耶 20: 1-18
「我若說, 我不再題耶和華, 也不再奉他的名講論, 我便心裏覺得似乎有燒凓的火, 閉塞在我骨中, 我就含忍不住, 不能自禁.」(vs 9)
照字面大概是叫人努力傳福音, 心裡火熱, 堅持到底, 繼續傳揚罷! 不過, 究竟係咪咁解呢?
時間, 地點, 人物
根據19章14節& 1-2節, 當時耶利米應是在聖殿中宣講. 在聖殿中宣講, 對象自然係神既子民, 甚至主要係祭司同利未人. (當時聖殿不容許有外邦人, 神職人員亦有好幾千.) 係傳福音不如話係講道罷!
祭司巴施戶珥, 聖殿總管(可能係護衛長)因為耶利米係聖殿講道就捉住鎖住佢, 第二日先放番佢. 究竟耶利米講道內容係乜呢? 攪到比人拉.
19:15 耶利米話神會因為百姓死都唔聽話而為聖殿, 耶城, 猶大全地帶來災禍&毀滅.
耶利米唔係傳福音, 唔係講平安喜樂, 唔係講十架大愛.
係一篇又一篇叫聖殿, 聖城, 聖民都擔當唔起既講道.
思想:
 |
今日, 乜野言論係叫教會/弟兄姊妹擔當唔起呢? 聽到呢D言論又應該點回應/處理呢? |
語不驚人不罷休 vs 1-6
身為總管既巴施戶珥點做? 捉住佢, 鎖住佢, 又放番佢.
神係愛, 係福音的源頭, 係平安喜樂, 試問佢點會唔理佢既子民?
一擒一縱正要表明神既愛, 被擄/戰爭係短暫, 平安/得勝係快將亦必會實現.
當時巴比倫軍兵臨城下, 需要既係欣賞, 鼓勵同安慰, 唔係冷水照頭淋.
呢個唔係教會一直提昌? Ok喎! (唔好一開始就忠奸分明, 非黑即白, 否則聖經有好多經文都讀唔通.
思想:
|
這令我想起 911之後, God bless America的信息, 只要祝福不要咒詛, what’s wrong? |
|
911, God bless America既日子裡面, 唔難找到巴斯户珥既安慰, 但耶利米既責備又係邊? 我又會唔會受呢? |
對於巴施戶珥的恩慈, 耶利米似乎以怨報德. 他預言巴施戶珥:
|
受四面驚嚇 v3 |
|
見到友伴死清, 聖民被擄 v4 |
|
聖城被洗劫一空 v5 |
|
「嚇」死異鄉 v6 (長時間被擄) |
當時以民以為, 只要攪好敬拜/燒香/事奉等事宜, 聖殿好, 國家好, 國家好, 聖殿更好, 一切都會風調雨順, 因此, 一切中傷聖殿既言論都係大逆不道, 反而冇人care你出面姦淫擄掠, 只要你每個安息日識扮乖乖就成了.
思想:
|
耶利米話滅亡係因為人既罪. 門庭破落既教會, 神國覆滅, 都係因為基督徒, 都係因為我?? 冇可能. 教會裡面講錯一句, 解錯一句就係不可原諒的死罪, 教會出面你做乜冇人理, 冇權理, 更加唔敢理, 呢D就係維護真理? 「只講平時的温馨, 不准隨時熱烈火拚」一味話:「平安了, 平安了」其實冇平安. 呢D又係唔係教會的現况呢? |
|
係教會裡面, 又或者係我心裡面, 又容唔容納到一個傳「禍音」既耶利米(舊約), 一個常責備法利賽人既耶穌(新約)? |
|
我有乜野過犯? 有乜野隱而未現既罪? 係<<執迷不悔>>, 悔而不改, 定係<<死性不改>>? 係大禍臨頭之前, 我要及時行正作善. |
呢個又捉又放既經歷, 令耶利米向神發脾氣, 發左三個嚕囌:
1) 被出賣感 v7-11
2) 求神申冤 v12-13
3) 自嘲自咒 v14-18
出賣 vs 7-11
|
被神出賣, 話明幫拖結果冇, 仲比人笑 v7 |
|
係因為神勢力大, 「係你逼我咁做嫁!」 v7 |
|
次次講道都冇果效, 冇一個信徒明白同改變, 受羞辱耻笑 v8 |
|
講又死, 唔講又死, 有<<焚心似火>>之感 v9 |
|
毀謗, 恐嚇, 連朋友都想佢死, 裝個局去害佢報仇 (報仇? For what) v11 |
向未信未聞未得之民傳福音難, 但有人敢做.
向已信已聞已得之民傳講「爾旨爾名」既係耶利米, 好慘, 注定失敗.
明知會失敗, 明知無緩助照應, 乜野令耶利米繼續? 令佢<<情難自制>>?
經文冇交待, 不過「愛之深, 責之切」, <<大概是愛>>聖殿, 聖城, 聖民果份情意結罷!!
思想:
|
一個未必到題既聯想, 我親朋老幼身邊有冇一個半個肯對我敢真敢講既耶利米? 我對佢既態度同回應係巴施戶珥式太極拳? 定係「二五」式炮轟加爆陰毒大報服? |
|
一直以來係我心入面既聖靈(or 主耶穌)係個哣我開心既小丑? 有求必應既亞拉丁神燈? 太有性格, 架子, 會責備人既耶穌大概討人喜歡, 但果個先係主耶穌. 我願唔願意咁既耶穌與我同在, 直到世界的未了? |
申冤 v11 -13
耶利米跟住咒詛攻擊佢既人, 向神吐苦水:
|
神會與佢同在, 逼迫佢既會跌倒, 蒙羞, 而且係永遠比人記住既羞辱 v11. |
|
求有生之年見到仇人糟糕 v12 (有趣係: 耶利米用「試驗義人, 察看人肺腑心腸」去形容神) |
|
讚美神係救窮人離惡人的神 v13 (咁點解唔救耶利米?) |
思想:
|
壞鬼神學教, 當你嬲到一肚氣時, 就死忍, 咁就係愛主. 我地係扮乖死撑, 連對神我都唔肯坦白, 為主受苦& burn out么? 承認自己既軟弱, 憎恨同不忿, 敢於同神討價還價, 據理力爭亦不失為一份勇敢. |
|
勇於承認感受, 樂於確定真理 |
咒咀 v14-18
作為一個國破家亡前夕潑冷水, 勸人悔改, 泛眾憎既先知, 承受各方壓力, 真係死左好過.
一連串咒詛令人聯想到約伯記第三章.
思想:
|
今日遇到既挫拆, 十居其九都唔係為左神而招來, 亦唔係魔鬼攪, 多數係自作自受, 但己經令我地叫苦連天. 點先可以令自己剛強D? |
|
如果跟從神結局係失敗, 係冇著數, 冇支持, 冇果效….乜野令我繼續堅持到厎? 對神對人既愛點先可以歷久常新? |