|
Billy Lau Ho-Him's
Home Page |
|
|
自從六月之後, 我停左半年冇寫文亦冇填詞, 每一日過著流水作業式的生活, 在熟識的面孔和街道當中 - 不停打轉, 隨著同一的舞步, 一樣的節拍, 漫無目的咁穿梭於人群, 聲浪和歲月當中, 追想我既過去, 摸索我既將來.
CGA如果順利通過的話, 下一步又應該點呢? 會計和金融, 點先可以更加專業同多元化呢? 文章同歌詞, 點先可以寫得更有創意呢? 對神既話語, 點先可以更深入明白同認識呢
當我走過一個又一個高峯, 一浪接一浪的洪濤, 又可唔可以再創經典, 令人生更美麗呢?
感恩是: 神總會在生活一D微不足道的事情上, 找到新盼望, 新方向.
經典重臨 11月最後一日, 亦即是 CGA 考試的正日, 一件極不尋常的事又再次發生在我身上.
六點半考試, 我唔想遲到, 所以, 兩點鐘就落樓, 搭巴士. 我一向都喜歡搭 Steels bus 多過搭 Warden, 像平時一樣, 在Steels街口總會 miss 一兩架 Warden, 又或者一兩架 Steels. 那一日, 我在沿途總共 miss 左兩架 Steels 同一架 Warden, ok la, 講到呢度, 都冇乜特別.
誰不知生命中每一個驚喜, 往往是無聲無色, 突如其來的走到你面前, 當佢察身而過, 只要你懂得抓住, 可以令你一生受用, 回味無窮.
Miss左三架巴士之後, 終於走到 Steels & Warden 交界的巴士站, 我當時企正係個巴士站度等車, 之後, 你估下我總共 miss 左幾多架巴士?
無論理性, 感性, 靈性, 本性, 男性, 女性, 甚至動物性, 植物性同死物性, 都話比你同我聽, 係冇可能再 miss 得太離譜. 就算最黑, 最霉, 最大風雪的日子, 企正係巴士站, 又乜可能仲 miss?
我果日冇時間證人, 但係, 我講的見證係真.
一個正常而受過訓練的專業巴士司機, 係11月30日陽光普照, 風和日麗的天氣底下, 在當時的光線, 交通情况, 同行車時速種種因素加埋, 係冇可能睇唔見企係巴士站的中國籍男子 - 我, 的存在, 加上當時仲係下午兩點至兩點廿十分呢段非繁忙時間, 車廂內絕對可以容納多一個好似我咁既身型的人.
但係, 好可惜, 係11月30日, 兩點至兩點廿十分呢段時間裡面, 我企巴士站, 竟然可以連續 miss 八架巴士, 計埋之前係路上 miss 果三架, 同埋佢上車果架巴士, 短短廿十分鐘之內, 等左十二架巴士, 平均每一百秒 miss 一班車, 真係代表作, <<Mission Impossible>>, <<極速一百秒>> & <<Missing Eleven>>.
飛站, 同隻眼開隻眼閉的工作態度, 有時侯, 無法彌補撘客在時間上的損失, 以及心靈同肉體上的創傷折磨, 更加無法向千萬加國納稅人, 和使用該公共交通工具的廣大市民交待. 然而, 呢種近乎冇可能發生的「奇遇」, 居然天時, 地利, 人和, 以及聖靈保惠師的感動帶領, 在時間與空間配合得天衣無縫底下, 教我<<遇見>>如此千載難逢的經歷, 實在令我到興奮<<越等越開心>>, 興奮到身邊一齊等車的人詫異得神不守捨: 「等得到, 就唔洗咁火燥啦! 等唔到, 都咁興奮?」
經典過後 如果有讀開我 sharing的人, 或者都會記得我曾經試過 miss 五架巴士, 我以為人生係再冇經典, 估唔到今次等足 12架巴士, 原來, 經典過後係可以再有經典, 當我以為我已經冇辦法再突破的時侯, 其實, 只要我細心去察覺, 係可以揾到好多進步的空間同埋新的元動力.
如果你跟據聖經原則做人, 一切都好似黑白分明, 但當你睇真 D現實世界, 又會覺得好多灰色地帶, 人要在這黑與白的宇宙, 與灰色的天空對抗糾纏, 我地似乎忘記左聖經同道德經唔同, 唔係一堆原則s咁簡單同膚淺, 當你打開雙眼, 世界唔係黑白亦唔係灰色, <<天父世界>>係彩色嫁.
主耶穌來到世界唔係要叫你背熟一句又一句特定的台詞, 台詞, 我地老早就識背了, 只係演來演去都好似唔夠稱職, 主耶穌來到世界是要叫人得生命, 並且得的更豐盛, 他有能力叫你的生命, 如果係一段黑白的粵語殘片, 變成彩色, 加上背景音樂同特別效果, 令同一個故事, 耳目一新, 變得更加精采, 更值得拍掌.
講番轉頭, 究竟我可唔可以在我的專業, 創作同埋聖經上更進一步呢? 有好多人話過我: 我做好多野, 顧的飯數多, 太唔專一云云. 呢個可能係我性格上的限制, 當我越來越認識自己, 就更加欣賞神賜比我呢一份<<死性不改>>的性格, 透過呢份了解令我走出迴旋處, 再次走到起飛跑道上. 如果我唔讀經, 就冇心機進修, 如果我唔進修, 就冇靈感創作, 如果我唔創作, 又唔會晝夜思想神的話語, 所以, 如果我要繼續進步, 就要三樣都一齊做, 先做得好, 先有動力繼續.
* 照著<<我相信>>的這個信念行, 繼<<頌讚歸我主>>(2002), <<青葱歲月>>(2003) 同 <<或向左, 或向右>>(2004), Billy 2005年新作<<暖寒流>>.
|