|
Billy Lau Ho-Him's
Home Page |
|
|
Memo 3/27/05 - 唔係好橙
今日「萬民堂」開堂禮, 所以, 完左崇拜之後, 有豐富的茶點. 個個人都食到飽晒, 於是, 冇人出去食 lunch. 仲諗住興致勃勃咁一齊去任食添, anyway. 好彩...應該話, 婷婷, Charlotte 同阿樂好心, 肯陪我去食 food court. 原來佢地真係飽晒, 淨係坐係度陪我, 都有 D唔好意思.
完左教會, 點知點,解 通常都特別眼訓, 行左一陣街就返屋企訓, 四點開始, 一直訓到六點先識醒. 醒左之後, 讀左兩章聖經, 發覺有 D 餓, 唔知點解, 今日好想食煎雞翼, 趁豐華未收, 馬上走過去買先.
除左雞翼之外, 買左五個橙食. 聽醫生話, 食飯前食蔬果會更吸收, 如果食飯後果, 生果會在等待消化的過程中變酸, 影響它的營養價值. 所以, 我一返到屋企就食橙.
當年耶穌登山變像, 門徒見到摩西同以利亞同耶穌咬耳仔, 之後好見, 乜都睇唔到, 開番眼既時侯, 聖經話門徒「不見一人, 只見耶穌」. 今日, Billy返到屋企, 一切開個橙, 意想不到的事情就發生了. 估唔到, 一個好眉好貌, 又大又錐手既橙, 裡面居然一滴橙汁都冇,「不見橙汁, 只有橙肉.」 橙肉乾到一個地步, 己經呈現龜裂的現象. 令我開始體會到昔日門徒對橙肉, 唔係, 對耶穌登山變像果份驚奇.
當時, 我弱小的心靈, 嚇得目瞪口呆. 世界上居然有一個冇橙汁的橙買. 我曾經買過爛橙, 買過生蟲橙, 買過買淨既籮底橙, 如果有老婆買個橙番來就叫「妻妻橙橙」. 但係, 冇橙汁既橙又叫乜呢? 人死左之後叫「屍」, 「屍」有分腐屍, 喪屍, 同殭屍, 冇血既死屍叫殭屍. 橙冇左汁就只有「纖」, 纖維個「纖」, 所以, 一個冇橙汁既橙可以稱之謂「殭纖」, 今次, 真係<<我和殭纖有個約會 I >>.
「殭纖」雖然有極高既營養, 有豐富既纖維, 但真係好難食. 我唯有人手加工, 係雪櫃欏樽橙汁, 一口殭纖, 一口橙汁, 係個口裡面撈埋黎食, 將「殭纖」變番做「甜橙 」. 呢個咁特別既橙令我聯想到大陸果 D雞蛋, 果 D冇雞蛋的喱哩「雞蛋」; 同埋 D冇黃豆既「醬油」 不過, 想來大陸科技比加拿大高明, 係大陸我一定食唔出佢係假, 因為佢一定會 make sure加番 D好似橙汁既汁落去, 令你食得津津有味.
你話如果一個人好似「殭纖」咁, 有極高既營養, 有豐富既纖維, 但係好難食, 咁有如何呢? 係教會有好多人好人, 佢地好愛主, 好多事奉, 好屬靈, 但如果冇左人情味, 會同「殭纖」一樣, 一樣咁難頂. 我地唔係無惡不作既死飛仔, 但亦唔好做木獨不仁, 只愛「靈魂」, 一味普渡眾生, 降魔伏妖既少林和尚. 橙汁唔係外添, 係自然同內在, 係棵橙樹裡孕育出來, 生命既可愛都一樣, 扮到, 但唔係真.
如果你話未信既時侯係一杯橙汁, 有防腐劑, 每200毫升有 25克(五匙)糖, 冇營養又冇纖維. 信主之後亦無需將你自己渣乾渣淨先可以變番做個有真又活既橙? 只不過, 我地好多時侯都係咁, 神設立安息日叫人安息, 但我地唔肯, 係要渣乾渣淨 勞苦擔重擔既人到耶穌跟前, 點解反而變得更疲累同忙亂呢?
|