|
Billy Lau Ho-Him's Home Page |
|
Home |
2002/08/04 Sermon by Rev Yip Eph 1:3-10; 3:1-21
葉牧小檔案 「我大學時決志信主,其實唔係邊個帶我番church咁信. 話說有個弟兄上門同我講福音,留低0左張單張.佢走0左之後,我自己決志信0左耶穌. 我有番church,但係唔係教會喂大我的,而係大學裡面的導航會(Navigator). 到神學畢業之後,我自己諗,我究竟去機構度做,定係在地方教會服事呢? 機構的立場比較清晰,服事年輕人就年輕人,服事病人就病人,但係地方教會就好似乜人都要服事咁. 後來我肯定0左神的計劃是透過教會來彰顯的,於是就go for it啦!即使去的日本宣教,我同師母都好強調建立教會. 補充是: 新約聖經提到教會,多係指地方教會的.」
Question 1: 神在你生命中的服事,係地方教會,係機構,定係其他行業裡呢?當中有冇睇到異象,又睇唔睇到神在係過去的服事中有乜帶領呢? (例如:Billy以前在York U同CCF服事神,而家在一保險公司同地方教會服事佢,但同時間在私禱同金錢上support機構,當中神有乜帶領呢?)
Part 1 永恒的計劃 1. 隱藏的奧秘 (1:9; 3:1-6) Question 2: 乜0野係奧秘呢?以弗所書講的奧秘又指D乜呢? 1st of all, 奧秘唔係指神秘.奧秘只係一D封住,冇人知道的事實. 正如玩骰盅,係開大定開細定係圍骰呢?要等開盅先知道. 真理就係檯上開0左同未開的骰仔s同骰盅s,教會係個荷官,要公正地在世界面前開盅. 世人都係賭徒,買乜呢? 必勝之道,就係要鋪鋪買盡"基督".
只係呢埸賭局在以前的世代卻有個誤會:以為只有猶太人先會贏,先有權落注"基督". 點知保羅話:「好,買定離手,開呀!三位一體,圍骰,通救.」 「這奧秘就是外邦人在基督耶穌裡,藉著福音,得以同為後嗣,同為一體,同蒙應許.」3:6
一章第九節則係話比我地聽,這個奧秘已經(保羅用past tense)顯明了,已經得著了.(即係救恩)
2. 神的計劃 (1:10) 「要照所安排的,在日期滿足的時候,使天上地上一切所有的,都在基督裡面同歸於一.」呢句就future tense喎! Question 3 點謂之"同歸於一"呢?乜野叫"日期滿足"同"在基督裡"呢?我地依家又點呢?
首先讓我們了解三個已成的事實: 1st 基督係一切的元首; (1: 21-22, 超過一切又係教會的元首) 2nd 在基督裡才能合而為一; (2:14-16, 佢用十字架令兩下,以民&外邦合而為一,能以和睦) 3rd 萬物的更新在乎基督; (羅8:20-21, 萬物都等侯主的再來同復興, 佢同時係死而復活坐在神右邊的主 1:20)
3. 成就的方法 (1:3-9) 以弗所書第一章都係講神的計劃.神的計劃透過乜0野去成就呢? 我0地真的要非常留意個時式,係past tense, present tense定係future tense. 只有第十節係future tense,其他全部都已經成就了. 咁有乜咁特別同重要呢?
我0地先來講下以弗所書第一章的結構先: vs 3 頌讚的宣告 why? vs 4-10 coz 父神的計劃 (從創世以先到日期滿足的那天) vs 11-14 coz 聖靈的保証 (未到期之前派比我0地的"期票") vs 15-22 頌讚的生命 (今日我地因發掘那已成計劃之寶貴而感恩)
講到神的計劃,關鍵全在於「在基督裡」(由一至十二節,在"乜乜"裡出現0左七次) a) 我0地係「在基督裡」忠心的人 (vs 1) b) 我0地係「在基督裡」被揀選,已經成為聖潔的 (vs 4) c) 我0地係「在基督裡」得兒子的名份 (vs 5) d) 我0地係「在基督裡」有榮耀恩典的:救贖/赦罪 (vs 6-7) e) 我0地會「在基督裡」同歸於一 (vs 10) f) 我0地係「在基督裡」得了基業 (vs 11) g) 我0地要「在基督裡」叫神的榮耀得著稱讚 (vs 12) 過去式正係點解我0地要頌讚的原因. 人在神這個計劃中的參與差不多係零,因為神的計劃全部都「在基督裡」完成,唔會因為任何人,包括彼得,保羅又或者阿邊個而改變,得救係本乎恩x信,唔係自己or行為.完全係神自編自導自演的個人表演.強調係神的主權,佢係獨行奇事的神. 派彩的唔係任何一個賭仔,或者荷官,係個莊嘛!
Praise 1: 試0下base on 弗1:1-10讚頌神0Y!
但我地唔可以因此眨低人/教會在神的計劃中的地位&角色. 就參與而言 - 係零; 就地位而言,我0地係神願意與我0地同歸於一(1:10),願意充滿我0地(1:22),願意為我0地犧牲自己的(1:7).如果我0地在這方面Self Denial,就係唔明白愛了. 我可以用個乜0野比喻呢? 好似張學友為歌迷開免費個唱,只有在「學友歌迷會」裡的有份參加. 個唱的主角同焦點當然係張學友,唔會係任何一個歌迷. 歌迷只係做啦啦隊,喊安歌,握手,送花等等. 但係歌迷在個唱中始終有一個非常重要的地位喎!呢個地位唔係base on workload,係關係,係 在「學友歌迷會」裡的關係. 神的計劃同人同教會就係咁.
Billy's Argument: 值得注意係以弗所書上半部(Chp 1-3)同下半部(Chp 4-6)產生一個很強烈的對比同矛盾了.前者我0地似乎乜都冇得做,後者我0地卻乜都要做. 點解呢? (參2: 8-10)
Part 2 教會的角色 1. 傳揚 (3:7-9) 即係做荷官,幫手揭盅. 第九節話使眾人都明白,這歷代以來隱藏在創造萬物之 神裡的奧秘,是如何安排的. 0華!唔野少喎! 我地知道個奧秘係指外邦人可以藉主耶穌得救了.但係乜野叫「歷代以來隱藏在創造萬物之 神裡的奧秘,是如何安排的」呢? 原來知道這奧秘係乜仲未夠,要知道佢係點安排的,仲要使眾人都明白先至算得上係稱職的教會.
Question 5: 今日我地傳福音通常講"四律",但係對於個奧秘係點安排似乎連自己都唔清唔楚.究竟係點安排呢? (參第二章,如果唔夠,盡快讀多以弗所書之前的書卷s一次以上啦!) 重要係當我地知道左成個process之後,我地就能夠: a. 頌讚歸與神 (1:3) b. 放膽無懼到神前 (3:12) c. 一同明白神愛 (3:18)
2. 見證 (3:10-13) 「為要藉著教會使天上執政的,掌權的,現在得知 神百般的智慧.」(3:10) 0華!又係唔野少. 問心: 我0地從來冇諗得咁偉大喎!天上執政喎!掌權的喎!得知喎!乜話?藉著教會喎! 我0地同親朋,身邊的同學同事鄰居傳0下福音,做0下見證,最多關心下社會都好好啦!你咁偉大?唔係同我講?唔係同我呢間地方教會講嘛!
Praise 2: 求神提醒&鼓勵我0地0Y,在每一日每一次有/冇機會見證的時間,堅定呢個命令.
保羅似乎知道呢個挑戰對以弗所(有說係老底嘉)信徒來講太大.佢話: 「我們因信耶穌,就在他裡面放膽無懼,篤信不疑地來到 神面前.所以,我求你們不要因我為你們所受的患難喪膽,這原是你們的榮耀.」(3:12-13) 係來到 神面前呀!係榮耀呀!
Question 6: 點解係「你們的榮耀」呀?保羅果時為福音坐監,係神的榮耀make sense,保羅的榮耀都make sense,關以弗所信徒乜事呀?點解係佢地的榮耀呢? 提示:諗番個奧祕係乜(3:6),第一章講D乜,同埋保羅係點解坐監(徒28:16-20) 咁今日呢?我點去接受這個挑戰(命令)呢? |