|
Billy Lau Ho-Him's
Home Page |
|
|
腓 1:1-11
vs 1 - 2 起手式 From: 耶穌基督's 僕人 保羅 & 提摩太 To: 耶穌裏 眾聖徒 & 諸位監督 & 諸位執事 凡住腓立比
僕人 vs 聖徒/監督/執事, 好似都幾大對比咁. Q: 點解保羅要用咁既開場白? 客氣? 自謙? 同第二間教會 (eg 羅馬書中既教會)可能. 但同腓立比, 咁 close, 似乎有 D見外, 睇下佢係加拉太書既開場白幾權威就知. 會唔會係想借開場白去表達一個信息呢? 如果係, 又係一個乜野信息呢?
冇錯, 我地在耶穌裏係聖徒, 有 D甚至係監督/執事, 不過同時間亦係耶穌基督's僕人. 監督/執事係話事, 係權威; 僕人係聽話, 冇地位, 任勞任怨既. 原來我地都有雙重身份, 不過好多時我地都好容易顧此失彼. 看高一線, 就睇唔起人; 睇低一點, 就睇唔起自己.
呢個解釋同成本書內容 eg. 同心合意, 看別人比自己強, 主's順服, 看重如革利免之人(盡心, 成事不足) etc etc.
vs 3-5 想念你 每逢想念 -> 感謝神 -> 每逢祈求 -> (常是)歡歡喜喜咁祈求. why? 「從頭一天到如今(時間上持守)同心合意(群體上持守)興旺福音.」 Q: 真係咁簡單? 如果有人傳福音, 開心, 感恩, ok!! 但會唔會「每逢」? 會唔會「想念」(成日咁)? 又會唔會咁興奮? 唔會. 值得注意係: 我地根本/絕少咁樣「感謝神」同因為咁「歡歡喜喜」.
有人信主, 感謝神! 教會收支平衡, 感謝神! All task oriented, all result driven. 有人十年如一日, 風雨不改咁返 church, 事奉, so what? 多 D人就話好. 有人同心合意咁 set up/prepare program, so what? 求神保守performance, 好好睇睇. 有人興旺福音, 不停咁傳, so what? 冇人信主乜都係假. 經常為呢 D事感恩, 仲要經常因此四萬咁口, are you kidding?! 但呢個就係保羅.
再問番頭先個問題: 點解保羅咁激動, 咁真情流露? 要「每逢」, 要「感謝」, 「祈求」, 「歡歡喜喜」. (唔係岩岩解釋左? No!! 仲未夠深入.)
睇下羅馬書 - 「信德傳遍天下」(1:8), 都冇用咁誇既形容詞去表達心情. 所以一定有 D情意結係背後, 以呢份情意結背後又會唔會埋藏左一個語重心長既勸勉呢? 如果係, 咁情意結係乜? 勸勉又係乜呢?
教會有咁多人, 識都識唔晒, 建立深厚既關係唔容易. 頭腦知識上, 教會弟兄姊妹係<<好人>>, 係有愛心, 同「出面」唔同, 應該 close D...... 但問心果句, 又或者....現實生活中, 係咪眞? 「弟兄姊妹」關係往往比不如朋友, 更惶論係<<親朋密友>>. 其實好難怪, 關心範圍限於小組, 關心動機有時仲要係為關心而關心, 因為你係我組員嘛, 冇計!! 教會裡面, 真正交心既朋友其實唔多, 有一個好, 有兩三個巳經係 bonus. 試問有邊個會因為你興旺福音, 好勁好愛主云云以致成日諗起你, 仲一諗起你就開心? 除非關係好深, 如果唔係對方見到你同佢講「每逢想念就感謝, 每逢祈求就歡歡喜喜...」仲嚇親添.
腓立比教會係保羅/提摩太等親手建立, 係保羅被聖靈禁止在亞州傳道, 見到馬其頓呼聲, 在歐州登陸第一個建立既教會. 係果度保羅曾比人捉去坐監, 打一身, 地震, 傳福音比獄卒......(好特別) 另外, 腓立比教會好樂捐, 又不斷支持同供養保羅. 唔似哥林多教會, 保羅一走就睇少佢, 覺得冇唔係使徒; 亦唔似加拉太教會, 保羅一走就偏離福音. 依家保羅坐監, 腓立比教會亦專程派人(革利免)照顧佢. 個關係唔較單, 而且係相對嫁.
令我聯想到 fellow up, 又或者依家新鮮出爐既 G12.3門訓. 係上有政策所以下有對策, 定還是真係一日跟進/門訓, 終身跟進/門訓? (當然, 冇得逼, 係相對嫁.) 跟進/門訓既目的同動機係乜? 會唔會久而久之變左流水作業? 係保羅同腓立比教會呢段一年十年廿年既關係當中, 我地學到 D乜呢?
|