|
Billy Lau Ho-Him's
Home Page |
|
|
煩「腦」- 2004/04/02
惱 三月廿六日, 星期六, 黃昏, 我發現個豬腦又死左! (我依家總共有三部豬腦: 兩部 desktops, 一部 pocket PC, 呢次死果部係最舊果部 desktop.)
於是, 我又要考慮買電腦的問題: 究竟買 desktop好還是買 laptop好呢? Budget set 幾多好呢? 還是一部 desktop就夠呢? 又上網做左好多 search的工作, 去 Future Shop? Bestbuy? Staples? Dell? 還是 Pacific Mall?
為左呢個問題, 祈左足足七日七夜, 得出左一個結果: 買 desktop 大約要 $400 - $500, 勝在平, 買 laptop 大約要 $900 - $1100, 勝在方便同有 LCD monitor, 今年我的財政狀況唔錯, 所以, 錢唔係問題, 買邊部都得.
煩 四月一日, 星期六, 黃昏, 我開始思想到一個令我奇怪的問題:
可能我係一個鐘意「無事化小, 小事化大」的人, 將D生活鎖事小題大做是我的專長. 我諗: 如果錢唔係問題, 或者, 可能係一個更嚴重的問題. 但究竟個問題係乜呢? 點解我遲遲唔買呢? 點解錢唔係問題就會係更大的問題呢? (即係點呀?)
腦 為左呢個問題, 祈左七日七夜, 得出左一個答案: 第一, 點解遲遲唔買呢? 神提醒我, 部電腦係可以整得番, 神冇否定我的需要, 亦冇否定我有足夠金錢買部新機, 卻提供了一個更好的方法, 我跑去電腦舖, 用$30幫個豬腦買番隻牛, 就整番好. 佢令我更加珍惜所擁有的, 而不是隨隨便便就貪新棄舊.
第二, 點解錢唔係問題會係更大的問題呢? 為此, 我想起箴言的一句話, 以及李思敬弟兄的一篇講道:
我地平時讀經讀得太「神聖」, 聖經話乜, 我地就話乜, 唔肯亦唔敢用腦去諗, 用口去駁, 結果我地用口高舉聖經, 但卻從來冇將神的話語藏在心裡. 「君王喝酒」 係咪真係不相宜呢? 睇清楚, 係喝酒, 唔係醉酒喎!
如果<<基本法>>廿三條話, 一切司級官員, CEO, President, 律司, 教師, 社工, 記者, 一律喝酒不相宜, 而理由係恐怕喝了就忘記律例, 顛倒一切困苦人的是非云云, 或者, 你同我又會走上街, 為「民主」再一次五十萬人大遊行了.
如果小布殊訪港, 用乜野飲品招呼先夠體面呢? 當然係最靚的白蘭地, VO唔夠, 整支 XO, 就算唔飲, 擺係度都唔會比人笑寒酸嘛! 若說「君王喝酒不相宜」, 唔通飲屈臣氏蒸餾水? 定係飲利賓納至夠純情呀? 君王配美酒, 唔咁話係天經地義的事, 但肯定係身份相稱的組合, 何罪之有呢?
飯-ance 我有錢, 我食起, 我著得起, 我買得起, 有乜問題呀? 點解要考慮咁耐呀? 點解事無大小都求問神呀? 即使唔需要用物質去代表身份, 起碼都唔好令自己太寒酸嘛! 傳道書唔係話: 「我知道世人, 莫強如終身喜樂行善; 並且人人喫喝, 在他一切勞碌中享福, 這也是神的恩賜...... 少年人哪, 你在幼年時當快樂. 在幼年的日子, 使你的心歡暢, 行你心所願行的, 看你眼所愛看的....」(3:12-13, 11:9) 買 laptop 有乜問題呀? 就算係買車, 買樓, 有錢, 有乜問題呀?
箴言提醒得好: 「恐怕喝了就忘記律例, 顛倒一切困苦人的是非. 」 對於孩子來講, 乜野係酒呢? 買左部 laptop, 方便左, 又會唔會令我玩物喪志呢? 買部車, 距離縮短左, 又會唔會令我更加冇時間安靜在神面前呢? 究竟我衡量「相宜」的標準是單單身份相稱? 還是生命的各方面, 能在短暫, 或者永恒中昇華呢? 呢個係上半節「恐怕喝了就忘記律例」的體會.
下半節講, 一個人的生活, 對於身邊的「困苦人」 也有一定的影響, 我會唔會為了身份相稱而忽略了身邊的「困苦人」 呢? 又會唔會因為沉醉於自己的小天地, 而錯解左佢地困苦的心腸呢? 一句「唔屬靈」, 「唔長進」唔難講出口, 之但係背後的原因係乜呢? 身為組長, 主日學老師, 又或者主任, 投資顧問, 我係偏行己路, 還是聽聞申訴呢? 呢 D都值得我再三反省.
反正部電腦己經整番好, 買 laptop, 買車, 買樓的決定, 還是有限期地押後, 火心盛, 還是挫一挫佢比較好. 有時侯, 當錢唔再係問題果陣, 或者會係一個更大的問題. 我害怕「畢加索」式的用錢方式, 隨著資財的與日俱增, 對神果份「點解不相宜」的質問可能會越來越激烈, 點先可以在苦行僧同暴發户之間取得平衡呢? 哈哈! 又係另一個值得思想的問題.
|