|
Billy Lau Ho-Him's
Home Page |
|
Home |
搭巴士 - 2004/03/26
揀 今日, 架車入廠, 要搭巴士番工. 由屋企出發, 可以行上 Steels 搭 53號, 或者搭 Warden, 再轉 Finch. 行到大閘門口, 就見到有架 Warden車經過, 眼見追唔到 (一半原因係唔想追), 於是, 唯有行上 Steels 搭 # 53, 當時, 我 有祈禱, 求問神的心意, 內心非常平安. 點知, 當行到美堅, 見到第二架 Warden 車經過. (陰功!!) 行到差唔多 Steels 路口, 第三架 Warden 車再經過. (嘩! 夾埋? 有冇攪錯? 平時又唔見咁多 Warden?) 「紅綠燈, 過馬路要小心」時, 再 missed 多架 Steels. (我想死!!)
當時, 我諗: 「如果一早追, 就可以唔洗等搭倒 Warden, 就算追唔到手, 都即刻有第二架 Warden 等我, 依家上 Steels, 就 missed 咗咁多班架車, 真係陰功!! 點解每次揀<<士多啤梨蘋果橙>>, 都會睇下有冇爛, 但查實我係唔識揀, 所以左揀右揀, 最後都會有可能係爛燈盞. 點解每次即使有求問咗神的心意, 到頭來都可以攪成咁? 有得揀又煩, 冇得揀又慘, 揀0岩, 好快又覺得唔夠盞, 揀錯, 又係咪每次都唔抵爭? 不過, 諗落都 OK, 至少我因為"等", 而諗咗咁多嘢, 又因為咁而寫咗篇 sharing 吖.」
原來, 人生有好多事要做決擇, 揀科, 揀工, 揀人...... 生死禍福, 一定要揀0岩, 其他0野點揀其實冇乜所謂, 但揀咗就唔好怨, 學下甘心同肯為自己的選擇而負責, 如果唔係都幾慘.
等 今次能夠在五分鐘 missed 四架車, 以最短時間內 missed 幾多架車來計算, 是一生中的最高紀錄, 對上一次係 97年, 其實果次最激, 果日落大雪, 連續 missed 0左兩架 Warden, 等半個鐘, 去到 Finch, 又連續 missed 0左三架 Finch, 再等一個鐘, 先上到巴士, 陰功!! 八點半上堂 (Econ 1010), 番到去 York 都十點幾, 十一點, 陰功!! 還記得當天, 在 Finch 巴士上遇到一個 CCF 姊妹, 佢果日仲要一早考試, missed 0左, 真係冇陰功!! 不過, 個考試 cancelled 0左, 感謝神. 等唔到巴士又如何? 最後我0地咪又係個個畢倒業, 而且, 這份回憶更永遠留在<<我們的記念冊>>之中.
走0左一班車, 唔洗死, 等下一班 lor, 下一班車, 遲早都會<<遇見>>. 有時侯, 我0地太急, 動作太快, 在神面前等侯, 等得唔耐煩就忟, 就燥. 聖經話:「 "你們得救在乎歸回安息, 你們得力在乎平靜安穩, 你們竟自不肯. 你們卻說: 不然,我們要騎馬奔走.」(賽 30:15-16)
我諗, 等侯神 (又或者話, 係神等我0地) 有時好似等巴士咁, 我0地從來唔會驚架巴士唔來, 但點解會驚神的應許唔實現呢? 我0地既然有信心等巴士, 點解冇信心等神呢?
如果草蜢仔可以跳高過一架雙層巴士, 你對神的信心難道仲細過一粒芥種子? 神要求係乜? 不過係信心好似粒芥種咁, 微少, 但有生命力.
等同揀 <<士多啤梨蘋果橙>>呢隻歌係講點樣揀, 忽然靈光一閃, 改咗部份歌詞, 用等巴士為題, 講點樣等.
|