|
Billy Lau Ho-Him's
Home Page |
|
Home |
行船 - 04/08/04
四月八日, 又要加班, 自從公司上市之後, 冇乜邊日唔洗加班. Manager, 另一個 analyst, 我, 同埋老細, 四個分別係位度趕 reports. 由於大家 office 距離話遠唔遠, 話近唔近, 所以有乜事, 互相聯絡都唔冼用電話, 而係大聲喊出嚟, 係公司這樣做十分平常.
「Billy, book 得 tax provision 未呀? 你幫手睇吓啦!」(回音: 睇吓啦!睇吓啦!) 「未得呀! 條數唔係好啱呀! 我依家睇緊呀!」(回音: 睇緊呀!睇緊呀!) 「Kim, D數入成點呀? 點解個 premium 咁細?」(回音: 咁細?咁細?) 「等我睇下, 個 G/L 個數係冇錯喎!」(回音: 冇錯喎! 冇錯喎!)
突然之間, 這種對話方式令我覺得自己好似置身於大海之中: 在一個雷電交加的晚上, 一艘小魚船在怒海中飄零, 只見汪洋浩翰, 四下裡狂風大作......
「快D起錨啦! 收晒 D 帆, 快!」(呼...呼...呼...) 「依家好大浪呀! 唔惦呀! 隻船太重啦! 要拋咁 D 貨落海呀!」(呼...呼...呼...) 「你揸實個舵, 等我用 D 繩紮實個船身.」(呼...呼...呼...) 「好, 上面情況點呀?」(呼...呼...呼...) 「乜都睇唔到呀! 我可唔可以落番嚟呀? 我....我呢度好大風.」(呼...呼...呼...)
在一個叫天不應叫地不聞的環境底下, 橫風橫雨, 伸手不見五指, 每個人都好似各自為戰, 覺得自己的岡位最重要, 付出最多, 最受委屈, 但其實同埋一條船, 又何必爭一日之長短呢?
「耶穌, 你去咗邊恕呀?」(呼...呼...呼...) 「訓咗啦! 訓到隻豬咁呀!」(呼...呼...呼...) (可 4:37-38) 「主啊! 我哋就嚟死啦, 你唔理嗱?」(呼...呼...呼...) 「住了罷! 靜了罷!」(鴉雀無聲)
Billy: 「咪住! 主呀! 多謝你平靜風浪呀! 同埋一條船, 你可唔可以順便幫幫忙, 我哋D 政治風暴仲勁過你啱啱擺平咗果個, 請你平靜埋佢先, 之後, 你再攪攪豬, 我就唔再嘈你. 又或者你比我有本領行海, 帶我離開呢條船, 又得.」 耶穌:「你去平靜風和海 la.」 Billy:「我? Come on, 主啊! 唔好玩我啦! 呢 D 非常時期, 仲講笑? 我唔通走去同老細講: “住了罷! 靜了罷!”咩? 」
我開始諗: 我點樣平靜風和海, 又開始諗下其他有關船同海的經文, 睇下有冇提示:
第一段 - 敬畏神 詩篇 107: 23 - 32
所謂「泰山崩於前而色不變, 黃河缺於側而神不驚」, 用來形容一個人臨危不亂. 但有時侯, 天不怕, 地不怕又係咪好呢?
一切都在神的掌管中, 風暴令人發現自己的渺小和限制, 強化人對神的敬畏/依靠之心. 自去年九月到今年二月, 世界各地的股票市場升咗 20-30%, 到三, 四月, 由於投資者對加息的憂慮, 股市經歷咗一次大幅度的調整, 跌番 5 - 10%. 這次小金融風暴, 以及公司老細同別的部門主管之間的政治角力, 政冶漩渦, 令我更深認識到自己的無知同無奈, 再次呼求神的拯救.
風暴除了叫人敬畏神, 一個基督徒又點樣處身於政冶漩渦之中? 這令我諗到另一段經文.
第二段 - 安慰人 徒 27: 21-25, 33-38
話說, 保羅有次搭船去羅馬, 遇到風暴. 船上面 D 人同狂風暴雨搏鬥咗廿幾日, 最後連活命的指望都冇埋, 冇晒心機食嘢, 保羅就係果時企出嚟安慰人.
要平息<<茶杯裡的風波>>, 平定政冶漩渦, 這不就是最好的方法么? 如果我今日唔企出來, 又會點呢? 我想到另一段經文....
第三段 - 累己累人 約拿書 1: 1-17
神吩咐約拿去傳福音, 但佢就阿崩叫狗, 越叫越走, 搭船著草.
「然而耶和華使海中起大風，海就狂風大作，甚至船幾乎破壞。
你這沉睡的人哪, 為何這樣呢? 起來, 求告你的神, 或者神顧念我們, 使我們不致滅亡.
人或者用好多方法去 stop the problems, get the jobs done, 但如果問題來自一個屬神的人, 一個屬神但逃避神的人, 係冇人可以解決. 最後, 約拿要投奔怒海, 佢一走, 風浪就平靜, 這是平靜風浪的第二個方法, 聖經話, 約拿佢一走, D 人就敬畏神, 其實都幾樣衰, 幾諷.
我想做約拿定保羅呢?
其實, 聖經仲有好多關於航海的故事, 唔講太多, 下次先啦! 所謂「行船跑馬三分險」, 「欺山莫欺水」, 聖經裡面, 海, 通常係形容惡勢力, 除咗啟示錄中的玻璃海, anyway, 講得太多.........
|