|
Billy Lau Ho-Him's
Home Page |
|
|
會計 x 生計 由計數做 ABC 到依家做會計師, 唔經唔覺, 出來做左四年野, 時間過得真快!!
最近聽人講話會計在香港幾好撈, 四年 experiences, 再加一個師, 趁住大陸道門岩岩打開. 返去先, 比留底似乎有更多發展空間. 我 Daddy咁樣講, 同事咁樣講, 新聞都係咁樣講, 但係無論邊個講: 留底定返香港, 我仍然都好想問:
「神阿! 點解我要做 Accountant呢?」
記得早在小學三年班, 我經常問: 「日日温書, 日日考試, 究竟讀書為左乜?」 一個困擾我十幾年的問題, 信主後, 大學第三年, 花了整個 summer 的時間, 讀左兩次聖經, 聽左一百餅講道帶, 終於找到了答案.
找到了答案之後, 先至揾到背著沉重書包的樂趣; 也無聲無息地影響同激勵左唔少人.
「神阿! 點解我要做 Accountant呢?」
如果神答到我「點解要讀書」, 應該答到我「點解做 Accountant」. 咁多年來, 無論在教會, 又或者在坊間, 我都找唔同一個令我滿意的答案: 「傳福音? 十一奉獻? 做好見證? 賺錢? 火燒(學)新野? 」 通常太 general 的答案都冇乜說服力, 就算真係答案, 我都唔覺得唔係真正的答案. 「我點解唔可以做律師? 精算師? 牧師? 又或者做老師, 教人ABC, 做乜一定要做會計師?」
電話咭 vs 手機 最近, 轉左用 AIC 的長途電話服務, 三仙一分鐘, 唔再用電話咭. 電話咭雖然平, 但原來係有 expiry date, 三個月就玩完. 如果人生好似一張過期的電話咭咁, 曾經有用過, 曾經接通過, 曾經同神, 同人, 同世界緊密聯繫過; 但到某一日, 亦終有一日過了有效期, 被人忘記, 被人丟棄, 被人拋入垃圾焚化爐裡面燒, 仲要人執手尾.
我唔想做一張過期電話咭, 但如果我真係過左期, 求神比我有 recycle的機會.
自從公司以前個 controller走左之後, 我覺得自己在公司的價值越來越低, 勢力越來越弱, 亦覺得自己無論係屬靈定屬世, 乜都好, 好多野都唔係好惦, 有必要改進. 令我有「快到期」的感覺和惶恐.
我唔想做一張過期電話咭, 我求神, 我希望我的生命好似一部手機咁, 隨時隨地, 同神, 同人, 同世界「緊密聯繫, 無分界限」.
雖然, 有時落左 subway, 落左某 D位, 係一定收唔到; 冇電就更加冇得講. 但我相信神, 相信神的「網絡」, 肯定比果D所謂「完美主義者」更强, 更準, 更清澈, 更無間, 即使我漫步於城市的邊緣, 飄遙於海岸的彼端, 又或者沉隱於漆黑陰霾的深處, 我仍然可以收到神的聆聲, 佢亦願意接收我的短訊留言.
我有冇 charge 夠電? 有冇行在神的「網絡」中? 有冇盡性享用本地, 全國, 周未, 晚間, 全日同神任講計劃? 有冇無論得時不得時......
有時我諗, 如果神果部手機有部內置相機, 佢會拍 D乜呢? 佢關心 D乜呢? 淨係不停咁拍教會四幅牆? 定還是 downtown 的 gay bar? 街邊個路宿者? 一個朋友的生日 party? 隔離好黑你憎的同學同事? 煩到你想死的阿媽? 一個冇乜人關心的長執?
將生活中, 教會內, 社會裡的每一個剪影拍下來, 從中尋找神的足跡是一件頂有趣的事.
鹽&光 以前得得意意, 好似一舊雲, 今日開始, 我要認認真真.
Recycle, 希望未來四年, 神能讓我的生命有更持續更強更多 的改變&成長, 更似佢. 主耶穌曾經講過: 「你地係世上的鹽, 鹽失了味, 怎能叫它再鹹呢? 唯有丟在外面比人踩. 你地係世上的光, 城造在山上, 是不能隱藏的.」 光, 要照在城上, 枱面上, 功能係空間性的, 鹽, 會有機會失了味, 功能係時間性. 唔講唔知, 當時用的唔係精製的白鹽, 而係岩鹽, 即係一舊沾滿鹽的石頭, 鹽點晒之後, 就會變成一塊普通過普通, 冇用過冇用的石頭. 所以, 基督徒要把握特定的時間和空間去見證神, 光代表真理; 鹽代表關係, 裡面有冇「料」, 同埋外面有冇「關係」好影響我地的見證.
電話咭比喻就好似係岩鹽比喻的現代「翻版」. 耶穌對佢班門徒講, 同樣係對我地每一個講: 「我實實在在的教精你地, 小心你會過期呀!!」
記得早在中學三年班, 我就知道, 係神要我讀 accounting, 當時我係插班生, 第一次測驗零蛋, 用了半年時間追到合格, 再用半年追到 A. 無論係屬靈定屬世, 我發覺好多人的 financial concept & management 都好有問題, Topic 或者太敏感, 冇乜人會講, 更加冇乜人去教.
我學 account, 學 finance, 所為何事呢? 除左個人理財, 在教會數下奉獻, 做下財務報表, 仲可以做乜呢? 市場經濟, 全球一體化, 以致整個地球村的前境對教會有乜影響呢? 又或者倒轉來諗教會對於經濟可唔可以, 亦會唔會有影響呢? 角色係乜呢? 中國入世, 歐盟抬頭, 中東局勢, 當中神的心意係乜呢? 對於教會來講, 係危, 定係機? 貼 D, 國內新移民來加重新去找工作讀書比比皆是, 佢地的「水抱」係邊個呢? 佢地的「光」和「鹽」係邊度呢?
再貼D, 經濟轉型, 大量工作 outsource 到第三世界國家. 再培訓, 增值, 都無助於我地對前途的迷惘與不安, 對自己的懷疑和忿忿不平, 你點去處理這個不安的心呢? 身邊萬千顆空虛的心靈叫嚷, 屬靈的 needs 有必要被 fulfill, 你 settle 唔到呢 D needs, 佢一樣可以在別處, 找到一定程度的安慰和支持, 耶穌係咪神, 你覺得緊要, 但佢唔會覺得重要, 邊個指到條路比佢, 佢又肯行, 邊個關心, 佢又肯受, 就係佢的「光」和「鹽」, 現實就係咁, 呢個就係屬靈爭戰.
屬靈 + 入世 屬靈爭戰唔係想像中咁「玄」, 幻想一下天使同魔鬼在天上互劈, 神將魔鬼綁住, 一腳踢佢出教會門口, not just that!! 也不是局限於教會四幅牆中間, 在股票市場, 在求職廣場, 在各大超級市場, 均是戰場. 它在你我身邊, 在你我生活當中, 爭分奪秒, 是實戰, 是巷戰, 閃電戰同肉搏戰, 你唔搶, 咪讓比人 lor!! 凡事應當謙讓, 但有些使命要當仁不讓.
神阿! 一個人的力量有幾多呢? 但如果可以用得著我的專業知識, 加上 bible knowledge, 在身邊的人當中起到一些拋磚引玉的作用, 一點化學連鎖反應, 讓人開始去思想, 開始去改變, 由單重個人化到關注社會文化, 都未嘗唔係一件合神心意的事奉. 但目前在知識和真理都半桶水的情况下, 真係要加倍用功.
以前得得意意, 好似一舊雲, 今日開始, 我要認認真真.
|