道成肉身,捨生十架,讓我們可以回到神面前,重新編寫擺在我們面前的人生劇本.我們不再是孤身上路,孤芳自嘗,與天地的主宰無關,無份,無記念.不再是局外人,仍是與聖徒同國,是 神家裡的人了. 主耶穌為我們闖開一條又新又活路,能夠歸回安息,脫離律法的咒詛.
神讓我們回到伊甸園中的歡樂. 園中有各樣的果樹,有霧水的滋潤,有河流的環繞.神把人安置在其中 - 修理和看守,又叫萬物到他跟前.人的工作斐N是享受和持守神已經為他豫備的一切成果.
享受和持守神已經為我豫備的一切成果? 我做accountant, 除左人工會令我找到D自信同尊嚴之外(依然是under paid),我有乜成果?有人話係傳福音,做見證,十一奉獻,同關心同事等等屬神的工作. 神看這一切都是好的. 但係我做accountant有乜成果呢?你話我如果做環保/警察/醫生etc就易D講. 如果我連book一個數,即使明知唔對路都要照book,而當人只關心bottom line有幾多,即使financial statement係100% reliable同relevant都唔會為這個世界添上多一分歡樂的話,咁我的職業仲有乜野去享受同持守呢?
若說傳福音,做見證,關心人,我點解唔索性去做傳道牧師呢? (這一切都係邊際意義,唔係神給予一個職業的獨特意義.) 無論家人,同學同事,弟兄姊妹都認同這個方向嘛! 神你又點解唔係咁睇呢?
究竟在這個時侯決定放棄accounting,係出於逃避,還是出於神的介入(所謂的"封路")呢? 這是個比較心態層面的問題,某程度上可以不理,一個更大的問題係: 如果我連做一份有糧出有冷氣涼的工都找不到神的旨意同喜樂,我點可以話完全擺上呢?即使做左牧師傳道,我點去話比弟兄姊妹聽神擺你在這個職業之中,除左傳福音etc etc係有價值之外,其實係有計劃的.而且個計劃唔洗等到出年,大大後年,回頭望的時侯先見得到. 即使今日,係今天,神就要你經歷到.所以你死都要捉實佢,今日就去煲聖經.唔洗找特別日期比神,唔需要找最好的時間比神,只要你將今日所有你俾到出來的都比出來,每一個今日都係特別的,每一刻都係最好的祭.
因為神唔會因為我地埋怨同呼喊,就話我地唔敬畏佢,唔會責備我一日讀廿章聖經而唔明白,就話我地求知識而唔愛佢.如果我今日as a Christian Accountant 都唔能夠經歷到上述的應許,更惶論他日講什么拯救靈魂,改變生命 - 永生神的信息了. (為免誤為,上面提到傳福音絕無藐視和逃避本份之意,只是傳福音不能全盤解釋人工作的意義.)
創 1 管理全地 四月,又買了楊牧谷另一本書,<<壞鬼神學 - 創造論>>. 這本書也許可以回答到我們點能夠成為一個有用人的同時成為神忠心的管家,不單是家庭,教會,公司,乃是全地的管家. 當人真明白創造論對人生的啟迪,才能夠謙卑,不為各種成就和利益所轄制,去全心服侍同敬拜我們的神,那位創天造地,又按自己形像造我們的神.人之所以能活得喜樂同有意義,是根基於這位永恒的主. 救贖之所以能成就亦正因為神的權能遠超過世上任何人,任何事,甚至任何罪所帶給我們的破碎.人生就算走到最敗壞,最醜惡,最絕望的地步都唔能夠攔阻神大能的權柄同衪偉大的慈愛,只要我地肯回轉. 我們活著,不是為人,為成就,乃是為主而活,就是為那位不變的主而活.
楊牧谷的創造論非常強調人犯罪之後依然有神的形像(9:6). 這點卻跟傳統相信始祖墮落從此在罪/灰暗之中,有自由意志但卻不能控制自己不犯罪的神學觀念有很大矛盾,書中更稱它們作"壞鬼"神學. 但弟兄的觀點亦會構成一個頗嚴重的疑問: 如果人犯罪之後依然有神的形像,咁係咪冇"原罪"這回事呢?主耶穌釘身十架又係咪必要呢?人既然可以憑萬物去認識神,去找到安身立命的磐石,咁主耶穌在這個前提下擔任乜野角色呢? 由保羅到奧古斯丁,由奧古斯丁至今都爭論不休的問題,究竟創造論同救贖論中間的衝突可唔可以化解呢?(請看下面.)
飄流
為什么創世記要記錄神的創世同人犯罪的經過呢? 係比我地歷世歷代的人多個閒話家常的方便?是要證明神的存在嗎? 聖經似乎唔會咁無聊只係for 口痕友. 講證明神的存在?這同樣只是不信的人形而上學而不設實際的做法.創世記劈頭就"預設"了神是存在的. 咁創世記為乜寫下來呢? (這對於我地明白正確工作觀十分重要.)
底本論 根據底本論的假設: 創世記第一章(附加第二章頭三節)係主前十世紀大衛時代的作品,借神六日創造&安息表達聯合帝國的掌管和規模,屬於耶和華之卷(簡稱 - J卷). 第二章係主前八世紀北國耶羅波安II時代的作品,表達以法蓮系國家的繁華和富足,同時借此反駁大衛王朝才是正統的觀念,屬於以羅伊之卷(簡稱 - E卷). 第三章係主前六世紀被擄時代的作品,籍此宣告以色列人犯罪的後果,要離開應許地,受到咒詛同要等侯神救贖云云.屬於申命之卷(簡稱 - D卷) (此外還有專講祭祀禮儀的祭司卷,簡稱 - P卷,係所羅門王同南國初期的產品,用一神�,一祭壇去宣傳大衛王朝是正統的觀念.)
底本論的假設最大的問題係: 1. 不信 - 講到創世記不過係政治宣傳所投射出來的宗教產品. 2. 考古學從來發掘不到斬件/一分為四的摩西五經,而且不同學者有不同斬件法. 3. 它沒有計算到摩西五經在理念,內容和當時文化等等的連貫性.
如果我們依然相信創世記的作者係摩西的話(至少係總篇輯),除左相信之外,就要找出創世記對出埃及,在曠野飄流的以色列人有乜關係了. (值得一提是:有D人話作者係邊個唔重要,只要係神默示咪得云云.其實有D人就係用呢點去發表他們不信的"偉論".只要把寫作日期同事件發生日期越拉得遠,就越多空間去吹水同否定聖經的真實性.仲有一點,我地成日話聖經內容一致云云,其實大部份人都係人云亦云,究竟點一致法就根本答唔上了,因為我地根本唔熟聖經.)
神點解要向當時侯的以色列人啟示創造天地的來歷,又要重申始祖犯罪的經過呢? 這同樣是我地解答「人犯罪依然有神的形像為什么還只能靠主耶穌得救」的重要線索. 又有人話創世記係神籍摩西寫給出埃及時代以色列人的福音書.
創 1 尊貴的人生 出埃記一章十三十四節咁講:「埃及人嚴嚴地使以色列人做工,使他們因做苦工覺得命苦;無論是和泥,是做磚,是做田間各樣的工,在一切的工上都嚴嚴地待他們.」- 覺得命苦..... 「點解我地一出世就係奴隸?」 「點解起勢咁做冇時停.」 「人生點先算活得更精采?係咪手腳快D,做磚醒D,比人鞭少D就係我今日的mission statement呢?」
創世記第一章就係要比以色列人一個革命性的人生地圖,一條唯一的出路: 「起初神創造天地?這個世界唔係屬於法老么? 管理大地,生養眾多先係神比我地的使命?難道我地真的可以自由,真係神按自己形像做的?我地真的可以進入那個流奶與物之地?」 創世記第一章讓以色列人認識到: 1. 人係有天地創造者的形像和生氣,唔係天生做牛做馬; 2. 神要人管理大地,生養眾多,而地土的擁有權係神自己,生養則係恩典.
記唔記得申命記點講呀? 「耶和華你的 神,領你進他向你列祖亞伯拉罕,以撒,雅各起誓應許給你的地.那裡有城邑,又大又美,非你所建造的;有房屋,裝滿各樣美物,非你所裝滿的;有鑿成的水井,非你所鑿成的;還有葡萄園,橄欖園,非你所栽種的,你吃了而且飽足.那時,你要謹慎,免得你忘記將你從埃及地為奴之家領出來的耶和華.」(6:10-12) 回顧為奴的歲月,以色列人要肯定自己的價值; 瞻望末來的日子,他們卻要緊記神的主權和恩典. 工作也許令孩子有奴隸獸,被人逼迫之感,但係我是屬神,老細也不過是人.神會為我作主,衪會為我伸冤,叫我們承受豐富的人生. 來呀!我們要感謝神,在衪賜給我們的地上存活,求你幫助我不心高氣傲,淡忘主恩啦!
創 2 安息的人生 有人話第二章頭三節係應該歸入頭一章裡面,因為創造的高峰唔係造人,係安息. 其實放在第二章更能表達出安息,因為摩西唔係講神自己獨自安息,係要表達神期望與人同進安息. 第四節好奇怪:「創造天地的來歷.....」唔係講左么?又講? 今次有D怪,淨係講做田園,做江河流水,做走獸同埋造人的配偶.咁係創造?好似..... 我可以用乜野做比喻呢?點樣去理解呢? 好似一個人建造一間房屋,現在要裝修,買家私,飾物去佈置,好叫一家人有個溫暖適舒的家共聚天倫樂.
安息 - 聖經話神第七日就安息,係話神由第七日開始就同人一齊安息,唔係話只有第七日才安息. 安息日係記念神的作為,但人子才是安息的主,人有了神的兒子就有安息,沒有神的兒子就沒有安息,不是一日的安息,是存到永遠的安息.(約壹5:12-13)
安息係由第七日開始的.但有趣係:安息日係在曠野飄流時所設立的,係曠野,唔係在伊甸園. 在曠野點安息? 當摩西講述伊甸園的故事同宣佈守安息日的時侯,口痕友可能會話:「乾旱冇水,草木不生,係公獅,母獅,蝮蛇,火燄的飛龍之地,身邊有個惡到入骨,煩到入肉的黃面婆.....邊度有安息呀?完全冇伊甸園feel喎!整D咁唔合理的規條出來,有冇過份D呀!我唔識幻想,亦唔覺得productive同有助我屬靈成長喎!」
要解答口痕友的問題(出埃及記稱他們謂閒雜人),我地就要更specific睇下安息日係幾時設立. 同十誡一齊設立?唔係!早D. 係出埃及之後的第三十六日,嗎哪始降的第六日.(出16:22-30) 係以色列人生命得拯救,得自由,云柱火柱,過紅海,在曠野得到食物之後設立的. 有了上述諸般的前"恩",守安息日就唔係一個過份的要求了,即使在曠野.
用番之前造房屋的比喻,云柱,火柱,嗎哪,鵪鶉就是房屋的裝修,家私同飾物. 在荒涼之地保守整個民族生活的充足,比起在完美的世界裡滿足一對男女的喜樂難上百倍.神在曠野的恩典同豐富實在比在伊甸園的點滴有過之而無不及. 所以希伯來書命令我們要竭力進入安息,點竭力呀?就是深信神說話和作為的能力. 竭力即係話唔理自己甘心定係強逼,都要得到安息.
點解我得唔到安息呢?因為我老細?因為公司黑薄?定係我犯罪呢? 我知道我冇能力改變我老細苦毒的為人,愛爭吵,厭惡神等等的性格.(她對我已經"算"好,但她對人好定對人壞都會帶來傷害,佢自己當然唔會得到安息啦.) 咁!係咪我就有比曠野的口痕友更合理的理由去唔安息呢?
我要回想在這命令之前神有冇給我恩典: 我冇尋找工作,只係祈禱,但係工作找上我; 我冇工作經驗,只係勤力,但係卻學識公司上下各樣的運作; 我英文差,但係人際關係同同事合作卻冇問題; 神保守我,與我同在,這是我身邊每個人(包括我老細&父母)都觀察到的事實,點解我驚呢? 成日迎住老細明天會"食"左我,驚冇工in,驚in工唔知點同老細請假,驚轉去另一間公司會唔適應,轉工的心態正唔正確,會唔會又遇到另一個愛爭吵的婦人.......
神當日點同我立約的呢? 邊個有權柄敵擋我們呢?如果我站在神身邊. 世界上,除左神之外,邊個可以把我們壓下去呢? 「到底你要Resume寫到幾好,experience要幾多,英文要幾流利,個market要幾旺,先肯踏出一步呢?」 「安息,安息,安息. 無論係繼續上班,定係跳槽,今天要安息,打從第一日,神救你果日開始,就得安息. 唔好學以色列人咁憂食憂水又驚勝不過敵人,忘記左神的同在,結果埋屍荒野.」
創 3 女人的後裔 問題係:如果神同人在第七日起就己經得到安息,以色列人在曠野又守了安息日,為什么經上某處又說:「他們斷不可進入我的安息.」既然己經安息,何必再提安息日呢?一次安息就永遠安息啦! 希伯來書比我地的答案係: 「所聽見的道與他們無益,因為他們沒有信心與所聽見的道調和.」(來4:2) 創世記則從另一個角度給我們解釋 - 犯罪.
一般人讀創世記第三章會問:「點解神唔一開始就做個唔會犯罪的人?」 通常我地會答什么自由意志,神愛人唔想做個機械人云云. 其實這個問題應該用來問我地自己: 「點解神咁愛我地,為我地豫備咁多,我地都要犯罪呢?」 世上從來沒有一樣東西叫「罪」,罪係形容一個虧缺了善的狀態,正如世上沒有「冷」,冷係形容一個熱能虧缺的狀態.
另一個常有的問題係: 「點解神要做棵分辨善惡樹去"玩"亞當呢?」 或者我地可以用個比喻: 有一個人為仔女豫備左一大盤糖果,各式其色,那人卻吩咐他的兒女說:盤中各樣的糖果你可以吃,但有包防潮珠,千期唔好食,因為係吃的日子必定死.點知個仔見D珠好靚,真係食左落肚,之後真係肚痛,但又怕老豆責罰,唔敢比佢知,唯有躲在床下底........ 創世記第三章係咪咁呢? 這對於出埃及的以色列人有乜啟示呢?
創世記第三章冇錯係講始祖犯罪的經過和懲罰,也許這個故事當時的以色列人早早耳熟能詳了.同我地一樣,佢地會問神: 「點解亞當犯罪而令我們今日受苦?點解神咁唔公平,定"無"罪為有罪呢?」 「我地一生出來就做人地D奴僕,汗流滿面才得餬口,究竟人生有乜意義呢?」 「當日條蛇點樣叫人陷入死亡的轄制,今日法老王(佢就係蛇的化身,他冠冕就係條響尾蛇頭)同樣叫我們伏在死亡的權勢之下.神啊!你的能力在那裡呢?蛇,死亡同罪惡係咪比你更勵害呢?」
創世記第三章係要在這個人類悲劇裡宣告一個盼望 - 神的赦免和應許報仇之日.女人的後裔要傷佼D的後裔. 用番上面個比喻,口痕友可能會問:「點解神唔造包食左唔會死,唔會肚痛的防潮珠呢?」答案係: 1.佢有能力叫死人復活,死根本就唔係一個issue; 2.汗流滿面同死亡(懲罰s)反而叫父真正得著兒子(叫將錯就錯),得著一個聽話同仰望衪慈愛的人. 3.神在找到亞當同夏娃之後,都即刻同佢地"洗胃"啦! (冇即時處死佢地,反而用皮子遮蓋佢地,等佢地唔好凍親.仲比一個女人後裔要傷蛇後裔的應許佢地添.)
對於以色列人來講,創世記第三章係講盼望同救贖,這樣它與新約的羅馬書第五章講的係同一個信息,只係唔同時代和唔同對象,但都要強調罪重恩更濃這個重點.(請仔細思想,我唔係講緊原罪論,唔好咁快出model answer, please.) 對於以色列人來講,邊個係女人的後裔呀?邊個係蛇的後裔呀? 個答案唔會係耶穌同魔鬼,係摩西同法老王,雖然我地知道個終極答案係前者唔係後者,但係我地知0者,D以色列人唔知嘛!
人有了神就沒有絕望,永遠都有轉機. 或者.....這就是創造論同救贖論點解會冇衝突的原因. 創造論提醒我地神有能力同慈愛去救贖人;救贖論則宣示了能力和慈愛全屬創造者. 在事件的發生次序而言,是先有創造然後才有救贖;就啟示的時間而言,創造論同救贖論係同時誕生的. 昔日,以色列人需要一位創天造地的神去拯救他們脫離法老的手,作屬神的子民; 今日,我們同樣需要一位從死裡復活的主耶穌拯救我們脫離罪,作天父的兒女.
結語
發覺自己越來越長氣,四月newsletter加埋這篇附錄寫0左一萬三千字,本來只能夠寫到幾段而矣.但係... 原來著書多真係沒有窮盡的. 這篇創世記默想讓孩子有好多體會同反省.雖然這個分享最多只係默想創世記頭三章的其中一半信息,還有「另一半」是我沒有記錄下來的.若我們仰望主,衪總會賜給我們一切所需的.
創世記頭三章如果能讓出生為奴,曠野飄流的以色列人找到盼望和尊嚴,同樣可以激勵今日的我. 1. 不用因為別人的行為言語而自卑/自傲,我們的人生係尊貴的,我的工作係向神負責的; 2. 任何環境之下我們都可以安息,因為等侯神而有力量,因為數算主恩而有喜樂; 3. 神會為我們作主,佢係得勝的主,冇任何人,任何天使,任何罪可以勝過衪和依靠衪的人.
與此同時,我們亦應該警醒: 1. 我們好容易會因工作/功課而忙亂,會因金錢/成績而憂慮,也會因權力而瘋狂.以致我們再弄不清人生意義,因此埋怨,自覺命苦,同時基於自我保護而自高自大;像以色列人,不知足,又不斷試探神. 2. 人的不信令人得不到安息,下場就似以色列人 - 死於曠野; 3. 人總喜歡自眨,神的選民更酷愛踐踏自己. 夏娃以為自己唔夠智慧,唔夠完美,所以採鈉了阿蛇的"高"見,食左"防潮珠",佢冇想到神造佢係尊貴的,係完全的.她不是由無變有,不是由泥土造出來,而係從男人的肋骨出來的. 神的創造同拯救係完備的. 為什么我們經常假冒為善,故意謙卑同抹黑自己呢? 為什么我們永遠陶醉在罪疚感中?彷彿當我們承認神使我們完全,聖潔,蒙愛,能力和尊貴時就係驕傲,有問題同唔屬靈呢?我們故意把自己放在一個唔讀經,唔呼求,唔喜樂同唔制伏罪的光境之中,因為沒有了它們,人生就再沒有目標了,自由對於我們這班慣為奴隸的人實在太可怕了. 這是林肯解放黑奴之後,一般黑人的心態,也是為什么我們經常認為新天新地係冇0野好做的又悶到發燒的.
希伯來書話:「因為那進入安息的,乃是歇了自己的工,正如 神歇了他的工一樣.所以,我們務必竭力進入那安息,免得有人學那不信從的樣子跌倒了.」 它不是說安息日不能做工,乃是說凡進入安息的就了自己的工.也就是說一次進入安息suppose會永遠安息的.如果只有進到神面前的人才享安息,那么用一個以色列人熟識的講法就係祭司帶著祭牲的血入至聖所了.這是為何希伯來書用神的道比喻謂刀,萬物謂祭牲,耶穌謂大祭司. 當日,大祭司用刀把祭牲剖開,取其腰,肝&脂油放在壇上,將血帶進至聖所,而祭牲帶到營外焚燒. 今日,我們必需容許主耶穌把我們的心志擺上祭壇為活祭,我們的生命才能在神面前得安息,得憐恤,蒙恩惠,作隨時的幫助.我們也要效法衪的死. 「原來牲畜的血被大祭司帶入聖所作贖罪祭,牲畜的身子被燒在營外.所以耶穌要用自己的血叫百姓成聖,也就在城門外受苦.這樣,我們也當出到營外,就了他去,忍受他所受的凌辱.」(來13:11-13)
這樣,孩子為什么還要背負昨天的包袱和明天的憂慮呢?一天的難處一天當就夠了. 父神啊!你會與孩子同行嗎?我又願意跟從你嗎?
|