箴言 4:1-9
死與生 (四月三)
箴言第四章可分作三小段, 共廿七節, 呢度只講頭一段, 亦即頭九節.
一篇好有層次既經文, 講既係一個爹地對個仔既勸勉, 試下你讀一節經文, 再讀以下一點, 一節一點咁讀完 9節.
 |
vs 1 首先要聽, 跟住 deep D, 要留心(或作認真)作聰明人(明白事理之人). Q: 點解咁重要呀? |
|
vs 2 因為係好(或作美好既心得.), 所以留心都未夠, 要不可離棄. Q: 點證明 D心得係好野呀? |
|
vs 3 因為爹地既話係佢從佢爹地/媽咪果度聽番來. a)唔係自己老作 b)代代相傳, proved過 c)係爹地自己從少聽同留心既. 最怕人講一套做一套, 我地教人又係咪咁? Q: 爺爺輕輕告之D乜? |
|
vs 4 心裡存記, 唔夠, 要遵守, not just like vs 2 好咁簡單, 係生/死問題, 係存活既方法. Q: 咁嚴重? 咁點先可以存記同遵守得住呀? |
|
vs 5 智慧, 聰明(明白事理), 要得到佢, 好似追女仔咁, 要得到佢. 不可忘記 + 不可偏離 what? 爺爺既教訓. Q: why? 智慧同聰明, 跟爺爺既教訓有乜關係呀? |
|
vs 6 因為不偏離爺爺既教訓, 智慧就會護却你. 不單止律法式既「不可」, 要愛佢, 好似愛人咁愛佢, 佢就保守你. 答番頭先第四節既問題, 點解教訓可以令一個人存活: 聽+守教訓 -> 智慧 -> 保守. Q: 咁要得到智慧, 第一步又應該點呢? |
|
vs 7 智慧為首(入門), 當代聖經將「所以要得智慧」譯作「要有得智慧既決心」. Q: 點為止決心? 一個不惜一切代價都要追求到手既決心. Q: 點解要咁大犧牲呀? |
|
vs 8 因為 [高舉(珍惜) + 懷抱(愛戀)] x 智慧 -> 你 x (高升 + 尊榮) Q: 如果咁著數, 咁仲算唔算犧牲呢? |
|
思想: 我地 spend十幾年時間去 study為既係要充實自己, 盼望能找到一份理想既工作. 一生人冇幾多個十年, 學業用左廿年, 我地覺得咁係值得, 但係每日 spend 10-20分鐘比神, 難道唔值得? 難道真係一種犧牲? |
|
vs 9 智慧會加你華冠榮冕. Q: so what? 你可能話, 你唔要乜野賞賜. 等一等!! 呢度唔係講緊「賞賜」, 承接整段經文既脈絡, 呢度唔係講緊「賞賜」, 追求智慧係生/死問題, 係存活既方法 (見 vs 4), 唔係 ask for 賞賜, 你唔追求, 你就會死. 何以見得呢? |
|
華冠榮冕係屬於邊個? 向來只是君王擁有, 一個君王冇左華冠榮冕會係點? 「勝者為王」, 敗者呢? 只有死路一條, 自己要死, 整個家族要死, 整個國家都要滅亡. 華冠榮冕對一個君王, 一個國家既安危唔係可有可無. |
|
追求智慧係生/死問題, 係存活既方法, 唔係喜好既問題, 呢個係呢段箴言既重點. |
|
Q: 講左咁耐, 整段經文, 甚至整章經文都好似冇講到智慧係乜? 咁究竟乜野係智慧呢? 爹地既教訓要遵守, 咁教訓本身又係乜呢? |
|
講夠, 呢個問題, 既然作者冇係呢度唔講, 我亦唔答, 喜歡既, 細心思想下. |