|
Billy Lau Ho-Him's
Home Page |
|
|
繼<<聯想>>一首以讀經為主題既詩歌之後, 好自然地有感動寫一首以祈禱為主題既詩歌. (Billy 生命其中一個特色就係 balance以及互動, 無論分享, 詩歌, 時間/金錢分配, 甚至神學觀念都係喜歡一對對, 打孖上.)
祈禱一向比人既理解, 若不是不停擁長地認罪清算自已; 就是一味擦鞋, 堆砌字句扮乖乖. 又或者將祈禱當成一定靈驗既咒語, 可以命令神做野, 又可以解決/逃避問題既好方法. 其實, 祈禱係同神傾計, 講出心中所想所求所感, 以及聆聽明白神既方法. 我經常上網, 上載下載, 玩 msn.... 在虛擬世界裡面, 我地可以跟朋友傾談, 原理其實和祈禱差不多, 分別係係神面前冇得扮野, 要真心 lor. 一般人以為神既回應只有三個: 係, 唔係, 等. 我唔嘗試否定呢個答法, 我只係想問: 通常你係乜野場合聽到人答呢類答案? 係律師質問証人/被告, 又或者阿蛇審犯. 同家人, 同朋友, 同同事同學傾計都唔會咁怪. 呢三個答案, 冇錯, 但這只係關係建立既開始 lor.
係聖經裡面有關祈禱既神學, 禱告既人, 聽禱告既神, 以及一些出名既禱文多的是. 這首詩歌實在無法覆蓋所有內容, 只能勉强比弟兄姊妹認識到一幅大圖畫而矣.
祈妙旅程 作曲: Sandra Wu 填詞: Billy Lau
後記 呢首詩歌另有一情歌版<<愛的諾言>>. 我一直以為寫情歌係難過寫詩歌, 點知原來寫詩歌, 要有 meaning而又唔「梁」, 係難好多嫁. 首情歌用左四日攪惦, 再寫首詩歌居然要再用七日. 有左 comparison之後, 一來唔想 D詞跟首情歌太似, 二來又希望襯番首情歌, 寫得 sweet D, 增加左不少難度.
我嘗試不斷用唔同既寫作手法寫每首歌: <<聯想>>用對比: [人既生活裡 => 尋程 歷險 風波 驚濤 駭浪] x [神既話語裡 => 力量 所愛 救恩 寶貝 居所]; <<同夢同心>>用對聯: 紅黄綠 千百萬 年月日 黑白灰 道量衡 你我他去細察人生百態; <<風靈頌>>用符號: 問號, 句號, 等號, 開引號, 感嘆號去表達人對聖靈既種種感受; <<祈妙旅程>>用諧音, 一曲兩詞, 一詞兩解: 恩想(欣賞), 祈妙(奇妙), 未知素(味の素), (狂用別字既另一個原因係要表達求石頭會有麵包, 求蠍子會有魚, 有時我地不知所云, 但神卻深知我們所需......), 加上網絡名詞: 連線, 溜覽, 下載去更深入講出信仰同生活, 神同我地果份既虛擬又實實在在既親密關係. 相比之下, <<愛的諾言>>比較簡單直接, 純綷係一首為告白而告白既告白情歌.
我越來越肯定自己寫詩歌既方向. 唔知點解, 我永遠都寫唔出時下果一類敬拜歌.... 為迎合大家口味, 寫一兩首等大家開心下, 我覺得神會憐憫我, 比智慧我. 但呢個唔係神要我走既方向 lor. 令人認識神, 認識聖經是我填詞的目的與召命, 如果可以, 永遠都係 lor.
|